Moederhart Kleuterskool

HEMELVAARTSDAG 2026 ✝️

Ons leer hoe Jesus opgegaan het hemel toe en dat Hy eendag weer gaan terugkom om ons te kom haal. Jesus wil hê ons moet lief wees vir mekaar, mense van Hom vertel, Sy lig na ander uitleef en ook mekaar bedien vir God se koninkryk.

Ons is dankbaar vir vandag se pragtige sonskyn sodat ons lekker lofprysing saam kon geniet. 💛 🌤️

💜 MAMMADAG 2026🪻

"Ons wêreld loop seepglad met Mamma daarin!"

Ons maats het dit onsettend baie geniet om vir hul mammas seepballetjies te maak. Self gemaak met kleine handjies en groot liefde. En dit lyk nie net pragtig nie - dit ruik heerlik!

Moederhart-mammas, julle is absoluut die beste waarvoor hierdie kosbare hartjies ooit kon vra. Ons waardeer julle. Julle is wonderlike mammas!

Pos beskikbaar | vakante pos | kleuterskool

🩵Het jy ’n hart vir klein mensies?

Moederhart Kleuterskool in Proteahoogte is op soek na ’n kleuterskoolassistent om by ons span aan te sluit.
Ons soek iemand met ’n ware liefde vir kinders, wat met geduld, sagtheid en ’n begrip van kinders se ontwikkeling kan help om ’n veilige en liefdevolle leeromgewing te skep.

Vereistes:
• ’n Ware passie en liefde vir kindersorg
• Ervaring en toepaslike opleiding
• Kennis van spelgebaseerde leer
• Christelike waardes en ’n sober leefstyl
• Vertroudheid met gentle parenting en co-regulation
• Betroubare vervoer
• Verkieslik woonagtig in of naby Brackenfell

🕒 Werksure: 06:45 – 17:00
📍 Proteahoogte, Brackenfell

📧 Stuur jou CV en ’n onlangse vollengte foto na:
[email protected]
(Slegs e-pos aansoeke word oorweeg.)

🩵 Moederhart Kleuterskool - Ons harte klop kinderontwikkeling.

KOEKVERKOPING 2026
🍰🍪🧁🍡🍭🍫🎂🍬🍩

Dit was ’n smullekker soetfees!

Ons harte is vol dankbaarheid vir elke mamma wat iets gebak en gestuur het, elke hand wat gehelp het en elke persoon wat kom ondersteun het. Julle het dit werklik spesiaal gemaak!

Die laggies, die geselsies en al die soettand-bederf het vir ’n onvergeetlike middag gesorg. 🩵

Dankie dat julle deel is van ons Moederhart-familie.

VAKANSIEPROGRAM

Morsige spel 👐🫗🌪️

Slymerig. Taai. Jellierig. Glibberig. Krakerig…
👉 Net eenvoudig MORSIG! 😄

En ons kinders het elke oomblik daarvan geniet!

🩵 Dankie aan ons span wat nie net die pret moontlik maak nie…
maar ook die groot opruim daarna aanpak! 😉

JESUS SE WONDERWERKE ✝️🐟🥖

Ons leer van Jesus se wonderwerke en herskep verskeie tonele, soos die storm wat Hy stilgemaak het, Jesus wat op die water loop, die vermeerdering van brood en vis, en die groot visvangs. Ons maats skep hul eie bootjies met los dele en teken Jesus wat op die water loop.

Ons knie deeg en bak heerlike broodjies, wat ons saam met ‘n stukkie vis proe. Met los dele soos nette, foelie, borrelplastiek en sponse skep ons see- en stormtonele. Party maats het selfs vir Jesus ‘n kussing gegee, en ander ‘n kombersie waaronder Hy rustig slaap.

Ons vang vissies met stokke en nette en ontdek saam met dryf- en sink-aktiwiteite. 🎣

VAKANSIEPROGRAM: Kan jy "bon appétit" sê? 🇫🇷

Ons het ons klasse in klein Franse "koffiewinkels" omskep en heerlike crêpes met sjokoladesmeer geniet. 🥞☕

Ons kinders was te oulik opgetof en ons juffies het vir seker alles tot in die fynste detail beplan en versier om 'n onvergeetlike ervaring te skep. Juffrou Michelle se oulike mimiek het vir hope lag en pret gesorg. 👐

Vakansieprogram: Speletjiedag 🤹

Ons maats en juffies het 'n dag vol vet pret speletjies geniet... Wie dit die mééste geniet het, is moeilik om vas te stel, maar dit was vir seker' n dag om te onthou!

Sáám skep ons die mooiste herinneringe!