Huppelland Kaapstad

Vandag was dit Huppelland se feestelike pajamadag. Al ons Huppellanders en personeel kon vandag in hul nagklere, pantoffels,kamerjasse en met ‘n gunsteling slaapteddie skool toe te kom. Die kersie op die koek is dat daar later warmsjokolade en springmielies in die klasse gegee word. Wat ‘n lekker manier om die naweek in te lei! 🧸💛💤🌙

Veels geluk aan ons liefdevolle juffrou Marnelle Bösenberg wat gister verjaar het. Ons hoop dit was ‘n dag vol liefde en bederf. Mag dit ‘n geseënde jaar wees wat voorlê. Jou opregte passie vir kinderontwikkeling en die geluk van alle kleuters bly merkwaardig.🎂🥳🎈🎂

Ons Vissies het verlede week ‘n heerlike, gesonde aktiwiteit aangepak. Hulle het lemoene uitgedruk en die vars lemoensap uit klein glasies gedrink. Die kleuters was gaande daaroor en wou nie ophou nie. ‘n Uitstekende aktiwiteit om handjies en lyfies sterk te maak. Mooi so, Vissies! 🍊🍊🍊

Die Beertjieklas se ‘Troupant kunswerke’ lyk meesterlik. Welgedaan, Beertjies! 🤍

Veels geluk aan ons liewe juffrou Magdel Fourie wat vandag verjaar 🎉🥂 Ons hoop jy word bederf en met liefde omvou. Ons wens vir jou gesondheid, liefde en baie avonture toe. Baie dankie vir al die passie waarmee jy skoolhou en jou ewige liefde vir ons Huppellanders. Lekker verjaar 🩷🍾🎂🎉

Daar is hierdie week meesterlike kunswerke in die Vissieklas gemaak. Vincent van Gogh se ‘starry night’ het die kunswerke se styl geïnspireer.

Die tema was ‘vervoer’. Daar is begin deur ‘n pad en die buitelyne van Kaapstad se geboue te teken. Daarna het die kleuters die geboue en die pad swart geverf, die agtergrond donkerblou en die gras in die voorgond groen geverf. Toe het hulle ‘n bus op ‘n aparte bladsy ingekleur of self met pastelle geteken, uitgeknip en op die pad geplak. Klein stukkies gekleurde papier is toe op die geboue as vensters geplak. Laaste het hulle met wit verf die pad se strepe en sterre of patrone in die aandlug (nes Vincent van Gogh) geverf. ‘n Regte ‘starry night’ in Kaapstad se middestad. Die werke is asemrowend mooi en die Vissies het baie hard gewerk. Veels geluk op die mooi werke! 🌃🌟🌙🌃🌖

Veels geluk aan ons liewe juffrou Corneli Nel wat vandag verjaar! Mag dit ‘n geseënde jaar van gesondheid, vreugde en liefde wees. Dankie vir die passie waarmee jy skoolhou en die liefde vir ons Huppellanders. Lekker verjaar 🎂🎉🎈

Die Vissies en die Voëltjies het verlede week oor ‘plaasdiere’ geleer. Kyk net die kleurvolle collages wat teen juffrou Lana en Magdel se mure geplak is. Treffende kunswerke waarop die kleuters baie trots is. Gaan loer gerus as julle verby stap!🐷🐮🤍

Ons Beertjieklas onderwyseres, Corneli Nel, het Saterdagoggend aan Michael Downes verloof geraak! Ons is saam opgewonde en wens vir hulle geluk en liefde toe. Geniet hierdie spesiale tyd 🥂🍾🤍👰🏼‍♀️

Juffrou Corneli se Beertjieklas het ‘n baie lekker bak en brou vir hulle tema ‘onder die see’ aangepak. Hulle het begin om Donderdag twee gekoopte deegrolle in 20 rolletjies op te sny. Die Beertjies het heerlik saam getel, een rolletjie vir elke kind. Toe kon elkeen ‘n regte koksuniform aantrek om met die deeg te werk. Elke kleuter moes self hulle deeg uitrol, ‘n seedierdrukker kies, hom uitdruk en op die plaat pak. Juffrou Lilian het hulle seediere daarna gebak en vandag kon hulle die seedierkoekies met versiesuiker en ‘sprinkles’ versier. Wat ‘n oulike aktiwiteit met soveel lesse en wat harde werk geverg het. Kyk net hoe oulik! 🐟🐠🐬🐳🦑🦞