Willem Postma Primêre Skool

🤖 Skolebemarkers leer hoe om KI slimmer te benut

Vanoggend het van Bloemfontein se skolebemarkers by Willem Postma bymekaar gekom vir 'n sessie deur Evert van Noise to Signal. Die werkswinkel het gefokus op hoe skole KI meer doeltreffend kan gebruik.

Tydens die werkswinkel het die bemakers meer geleer oor die gebruik van gewilde platforms soos ChatGPT, Claude, Canva en CapCut. Daar is ook gekyk na wanneer betaalde weergawes van hierdie programme waarde toevoeg en hoe dit veilig binne ’n skoolomgewing gebruik kan word.

’n Verdere fokus was hoe KI skolebemarkers kan help om hul daaglikse werkslading te verlig. Onderwerpe soos inhoudskepping, sosiale media-beplanning, videoproduksie, kommunikasie en tydsbestuur is bespreek.

Die rol van KI in borgskappe en verhoudingsbestuur het ook aandag geniet. Daar is onder meer gekyk na beter kommunikasie met borge, opvolgstelsels, die bestuur van kontakte en die opstel van ooreenkomste.

Verteenwoordigers van verskeie skole en organisasies het die werkswinkel bygewoon, waaronder Willem Postma, Tjokkies, Oranje, Jim Fouché, Sentraal, Grey, St Michael’s, St Andrew’s, Fichardtpark, PBS, Lettie Fouché, Eduplus, Edulife en ander rolspelers in die onderwyssektor.

Die werkswinkel het waardevolle insigte gebied oor hoe tegnologie gebruik kan word om bemarking meer effektief, kreatief en doelgerig te maak, terwyl die menslike aanslag steeds behoue bly.

(2/2) Welgedaan! Wiskunde, rugby, laser run, gimnastiek, tennis, gholf en selfs motocross - ons is trots op julle harde werk! 👏🔥

(1/2) baie geluk aan ons Possies wat so goed presteer het. Gedigte, drama, kuns en redenaars - ons Possies kan! 🤩🙌

Skryf nou in! Volwasse & kinderspanne welkom.
https://forms.gle/SCBcyQJrpQhJNTBq6

Daar is niks goeds daaraan om jouself met ander te vergelyk nie
✍️ Andrea van der Berg (O’Kulis redakteur)

Ek is die een vir wie God lief is! Dié mooi boodskap is Vrydagaand weer op ’n treffende manier aan ons gr. 7-seuns-en dogters by die twee onderskeie byeenkomste oorgedra.

Die Seuns-en Dogtersklub vir gr.7-leerlinge vind een keer per kwartaal plaas en is daar om Possies te help om hulle identiteit in Jesus te vind en te versterk.

Om jouself nie te vergelyk nie, was die keer se boodskap. Dit is op ’n baie praktiese manier vir leerders verduidelik. Selfs lekker pizzas is gebruik om die boodskap te bring.

Dit was ’n aand wat betekenis gebring het en ons sal dit almal onthou. 🫶

📸 Foto's verskaf

- welgedaan! Van naaldwerk, tot die Klipspringer, redenaars, kuns, dans, karate en tennis - ons is trots op julle. 🙌

🐞 Ons Graad 3 Goggajôl Eksperimentele item is bederf met 'n heerlik McDonalds roomys na afloop van 'n puik A++ optrede! 🍦 Dankie & welgedaan!