Laerskool Swartkop - Amptelik

[SKAAK]

Ons eie skaakafrigter en St. Bernard eienaar, Bernard Buys, het die naweek deelgeneem het aan die Elize Steenkamp skaaktoernooi en weggestap het met die 1ste plek!

Baie geluk Bernard!

Baie geluk met jou verjaardag Annelise! Jou vriendelikheid bring 'n warmte in die kantoor wat besoekers laat tuis voel. Mag jou dag geseënd wees met jou mense om jou. Hiep-hoera!

Daar is iets omtrent 'n Comrades Marathon.
Aan elkeen van hierdie atlete wat vandag die Comrades Marathon voltooi het, wil ons sê: of ons jou persoonlik ken of nie, jy is op 'n manier deel van die Swarrie Plaasvibe en jy maak ons ongelooflik trots!

Baie geluk aan Mnr. Ken en Juff. Liandra Kendall se seun, Wian, wat vandag sy eerste Comrades gehardloop het in 11.29min. Mnr. Ken, wat ons Ratel landloopspan afrig, het self die Comrades al 21 keer voltooi!

Juffrou Melanie se broer, Pierre du Preez, het vandag klaar gemaak in 'n 9.28min. Welgedaan!

Marius Engelbrecht, 'n ouer van die skool het vandag klaargemaak in 11.26. Marius het gehardloop vir CHOC. Wat 'n voorbeeld!

Welgedaan!

[BULLETJIERUGBY]

Bulletjierugby op Loftus is altyd 'n ongelooflike ervaring vir ons jong spelers en ons ouers!
Baie dankie aan elke ouer wat afrig, ondersteun en foto's neem om hierdie herinneringe vas te vang.
Hierdie bulletjies van ons gaan verseker nog ver kom!
Lekker Swarries!

Baie geluk met jou verjaardag, Carien!

Met een hand in bemarking en een voet in jou balletskoen, is jy ’n dame van vele talente. Mag jou spesiale dag gevul wees met liefde, omgee, vreugde en al die mooi dinge wat jy met ander deel. Hiep-hoera!

[LEIERSKAPSONTWIKKELING]

Leierskap deur die oë van oud-Swarries

Vir ons tweede sessie met ons Gr. 6-leerders het ons die voorreg gehad om oud-Swarries te verwelkom wat hul leierskapservarings met ons kom deel het.

Kade Poonasamy – Hoofseun 2019
Meirin Wassermann – Hoofseun 2016
Deoné de Beer – Hoofdogter 2021

Wie beter om ons leerders te bemagtig as mense wat self in hul skoene gestaan het? Ons gassprekers het gesels oor die rol van leierskap, die impak daarvan, hoe dit hulle as mense gevorm het, asook die voordele én uitdagings wat daarmee gepaardgaan.

Tannie Tia het ook 'n draai kom maak om haar ondersteuning en waardevolle insigte oor leierskap met ons te deel.

Ons leerders het ook die geleentheid gehad om vrae te vra, onsekerhede uit die weg te ruim en meer te leer oor wat dit beteken om 'n leier te wees.

'n Groot dankie aan Hoërskool Zwartkop wat ons leerders bederf het met 'n heerlike koppie warm sjokolade, malvalekkers en 'n koekie!

Dit was 'n wonderlike, interaktiewe middagsessie vol inspirasie, groei en waardevolle gesprekke met 'n fantastiese groep leerders.

[BULLETJIERUGBY]

Ons eie klein bulletjie maak ons trots!

Klein Annerie Bezuidenhout in Gr. 1 is ons eie bulletjie-meisie wat met groot passie bulletjierugby speel!

Annerie het vandag die wonderlike voorreg gehad om op Loftus Versfeld te kuier en die ongelooflike Bulls Daisies te ontmoet. Wat 'n spesiale ervaring vir so 'n jong rugbyliefhebber!

Môre speel sy in die "Girls Only"-span tydens Loftus se groot Bulletjierugbydag en ons weet sy gaan elke oomblik daarvan geniet.

Annerie, dit is vir ons ongelooflik lekker om te sien hoe jy jou passie uitleef en met soveel opgewondenheid deelneem aan iets waarvoor jy lief is. Jy volg in die voetspore van ons eie oud-Swarrie, Sheniqwa Lambrecht, wat vir SA 7's speel, asook ons eie Lua Rohmann, wat nie te lank gelede haar passie vir bulletjierugby met dieselfde entoesiasme uitgeleef het. Mag jy aanhou groot droom en elke oomblik op die rugbyveld geniet!

Ons is baie trots op jou en wens jou sterkte toe vir more se wedstryde by die groot Bulletjiedag op Loftus.
Blue Bulls Youth Rugby Association

Sy's 'n Swarrie!