Hoërskool Calitzdorp - Amptelik

Hoërskool Calitzdorp - Amptelik HS Calitzdorp is 'n fokusskool vir landbou, geleë in die Klein Karoo. Ons is Afrikaans-medium en huisves leerders van graad R tot 12 en beskik oor 'n koshuis.

Ons leuse is "Sine Cera" ("sonder was").

LSPID-KLAS GENIET LOSLITDAGOns LSPID-klas het Loslitdag met groot entoesiasme gevier! Dit was heerlik om die leerders i...
09/09/2026

LSPID-KLAS GENIET LOSLITDAG

Ons LSPID-klas het Loslitdag met groot entoesiasme gevier!
Dit was heerlik om die leerders in hul gemaklike klere te sien en die dag saam te geniet.
Ons is ook steeds besig om ons sintuie te leer ken en te ontdek.
Deur prettige en praktiese aktiwiteite leer ons hoe ons oë, ore, neus, tong en hande ons help om die wêreld rondom ons te ervaar.

Elke dag is ’n nuwe geleentheid om te leer, te ontdek en saam pret te hê!

Dankie juffrou Isabel Steenkamp en tannie Dotty vir al jul liefde en omgee.


ENTREPRENEURSDAG GRAAD 7Ons sien uit na ń vrolike oggend waar ons leerders eerstehandse kennis van besigheid gaan opdoen...
08/09/2026

ENTREPRENEURSDAG
GRAAD 7

Ons sien uit na ń vrolike oggend waar ons leerders eerstehandse kennis van besigheid gaan opdoen.


BAIE GELUK, KLIPPIES!Ons wil graag die Calitzdorp Rugbyklub gelukwens met hul B-span se oorwinning in vandag se eindstry...
05/09/2026

BAIE GELUK, KLIPPIES!

Ons wil graag die Calitzdorp Rugbyklub gelukwens met hul B-span se oorwinning in vandag se eindstryd van die SWD Eersteliga se B-Afdeling!

Ons is ook baie trots op ons twee leerders, Petrus Willemse en Juandré Opperman wat deel van hierdie kampioenspan is!

Baie geluk, manne! Geniet jul oorwinning.



SATERDAG VAN LEER EN GROEIOns Graad 12-leerders het Saterdag gewys dat sukses nie net gedurende die week behaal word nie...
05/09/2026

SATERDAG VAN LEER EN GROEI

Ons Graad 12-leerders het Saterdag gewys dat sukses nie net gedurende die week behaal word nie! Die leerders het tydens ’n spesiale Saterdagbyeenkoms saamgekom vir ekstra Afrikaans-klasse, met die doel om hul kennis te versterk en hulle nog beter voor te berei vir die belangrike eksamens wat voorlê.

Dit is besonders om te sien hoe ons leerders bereid is om die ekstra myl te stap en hulself akademies te verbeter.

’n Spesiale woord van dank aan mnr. Kleingeld vir sy ondersteuning en betrokkenheid, asook aan ons toegewyde koshuispersoneel wat gesorg het vir ’n heerlike ete wat die leerders kon geniet.

Sulke dae herinner ons daaraan dat samewerking, harde werk en omgee ’n belangrike rol speel in die sukses van ons leerders.

Ons is trots op julle, Graad 12’s! Hou aan om die ekstra myl te stap — jul harde werk sal vrugte afwerp!


RUGBY Ons is geweldig trots op Petrus Willemse en Juandré Opperman wat vandag as deel van Calitzdorp Rugbyklub se B-span...
05/09/2026

RUGBY

Ons is geweldig trots op Petrus Willemse en Juandré Opperman wat vandag as deel van Calitzdorp Rugbyklub se B-span in die eindstryd van die SWD Eersteliga se B-afdeling in Mosselbaai speel.

Baie sterkte, manne! Gee jul beste en geniet dit!



LSPID-KLAS ONTDEK HUL SINTUIEOns LSPID-klas volg tans ’n interessante en prettige leerprogram waarin hulle meer oor hull...
05/09/2026

LSPID-KLAS ONTDEK HUL SINTUIE

Ons LSPID-klas volg tans ’n interessante en prettige leerprogram waarin hulle meer oor hulle sintuie leer. Deur middel van praktiese en sensoriese aktiwiteite kry die leerders die geleentheid om te ontdek, te ervaar en nuwe vaardighede aan te leer.

Daar word gefokus op die ontwikkeling van groot- en fynmotoriese vaardighede, asook kuns en musiek. Sensoriese aktiwiteite speel ook ’n belangrike rol en bied aan die leerders geleenthede om verskillende teksture, klanke, reuke en sensasies te verken.

Die leerders werk ook aan basiese daaglikse versorging en higiëne, wat hulle help om groter onafhanklikheid en selfvertroue te ontwikkel.
Dit is wonderlik om te sien hoe ons LSPID-leerders deur spel, beweging en praktiese ervarings leer en groei!

Baie dankie aan juffrou Isabel Steenkamp en tannie Dotty vir hul geduld en liefde met ons leerders.



BESOEK AAN ONS GRAAD 5-LEERDERSSuster Carol Philander en gesondheidspraktisyn, me. Karin Plaatjies het hierdie week ons ...
04/09/2026

BESOEK AAN ONS GRAAD 5-LEERDERS

Suster Carol Philander en gesondheidspraktisyn, me. Karin Plaatjies het hierdie week ons graad 5-leerders besoek om te verseker dat hulle gesond bly.

Baie dankie, dames! Ons waardeer jul gereelde besoeke en omgee opreg.


SEKRETARESSEDAG 2026Vandag wil ons graag aan me Upman sê: BAIE DANKIE! Jou rol by ons skool is soveel meer as net admini...
02/09/2026

SEKRETARESSEDAG 2026

Vandag wil ons graag aan me Upman sê: BAIE DANKIE!

Jou rol by ons skool is soveel meer as net administrasie. Jy is dikwels die eerste vriendelike gesig wat mense ontmoet, die een wat altyd probeer help en die persoon wat sorg dat soveel dinge agter die skerms glad verloop.

Dankie vir jou toewyding, geduld, vriendelikheid en bereidwilligheid om altyd ’n ekstra myl te stap. Jou bydrae tot die skool word opreg waardeer en maak ’n groot verskil.

Ons is baie dankbaar om jou as deel van ons skoolfamilie te hê. Mag jy vandag bederf en waardeer word, want jy verdien dit beslis!

Mag die Here jou elke dag seën, versterk en met vreugde vul.
Gelukkige Sekretaressedag, Ann!
Ons waardeer jou baie!

LANDLOOPPRESTASIE! Baie geluk aan ons talentvolle landloopleerders wat deurgedring het na die Wes-Kaap Kampioenskappe wa...
01/09/2026

LANDLOOPPRESTASIE!

Baie geluk aan ons talentvolle landloopleerders wat deurgedring het na die Wes-Kaap Kampioenskappe wat op 12 September 2026 in Riversdal gaan plaasvind!

Melissa Hufke
Romeo Grootboom
Dwayne Beginsel

Jul harde werk, deursettingsvermoë en toewyding het vrugte afgewerp. Ons is ongelooflik trots op elkeen van julle en wens julle baie sterkte toe met die kampioenskap.

Baie dankie ook aan me. Nel wat haar tyd so getrou opoffer om hierdie leerders te help om hul volle potensiaal te bereik.

Gaan hardloop met trots – ons staan agter julle!

GELUKKIGE LENTEDAG! Vandag verwelkom ons die lente met oop harte en groot glimlagte! Mag hierdie nuwe seisoen vir elke l...
01/09/2026

GELUKKIGE LENTEDAG!

Vandag verwelkom ons die lente met oop harte en groot glimlagte!

Mag hierdie nuwe seisoen vir elke leerder, ouer en personeellid nuwe hoop, vreugde en vars energie bring. Soos die natuur rondom ons nuut begin groei en blom, mag ons ook elke dag groei, leer en ons volle potensiaal bereik.

Laat ons die lente vier met kleur, positiwiteit en dankbaarheid!

Van almal by Hoërskool Calitzdorp – ’n baie mooi en voorspoedige Lentedag aan ons hele skoolgemeenskap!

Mag jou lewe hierdie lente in oorvloed blom!


Address

Pretorius Street
Calitzdorp
6660

Opening Hours

Monday 07:00 - 15:30
Tuesday 07:00 - 15:30
Wednesday 07:00 - 15:30
Thursday 07:00 - 15:30
Friday 07:00 - 15:30

Telephone

+27442133313

Website

Alerts

Be the first to know and let us send you an email when Hoërskool Calitzdorp - Amptelik posts news and promotions. Your email address will not be used for any other purpose, and you can unsubscribe at any time.

Contact The School

Send a message to Hoërskool Calitzdorp - Amptelik:

Shortcuts

Share

Category