Kreatiewe skryfklasse vir kinders van alle ouderdomme asook verskaffer en skrywer van lekkerlees kind Skryfklasse vir alle ouderdomme.
09/08/2025
Vir Vrouedag het ons 'n spesiale skryfklas gehad met Joseph Cambell se 'The Hero's journey' as inspirasie.
Ons het onverskrokke heldinne geskep met bonatuurlike kragte en hulle op 'n epiese reis gestuur om 'n vreesbevange dogtertjie te gaan red.
Joseph Cambell het gesê: “The cave you fear to enter holds the treasure you seek”. Saam het ons diep gaan delf om hierdie reddingspoging (in ons storie en in ons lewens) te laat slaag.
28/07/2025
Vandag is my skryfskool 8 jaar oud! 🥳
Vir 8 jaar lank sit kinders (en soms grootmense) week na week om my eetkamertafel.
Sommiges kom met interessante stories hier aan, ander met niks meer as 'n hart vol woorde wat nog nie hul pad na papier toe gevind het nie.
Ons het in hierdie 8 jaar nie net geleer hoe om mooi te skryf nie, maar ook hoe om ons stemme te gebruik, krities te d**k, beter te kommunikeer, en sin te maak van die chaos in ons koppe.
Elke sin, elke storie, elke kind en volwassene wat al aan daardie tafel gesit het, het hierdie skool gevorm tot ’n veilige ruimte vir stemme om hul vlerke te vind.
Dankie aan elke ouer wat my vertrou het, elke leerling wat probeer het, en elke sin wat ontstaan het uit waagmoed, nuuskierigheid en 'n soeke na waarheid. .
Ek sien uit na die volgende hoofstuk! Die ink is nog lank nie op nie...