DF Akademie

Die verhoog het gisteraand behoorlik geleef tydens die interskole-toneelaand by Hoërskool Bellville — en wat ’n aand was dit nie!

Van oomblikke wat ons hardop laat lag het tot tonele wat die asem weggeslaan het, het ons leerders se talent en passie helder geskitter. Die ure se repetisies en harde werk agter die skerms het voorwaar vrugte afgewerp.

'n Groot dankie aan Bellville vir die gasvryheid en die wonderlike atmosfeer, en baie geluk aan elke akteur, aktrise en verhoogspanlid wat hulle harte uitgespeel het. 💙💛

Die landloopinterskole het op Woensdag 12 Augustus 2026 by Willowbridge plaasgevind – en wat ’n ongelooflike dag was dit nie!

Ons DF-dogters het die podium behoorlik vol gestaan en het die dogtersafdeling gewen! 🥇💙

Baie geluk ook aan Bellville se seuns, wat ’n uitstekende vertoning gelewer het en oorheers het op die podium. 👏 Ons DF-seuns het egter tot die einde geveg en daarin geslaag om ook die seunsafdeling te wen! 🏆

Die aflos was ’n besonder spannende afsluiting, met DF wat die afdeling met slegs 2 punte gewen het! 💪

Ons is ongelooflik trots om die dag af te sluit as die algehele wenners van die landloopinterskole 2026! 🏆🥇

’n Groot dankie aan elke atleet, ouer en ondersteuner wat bygedra het om hierdie dag moontlik te maak. Julle ondersteuning en gees maak ’n ongelooflike verskil! 💙

Baie dankie ook aan Willowbridge en oom Wietse vir die uitstekende aanbieding en die lekker uitleg van die roete.💙💛

Ons het ’n wonderlike middag van e-sport geniet. Op Woensdag 12 Augustus het ons e-sportspelers dit teen Hoërskool Bellville uitgespook op die virtuele veld, met meer as 100 deelnemers!

Al was die uitslae nie in ons guns nie, het ons spelers dit gate uit geniet, die knoppies het warm gebly en die pret was 100%! Dankie, Bellville! 💙💛

Die premierspan-hokkieseuns het gisteraand die geleentheid gehad om rustig saam te kuier voor die groot interskole-stryd.

​'n Groot dankie aan Jeandré Terblanche (matriekleerder van 2013) wat die seuns kom inspireer het om vir mekaar te speel. Baie dankie ook aan SCP Radiology wat hierdie spesiale aand moontlik gemaak het.

​Die span is reg vir 'n kragtige wedstryd vol gees! Sterkte, manne! Die hele DF-familie staan bankvas agter julle! 💙💛

Skakel in, DF! 💙💛

Knieë wat knak, b***e wat rol en maagspiere wat pyn van die lag:

Vandag het ons personeel gewys dat ons nie net op die sportveld kan skitter nie, maar ook op die rolbalbaan. Baie dankie vir die heerlike gees en die baie lag!

Wie het gesê rolbal is 'n rustige sport?!💙💛

Dit was so lekker om vandag na die Old Boys en Old Girls se wedstryde te kyk! Dit was so mooi! En wat nog mooier en lekkerder is, is om al die oud-Dee-Effers te sien wat keer op keer en jaar na jaar weer opdaag vir DF, want as jy eers 'n Dee-Effer is, bly dit deel van jou bloed, jou hart en jou DNA, lewenslank!

Ons kan nie wag om weer al ons oud-Dee-Effers die naweek te sien nie. Dit is altyd een van die beste hoogtepunte van interskole! 💙💛

💙💛