Laerskool Olifantsvallei Blad

Alle bekers en trofees moet vandag ingehandig word.

LSO groet ons Graad 7-klas van 2023!

Waltons "Back-to-school" bestellings kan môre tussen 10:00 en 13:00 afgehaal word.

Ons Graad 3-klas geniet hul Kaap-uitstappie terdeë!! Dankie aan Mnr. Jean Strydom, Juffrouens Lienke Smit, Chanté Pretorius, Chantelle van Zyl en Mev. Evelyn Koekemoer wat die leerders vergesel het.

Nuusbrief - 24 November 2023

Baie welkom aan die Graad 1-leerders van 2024 wat vandag LSO besoek het.

Skoolure vanaf môre -
08:00 tot 13:00
Graad 1 & 2 verdaagtye bly onveranderd.

Indien u Waltons “Back-to-School” bestel het, herinner ons u daaraan dat u bestelling op Donderdag, 30 November 2023, tussen 10:00 en 13:00 afgehaal kan word. Die faktuur met dan ten volle vereffen word en onafgehaalde bestellings gaan nog dieselfde dag weer terug na Waltons – Vredenburg. (Waltons het kaartfasiliteite beskikbaar.)

Neem asseblief kennis dat rapporte op Dinsdag,
12 Desember 2023, vanaf
07:30 tot 09:00 afgehaal kan word.

Nuusbrief - 17 November 2023

Baie geluk aan Wian van der Merwe (regs) en Wiané van der Vyver (links) wat kwalifiseer vir die Boland Kavalier Tennisproewe. Dit vind die eerste naweek in Desember plaas. Ons is baie trots op hierdie twee spelers!

Die sport- en akademiese fotobestellings moet voor/op Maandag, 27 November 2023, by me. Elna Grobbelaar ingehandig word. Neem asseblief kennis dat die korrekte bedrag by die bestelling ingesluit moet wees

Nuusbrief - 10 November 2023

LSO se Sportvrou van die jaar is ALIZMI VAN DER VYVER.
Baie geluk!

Die Veelsydigste Leerder en Sportman van die jaar is aan HERMAN ENGELBRECHT toegeken.
Baie geluk!

Grondslagfase – Cillie Burger Trofee is vanjaar aan ROBYN KLEIN toegeken. Hierdie trofee word toegeken aan die leerder met die hoogste gemiddelde persentasie van Graad 1 tot 3 in Huistaal, Engels en Wiskunde.
Baie geluk!

LSO se Dux-leerder van 2023 - Henco Marais
(word toegeken aan die leerder met die hoogste gemiddelde van Graad 4 tot 7)
Baie geluk!

Baie geluk aan ons nuwe Prefekte van 2024:
Bo (vl.n.r.): SW van der Merwe, Anchen Abrahams en Kayla Claassens.
Middel (v.l.n.r.): Waneetha Mouton, Amy Cloete (Hoofdogter) en Albie Burger.
Middel (v.l.n.r.): Gideon Smit, Roshmon Muller (Hoofseun) en Anicia Hector.
Onder (v.l.n.r.): Waydon Botha, Lilly-Ann Cloete en Chloë Fortuin (Afwesig).

Herman Engelbrecht (links) en Wian van der Merwe (regs) het die Platteland Tennisspan by die Interdistrik Toernooi verteenwoodig. Die Plattelandspan het kragte teen Drakenstein (Paarl) en Wynland (Stellenbosch) gemeet. In beide se onderskeie ouderdomsgroepe het die Plattelandspan 1ste geeïndig en elke speler het ‘n goue medalje ontvang. Ons is baie trots op hierdie twee spelers.
Baie geluk!

Nuusbrief - 3 November 2023

Neem asb kennis dat die pad voor die skool vir herstelwerk gesluit is. Leerders moet agter by die Sandveldhuisie of agter die koshuis opgetel word.

LSO se kersboom-projek vir die Kerssangdiens het vandag afgeskop. Ons Graad 2-klassie het eerste hul handgemaakte kersversierings aan die bome kom hang.

Sestien van LSO se Grondslagfase leerders het aan die Conquesta deelgeneem. In Wiskunde het ons 'n gemiddeld van 82% behaal en Huistaal 86%. Baie geluk aan Mari van die Merwe (Graad 3) wat 100% in Huistaal gekry het.

LSO se tennisspanne speel Swellendam aan die brand.
Dag 1 se uitslae:
Wen teen Worcester-Oos 22 - 3
Wen teen Beaumont 18 - 7
Wen teen Hartenbos 17- 10
Wen teen Swellendam 2 24 - 0

Super trots! Sterkte vir dag 2.

LSO het beslis meer Springbok-ondersteuners as All Black-ondersteuners.

Nuusbrief - 27 Oktober 2023

Sluitkassie gelde vir kwartaal 4 moet asseblief môre betaal word.

Baie sterkte aan ons tennis spelers wat in Swellendam aan 'n toernooi deelneem. Baie dankie aan me Janel van der Merwe en me Hanli van Zyl wat die spelers vergesel.

LSO swempette is nou by die klerebank teen R150 elk, beskikbaar.

Klerebank tye - 07:45 tot 13:00

Laerskool Olifantsvallei was in die gunstige posisie om 'n nuwe bakkie vir ons terreinbestuurder se gebruik, aan te skaf.