Skryf Afrikaans

23/06/2022

✏️✏️✏️Het jy al ooit gewonder wat 'n inleiding moet bevat? Daar is net drie dinge!

Stuur hierdie plasing vir vriende en familie wat tans studeer of gereeld moet opstelle skryf. Volg ons vir nog baie handige wenke!

Jou inleiding bevat drie dinge:

✏️1. 'n Inleidende sin.
Die inleidende sin verduidelik waar jou opstel inpas in die veld. Eers die groter konteks en dan die kleiner konteks. As jy byvoorbeeld skryf oor n spesifieke sel in die mens se lyf sal jy in jou inleidende sin noem dat hierdie opstel gaan oor mense, biologie en selle. Jy sal ook noem watter spesifieke sel dit oor gaan.

✏️2. 'n Hipotese
Die hipotese is die hoofargument van jou opstel. Daar is 'n gratis plasing op SkryfAfrikaans.com wat dit mooi duidelik verduidelik.

✏️3. 'n Padkaart
Hier gebruik jy 'n paar sinne om te verduidelik watter kleiner argumente jy gaan voer in kou opstel. Dit is dan die "padstops" wat jy gaan maak.

As jy al drie hierdie soort sinne het, het jy n eenvoudige inleiding! Lees meer oor inleidings op SkryfAfrikaans.com.
✏️✏️✏️

19/06/2022

✏️✏️✏️ Al die plasings oor wat 'n gevolgtrekking is en hoe om 'n gevolgtrekking te skryf is nou op SkryfAfrikaans.com beskikbaar! Daar is skyfies vir onderwysers, 'n plasing oor wat die verskil is tussen 'n inleiding en 'n gevolgtrekking (met duidelike diagramme om dit te illustreer) en aanbevelings vir ander webtuiste waar jy nog verder oor die onderwerp sou kon lees. Kliek op hierdie skakel om te sien watter plasings daar alles is.

https://skryfafrikaans.com/2022/06/19/skryfhulp-gevolgtrekkings/

14/06/2022

Die nuutste plasing oor hoe om 'n gevolgtrekking aan te pak, is nou op SkryfAfrikaans.com beskikbaar! Hier word daar met 'n eenvoudige voorbeeld verduidelik hoe om 'n eenvoudige gevolgtrekking te skryf.

Het jy al gewonder hoe om jou die gevolgtrekking van jou opstel aan te pak? Lees hier wat 'n gevolgtrekking bevat.

13/06/2022

Het jy al ooit gewonder wat presies is 'n gevolgtrekking? Wat moet dit laaste paragraaf van jou opstel behels? Hierdie week word daar elke dag 'n artikel oor akademiese gevolgtrekkings op skryfafrikaans.com geplaas. Lees die eerste en hier: https://skryfafrikaans.com/2022/06/13/gevolgtrekking/

Wat moet 'n akademiese opstel se gevolgtrekking bevat? Hoe pak 'n mens 'n gevolgtrekking aan? Hier is 'n paar wenke.

28/05/2022

✏️ ✏️ ✏️ Wat is 'n hipotese? Dosente en onderwysers vra dikwels dat jy moet seker maak dat jou inleiding 'n "thesis statement" of 'n hipotese bevat. Wat beteken dit? 🧐 Verbeel jou jy het ʼn opstelopdrag gekry. 💭 Die opdrag sê die volgende: "Skryf ʼn argumenterende opstel waarin jy vir of teen die volgende stelling redeneer: 'Honde is beter as katte.'" 🐶🐱Jy kies om teen hierdie stelling te argumenteer. Met ander woorde, jy gaan in jou akademiese, redenerende opstel bewys dat katte beter is as honde. Jou hipotese is dan: 'Katte is beter as honde.' 📚 Gaan lees op die blog onder "Inleiding" indien jy meer wil leer oor wat presies 'n hipotese is en voorbeelde hoe ander mense se regte hipotese lyk.
✏️ ✏️ ✏️


https://skryfafrikaans.com/2022/05/04/watisnhipotese/

27/05/2022

Vandag het Skryf Afrikaans amptelik 60 likes op Facebook! Baie dankie vir al die ondersteuning en positiewe terugvoer sover! Hou maar die blog dop vir die volgende plasings wat kom en indien jy sou belangstel kan jy op skryfafrikaans.com inteken vir die nuusbrief.

25/05/2022

Ek het die boekbekendstelling van Kortpad-Afrikaans (2021) bygewoon. Hier is my opsomming van wat daar gebeur het en hoekom dit 'n lekker boek is om aan te skaf!

https://skryfafrikaans.com/2022/05/25/kortpad-afrikaans-2021/

24/05/2022

✏️ My naam is Aletta Simpson en ek is die stigter en hoofskrywer van SkryfAfrikaans.com. Skryf Afrikaans is 'n blog wat streef daarna om in gewone taal en in Afrikaans vir studente en opvoeders te bemagtig met inhoud oor hoe om akademies te skryf. In die toekoms hoop ek om 'n groot verskeidenheid inhoud te dek, maar tans is die fokus op hoe om 'n opstel te skryf en ander vaardighede wat 'n student nodig het om die akademiese omgewing te oorleef.
✏️ Ek is tans betrokke by Stellenbosch Universiteit. Ek gee klas oor akademiese geletterdheid en ek werk aan my meesters in Nederlandse letterkunde by die Departement van Afrikaans en Nederlands by Stellenbosch Universiteit. Ek skryf graag. Ek het al geskryf vir LitNet, Die Student, Jong Nederlandistiek, Spectrum, en Die Matie. Kreatiewe projekte wat ek al aangepak het, sluit in die skryf van ʼn toneelstuk vir Stellenbosch Universiteit se toneelfees, ʼn kortverhaal wat in Penseel (2019) gepubliseer is en die sketse vir grootmensinkleurboeke en ‘n kinderaktiwiteitboek. Ek is dus ook ʼn illustreerder en kunstenaar en die bygaande illustrasies op hierdie blog is ook myne.

23/05/2022

✏️ As hoërskoolleerder het ek 'n fantastiese Afrikaans-onderwyser gehad. Sy het my geleer wat die bloudruk van 'n opstel is. Ek gee tans akademiese geletterdheid en ek gebruik nou nog 'n bloudruk soos die een wat my juffrou my geleer het. Dit is die vaardigheid wat studente die heel meeste help. Hierdie bloudruk en die studente met wie ek werk, is die inspirasie vir hierdie skryfblog. Ek gaan begin om te probeer om hierdie bloudruk aan die lesers te verduidelik en plasings oor ander skryfhulp wenke sal volg. Kliek op die link in die bio. - Aletta ✏️