08/09/2026
Tema: Mense wat ons help 👮🧑🚒🧑⚕️🧑🍳
Die laaste bietjie van ons Mense wat ons help tema.
Ons het ons agtergrond vir ons kunswerk lekker met albaster rol gedoen en probeer fokus op rigting met hierdie kunswerkie se agtergrond asook ons beweging. So 'n lekker aktiwiteit wat help met so baie dinge sonder dat ons agterkom ons leer eintlik!
*Ontwikkel fynmotoriese vaardighede deur die bak te hanteer en die albaster te beheer.
*Oefen hand-oog-koördinasie terwyl hulle die albaster dophou en rig.
*Leer die konsep links na regs deur die albaster van links na regs te laat rol.
*Ontwikkel rigtingsbegrip en ruimtelike bewustheid.
*Ervaar oorsaak en gevolg – wanneer die bak beweeg, beweeg die albaster en laat dit 'n verfspoor.
*Bevorder konsentrasie, beheer en probleemoplossing.
*Ontwikkel kreatiwiteit en selfuitdrukking deur unieke patrone en lyne te skep.
Dit weer raak al hoe lekkerder en ons geniet al hoe meer tyd buite!
