Retha Botha Rekeningkunde Ekstra Klas

Uit ondervinding weet ek leerders vergeet oor die Desember-vakansie van alle werk wat gedoen is en hierdie jaar was die vakansie besonder lank.

Die kwartaal is ook 2 weke korter met beperkte tyd by die skool vir onderrig.
Ek begin met hersieningslesse op 1 Februarie om leerders te help om voorbereid te wees wanneer die skool begin.

Indien u kind tans in graad 10 is en Rekeningkunde as vak gekies het, is daar ook klasse beskikbaar vanaf 1 Februarie om te help met die sprong vanaf graad 9 tot graad 10 Rekeningkunde.

Kontak my gerus.

Is jy en jou kind onseker oor die Rekeningkunde-werk wat hulle van die skool kry?
Het jou kind hulp nodig met verduideliking van die werk?
Word julle moedeloos omdat hy/sy nie die werk verstaan nie?
Kontak my gerus vir enige Graad 10 tot 12 Rekeningkunde-hulp.

Aanlynklasse beskikbaar tydens die inperkingstydperk.

Om Rekeningkunde te onderrig en om die vakinhoud aan leerders oop te breek op 'n verstaanbare manier, is steeds vir my 'n groot vreugde.
Rekeningkunde kan moeilik wees maar met die regte insette, geduld en vernuf kan meeste dit baasraak.
My ekstraklas-onderrig vind tuis plaas met 'n goed toegeruste klaskamer, waar alles beskikbaar is soos die geval sou wees by die skool, maar in klein groepies.
Ons volg die skoolkurrikulum en poog om kinders van verskillende skole in groepe saam te bring sodat elke kind kan werk as verlenging van sy of haar skool.