Laerskool Swartkop - Amptelik

Laerskool Swartkop - Amptelik Hier oorwin ons elke uitdaging met nederige trots!

Laerskool Swartkop bied aan ouers in die Centurion-gemeenskap 'n veilige, geborge familie-atmosfeer, waar kinders hulle potensiaal ten volle ontdek en verder presteer.

Nie alles gaan altyd soos ons dit wil hê nie. Soms val die bal presies reg. Soms nie. Soms lig jy die kolf ná ’n wedstry...
10/09/2026

Nie alles gaan altyd soos ons dit wil hê nie. Soms val die bal presies reg. Soms nie. Soms lig jy die kolf ná ’n wedstryd vol trots en ander kere stap jy van die veld af met teleurstelling in jou hart.

Maar dit is juis in daardie oomblikke wat ons leer.

Elke wedstryd leer ons om nederig te wees. Wanneer ons wen, vier ons dit met nederige trots. Wanneer ons verloor, neem ons ’n les saam met ons. Ons leer om weer op te staan, weer te probeer en volgende keer nóg beter te wees.

Want talent is wonderlik, maar karakter, volharding en deursettingsvermoë is wat ’n ware kampioen bou.

Opgee? Nooit.

Swarries weet nie van opgee nie.
Swarries weet van volharding.
Swarries weet van uithouvermoë.
Swarries weet van weer probeer.
Swarries weet hoe om ná ’n teleurstelling hul kop op te tel en weer vorentoe te kyk.

Hou aan droom. Hou aan werk. Hou aan glo.
Ons is trots op jou, wen of verloor!

10/09/2026

Ons Swarrie Skapies se Lentekrone, roep die son!

[LEESWEEK]’n Heerlike afsluiting van ons Leesweek! Verlede Vrydag het ons heerlik gepiekniek met ’n boek in die hand om ...
10/09/2026

[LEESWEEK]

’n Heerlike afsluiting van ons Leesweek!

Verlede Vrydag het ons heerlik gepiekniek met ’n boek in die hand om ons Leesweek af te sluit.

Dit is regtig vir ons ’n riem onder die hart om te sien hoe ons Swarries weer ’n liefde vir lees ontwikkel het. Ons is só trots op elkeen wat saamgelees en die wonderwêreld van boeke ontdek het!

Hou aan lees, Swarries!
Onthou: Lees gee jou vlerke!

[KRIEKET]Dit was weer 'n middag van lekker, opwindende krieket hier op die Swarrie-velde.Mnr. Sieg en sy 0/11A span stel...
09/09/2026

[KRIEKET]

Dit was weer 'n middag van lekker, opwindende krieket hier op die Swarrie-velde.
Mnr. Sieg en sy 0/11A span stel nie teleur nie en wen met 45 lopies teen Stefanus Roos!

Baie geluk aan Juvan du Plessis wat aangewys is as Speler van die Wedstryd met:
36 lopies van slegs 22 b***e
3 paaltjies vir net 17 lopies

Baie geluk Swarries!
Ons is baie trots, hou so aan!

[CENTURION KUNSTEFEES]Ons klein Swarrie Skapies se kunstalent is beslis iets om oor te spog! Elke mamma sal hierdie prag...
09/09/2026

[CENTURION KUNSTEFEES]

Ons klein Swarrie Skapies se kunstalent is beslis iets om oor te spog! Elke mamma sal hierdie pragtige kunswerke met trots wil raam.

Baie geluk aan al ons Skapies wat deelgeneem het aan die Centurion Kunstefees onder die afdeling: Beeldende Kuns.

’n Spesiale gelukwensing aan Zané Verster, wat as ’n Afdelingswenner aangewys is.

Ons is sommer báie trots op julle, Skapies!

09/09/2026

Henco wys vir ons hoe werk die Hidroliese Hyskraan wat hy vir Teg gebou het. Goeie werk, Henco!

[GR.3 LAEVELDTOER]Soos ’n klomp opgewonde hienas het ons Gr. 3’s vroegoggend, bagasie in die hand, opgedaag vir die toer...
09/09/2026

[GR.3 LAEVELDTOER]

Soos ’n klomp opgewonde hienas het ons Gr. 3’s vroegoggend, bagasie in die hand, opgedaag vir die toer van ’n leeftyd!

Juffrou Elria was daar om al die stralende gesiggies te groet en sommer die groot avontuur af te skop.

Ons is baie beïndruk met hoe mooi ons Gr. 3’s self hulle goedjies gepak het… Ons is net ’n bietjie onseker oor daardie bottel skuimbad wat saamgaan?!

Geniet elke oomblik, Gr. 3’s!
Maak julle harte vol, wees avontuurlustig en maak soveel as moontlik mooi herinneringe bymekaar.

Mag God Sy hand van bewaring oor julle hou gedurende hierdie tyd.
Ons kan nie wag om al die stories te hoor nie!

[CENTURION KUNSTEFEES]“’n Gladdebek kan ’n mens met woorde wen, maar ’n goeie redenaar wen met oortuiging!” Ons is ongel...
08/09/2026

[CENTURION KUNSTEFEES]

“’n Gladdebek kan ’n mens met woorde wen, maar ’n goeie redenaar wen met oortuiging!”

Ons is ongelooflik trots op al ons Swarries wat aan die Centurion Kunstefees in die Redenaars-afdeling deelgeneem het!

Om voor ’n gehoor op te staan, jou standpunt te stel en dit met selfvertroue te verdedig, verg waagmoed, voorbereiding en deursettingsvermoë. Ons is trots op elke leerder wat die uitdaging aangegryp het en hul stem laat hoor het.

Julle het gewys dat ’n mens se woorde krag het wanneer dit met oortuiging en selfvertroue gespreek word.

Baie geluk aan elkeen van ons Swarries, julle maak ons trots!

[DANS]Ons dansers het omtrent gewikkel tydens die A-Arts Provincial, National and International Festival danskompetisie...
08/09/2026

[DANS]
Ons dansers het omtrent gewikkel tydens die A-Arts Provincial, National and International Festival danskompetisie!

Baie geluk aan elke Laerskool Swartkop Dansakademie dansertjie, wat haar hart op die verhoog uitgedans het:

5de plek - Kiara Maartens - Lyrical solo

4de plek - Emma Nel - Lyrical solo
4de plek - Larouché du Plessis - Lyrical solo

3de plek - Emma Fogarty - Lyrical solo

2de plek - Daina Swart - Lyrical solo
2de plek - Emma Nel en Zahria van Loggerenberg - Modern duet
2de plek - Rachandra Lamprecht - Lyrical solo
2de plek - Larouché du Plessis en Rachandra Lamprecht - Lyrical duet

1ste plek - Abigail Rossouw en Logan Stoddart - Modern duet
1ste plek - Evelyn du Preez en Natasha Janovsky - Open duet1ste plek - Carlien Putter en Diané Cronjé - Open duet
1ste plek - Noluthando Shabangu en Shenike Vorster - Open duet

Baie geluk Laerskool Swartkop Dansakademie, julle hou ons naam hoog!

Hier het allerhande boekkarakters vandag by die skool opgedaag om Internasionale Geletterdheidsdag te vier!Internasional...
08/09/2026

Hier het allerhande boekkarakters vandag by die skool opgedaag om Internasionale Geletterdheidsdag te vier!

Internasionale Geletterdheidsdag word vandag, 8 September, wêreldwyd gevier om die belangrikheid van geletterdheid vir elke mens uit te lig.

Lees gee jou vlerke!

Address

7 Viking Road
Centurion
0137

Opening Hours

Monday 07:00 - 15:00
Tuesday 07:00 - 15:00
Wednesday 07:00 - 15:00
Thursday 07:00 - 15:00
Friday 07:00 - 14:00

Telephone

+27126541182

Website

Alerts

Be the first to know and let us send you an email when Laerskool Swartkop - Amptelik posts news and promotions. Your email address will not be used for any other purpose, and you can unsubscribe at any time.

Contact The School

Send a message to Laerskool Swartkop - Amptelik:

Shortcuts

Share

Category