Laerskool Die Arend

Personeel:

Baie geluk aan Me. Micaela Ellis met u verjaarsdag vandag (11 Junie).

Op hierdie spesiale dag wens ons u net die mooiste toe. 'n Jaar gevul met God se goedheid en guns.

Rugby:

Baie geluk aan ons o/10- en o/11-rugbyspanne!

Ons wil graag ons gelukwense oordra aan hierdie twee spanne met hul uitstekende rugbyseisoen tot dusver. Julle harde werk, deursettingsvermoë en toewyding het vrugte afgewerp, en ons is ongelooflik trots daarop dat beide spanne deurgedring het na die Valke-finaal wat volgende week plaasvind.

Dankie aan elke speler en afrigter vir julle toewyding en die manier waarop julle die Arie-naam met trots uitdra. Julle maak ons ongelooflik trots!

Sterkte vir die finaal – speel met hart, geniet elke oomblik en onthou dat ons almal agter julle staan!

Belangrike kennisgewing met betrekking tot ons Graad R en 1 Opedag!!

Deel asseblief die nuus wyd en Suid.

Hartseer nuus:

Met groot hartseer het ons by Laerskool Die Arend van Tannie Elize se afsterwe verneem. In hierdie tyd van verlies bid ons dat haar kinders, klejnkinders, familie en geliefdes vertroosting sal vind in die kosbare herinneringe wat julle met haar deel en in die wete dat haar lewe ’n blywende verskil in die harte van soveel mense gemaak het.

Ons innige meegevoel en gebede is met julle. Mag julle krag, vrede en troos ervaar in die liefde van familie, vriende en die gemeenskap wat saam met julle rou.

Netbal:

Ons spog graag met die uitstekende netbaluitslae wat ons dogters gister behaal het tydens die distrikuitspele. Julle is kampioene in ons oë en ons geniet elke oomblik langs die netbalbaan wanneer ons julle in aksie kan sien!

Wel gedaan aan elke dogter en afrigter met hierdie resultate!

Redenaars:

Baie geluk met hierdie prestasie van jou liewe Zetske! Ons is baie trots op jou.

Netbal:

Ons is ongelooflik trots op ons sewe netbalspanne wat almal deurgedring het na die D5-netbaluitspele wat vandag plaasvind. Hierdie prestasie beteken dat elke span reeds as ligawenners gekroon is en vandag die geleentheid het om vir die titel van distrikswenners mee te ding.

Ons is geseënd met besonderse talent, maar nog meer trots op die toewyding, deursettingsvermoë en spanwerk wat hierdie dogters deur die hele seisoen heen getoon het. Agter elke uitslag lê ure se harde werk, opofferings, oefening en die ondersteuning van toegewyde afrigters en ouers.

Ongeag vandag se uitslae, het julle reeds jul skool, spanmaats en julself trots gemaak. Dankie dat julle die Arend-naam met waardigheid, nederigheid en trots uitdra.

Sterkte vir elke wedstryd wat voorlê. Glo in julle vermoëns, speel met passie en geniet elke oomblik op die baan. Ons staan vierkantig agter julle!

Liefdadigheidsprojek (Kwartaal 2):

Dankie, Arend-familie!

Met opregte dankbaarheid wil ons graag elke ouer, leerder en gesin van Laerskool Die Arend bedank vir die ongelooflike ondersteuning van ons liefdadigheidsprojek gedurende die tweede kwartaal.

Danksy julle oop harte en ruim hande kon ons 'n groot hoeveelheid honde- en katkos, hondesjampoe, komberse, lekkernye en speelgoed vir diere in nood insamel. Die reaksie was so oorweldigend dat ons bevoorreg was om skenkings aan beide die Brakpan DBV en die Springs DBV te kon oorhandig.

Elke skenking, groot of klein, gaan 'n verskil maak in die lewe van diere wat liefde, versorging en 'n tweede kans nodig het. Julle het weereens bewys dat die Arend-gemeenskap werklik omgee.

Baie dankie dat julle saam met ons 'n verskil gemaak het. Ons is ongelooflik trots op ons leerders wat reeds op 'n jong ouderdom leer om met deernis, medemenslikheid en liefde op te tree.

Saam maak ons 'n verskil – een goeie daad op 'n slag.

Sterkte met die eksamen, Aries!

Aan elke Arie wat vandag ’n vraestel voor hom of haar gaan hê: baie sterkte met julle eksamen. Onthou dat elke uur se harde werk, leer en voorbereiding nou vrugte gaan afwerp. Glo in jouself, bly kalm en gee jou beste. Jy hoef nie perfek te wees nie – doen net jou uiterste bes en wees trots op die moeite wat jy ingesit het.

Lees elke vraag sorgvuldig, werk netjies en bestuur jou tyd goed. As jy onseker voel, haal diep asem, fokus op een vraag op ’n slag en vertrou op wat jy geleer het.

Baie sterkte – julle kan dit doen!