Koot Niemann Primêre Skool

Baie geluk aan hierdie Kwartaal se Top 10 leerders. Ons is trots op julle uitstekende prestasies.

Ons is in Week 4 van Kwartaal 3. Daar het al soveel dinge gebeur. Die tyd loop so vinnig dat ons nog nie eens tyd gehad het om alles met julle te deel nie. Hou ons Facebook-blad dop. Ons gaan die volgende paar dae elke dag plasings doen oor al ons gebeure.

GELUKKIGE VERJAARSDAG AAN ONS HOOF!

Baie geluk, Meneer Theunis Hanekom, met u verjaarsdag!
Dankie vir u leiding, toewyding en die positiewe verskil wat u elke dag by Koot Niemann Primêr maak.
Mag u dag gevul wees met vreugde, geluk en baie waardering.

Ons wens u ’n jaar toe wat gevul is met seëninge, sukses en geluk.🥳🎂

❤️ MANDELA-DAG KOMPETISIE ❤️

"Ek wil net hê my kind moet Wiskunde verstaan..." ❤️

🎉 13 GELUKKIGE WENNERS!
🏫 6 skole wen elk 'n Wiskunde Wenners-boekpakket (5 boeke).
📚 7 ouers wen elk 'n Wiskunde Wenners-boek.

Omdat elke kind die kans verdien om Wiskunde te verstaan, gee Wiskunde Wenners hierdie Mandela-dag iets terug aan ons gemeenskap. ❤️

❤️ Hoe neem jy deel?

📚 Om self 'n boek te wen:
✅ Like hierdie plasing.
✅ Skryf jou kind se graad in die kommentaar.
✅ WhatsApp die volgende na 083 579 5369:
• MANDELA
• Jou kind se graad
• Afrikaans of English

🏫 Om jou skool te nomineer:
✅ Tag jou kind se skool in dieselfde kommentaar.

📅 Kompetisie: 13–20 Julie 2026

🏆 Wenners word op 22 Julie 2026 aangekondig.

❤️ Kom ons deel saam die geskenk van Wiskunde.

Met groot hartseer het ons verneem van die afsterwe van een van ons oudleerders.

Ons innige simpatie en gebede is met die familie, vriende en die skoolgemeenskap in hierdie moeilike tyd. Mag julle troos en krag vind in die dae wat voorlê.

Rus sag, Mpumi ❤️

Vandag het ons nie net teruggekyk na die geskiedenis nie, ons het vorentoe gekyk na die toekoms.

Die moed van die jeug van 1976 herinner ons daaraan dat jongmense se stemme saak maak en dat elke kind die vermoë het om 'n verskil te maak. Vandag het ons leerders hul Hande van genesing geskep en Woorde van Hoop gedeel. Klein gebare met 'n groot betekenis.

Elke handafdruk simboliseer 'n belofte om met liefde, respek en vriendelikheid op te tree. Elke woord van hoop is 'n herinnering dat genesing begin waar ons mekaar raaksien, ondersteun en saamstaan.

Ons glo dat die toekoms nie net gebou word deur groot dade nie, maar ook deur die daaglikse keuses van ons kinders om vriendelik te wees, om hoop te bring en om met moed te leef.

Mag ons jeug aanhou droom, groei en die lig wees wat ons land so nodig het.
Gelukkige Jeugdag!

Nuwe maatjies, Koot Niemann wag vir julle.