Geloofsentrum Universitas

02/10/2026

Ek is bereid… om te luister en te gehoorsaam.

Te midde van die geraas van elke dag, maak ons tyd om stil te word voor die Here. Ons vra oop ore om sy stem te hoor en gewillige harte om te doen wat Hy vra.

“Praat, Here, u dienaar luister!” 1 Samuel 3:10

Waar nooi die Here jou hierdie week om beter te luister en ’n tree van gehoorsaamheid te gee?

30/09/2026

God Roep Jou!
VROUE-WEGBREEK

Kom skep asem, kuier saam
en word geestelik gevoed.

6–8 November 2026
Amanzi Wildsplaas

R1 300 per persoon
R300-deposito verseker jou plek

Bespreek teen 16 Oktober 2026
Kerkkantoor: 081 828 9536

Bring jou bestie saam!

30/09/2026

I’m Listening deur Chris McClarney en Hollyn sluit só mooi aan by Sondag se boodskap: God praat steeds, maar maak ons genoeg tyd om stil te word en te luister?

Mag ons nie net sy stem hoor nie, maar ook bereid wees om gehoorsaam te antwoord:
“Praat, Here, u dienaar luister.”

https://www.youtube.com/watch?v=hrfDlQ15NSM&list=RDhrfDlQ15NSM&start_radio=1

I'm ListeningWritten by Chris McClarney, Josh Bronleewe, Benji Cow...

29/09/2026

Is ons bereid om werklik te luister?

In die afgelope Sondag se diens herinner ds. Louis Smith ons uit 1 Samuel 3 dat om God se stem te hoor, soveel meer beteken as om net te luister. Ware luister begin by ’n oop en ontvanklike hart, ’n hart wat kan sê: “Praat, Here, u dienaar luister.”

Samuel se verhaal leer ons dat God reeds met ons kan praat, maar dat ons Sy stem nie altyd herken nie. Daarom moet ons tyd maak om stil te word, Sy Woord te leer ken en bewustelik by Sy voete te sit.

Om na God te luister, beteken ook dat ons bereid is om te reageer. Dit vra dat ons onsself tot Sy beskikking stel en gehoorsaam doen wat Hy vra, selfs wanneer dit moeilik is of nie met ons eie planne ooreenstem nie.

Mag ons nie net hoor nie, maar met ons hele lewe antwoord:
“Hier is ek, Here. Ek is bereid om te luister én te gehoorsaam.”

1 Samuel 3:1–18
Kyk die volledige preek hier: https://www.youtube.com/watch?v=Z5GE3WSkhGk

26/09/2026

Ons verwelkom jou graag by die erediens van Geloofsentrum! Mag jy die Here se teenwoordigheid ervaar en jou hart instel om Sy Woord te hoor•

As jy en jou gesin op vakansie is, geniet dit, ry veilig en skakel steeds in by ons regstreekse uitsending op YouTube!

Prediker: Ds. Louis Smith1 Samual 3:1-18 (1983 Vertaling)

24/09/2026

Ek is bereid om te gee…

Om te gee gaan oor soveel meer as net geld. Dit is om met ’n oop hart te vra: Here, wat het U in my hand geplaas wat ek tot U eer en tot seën van ander kan gebruik?

Op hierdie Erfenisdag is ons ook dankbaar vir dit wat aan ons toevertrou is en word ons herinner dat ons ’n geloofserfenis kan help bou wat verder as onsself strek.

Ons kan ons tyd, gawes, energie, hulpbronne en aandag gee, maar bowenal kan ons onsself aan God beskikbaar stel. Ware gee word nie deur dwang of verpligting gebore nie, maar deur ’n dankbare hart wat onthou hoeveel ons reeds uit God se hand ontvang het.

Mag ons gedurende hierdie Tiende Maand Projek met vreugde kan sê:
“Here, alles wat ek het en alles wat ek is, kom van U. Ek is bereid om te gee.”

23/09/2026

Wat ’n heerlike Braaidag!

Dankie aan elkeen wat saam gekuier, gelag en lekker geëet het. Dit is altyd besonders wanneer ons as geloofsfamilie saamkom.

23/09/2026

“Here, ek is beskikbaar... gebruik my soos U wil.”

Available deur Elevation Worship sluit mooi aan by Sondag se boodskap en die afskop van ons Tiende Maand Projek: om met dankbaarheid te vra wat ons bereid is om vir God te gee, ons tyd, gawes, middele en uiteindelik ons hele lewe.

Mag ons antwoord wees: Hier is ek, Here. Ek is bereid.

Hello guysHEARTHY welcome to my channel!!! Today in this video is ...

22/09/2026

“Ek is bereid om te gee.” Maar wat beteken dit regtig?

In Sondag se preek uit Eksodus 15 wys ds. Rikus Botha hoe die Israeliete ná hulle verlossing by die see met ’n loflied reageer. Hulle gee aan God die eer vir wat Hy gedoen het. Kort daarna, toe hulle sonder drinkwater was, het hulle egter gesukkel om Hom steeds te vertrou. Dit laat ons ook vra: Is ons net bereid om te gee wanneer dit goed gaan?

Hierdie diens is die afskop van Geloofsentrum se Tiende Maand Projek. Oor die volgende paar weke dink ons saam na oor die tema “Ek is bereid”. Dit is ’n tyd om met dankbaarheid terug te kyk na wat die Here in ons lewens en gemeente doen, en om te vra hoe ons met ons tyd, gawes, middele en hele lewe aan sy werk kan deelneem.

Mag ons bereid wees om Hom te vertrou, aan te hou loof en te gee, ook wanneer die lewe moeilik raak.

Kyk die volledige diens hier: https://www.youtube.com/watch?v=8NYBoJWrEUU

19/09/2026

1 0 D E M A A N D 2 0 2 6 ! ! !

Ons sien uit om jou by ons erediens te verwelkom!! Ons skop ons 10de Maand projek amptelik af en gaan daarna verder fees vier met ons Braaidag vieringe!! Sien jou daar!!!

https://www.youtube.com/live/8NYBoJWrEUU

Geloofsentrum-groete

Prediker: Ds. Rikus BothaEksodus 15 (2020 Vertaling)