HOËRSKOOL WITTEBERG

NOU GAAN ONS BRAAI

Ons Graad 12-Landboutegnologie-leerders is tans besig om die laaste afrondings aan hul PAT’s (Praktiese Assesseringstake) te doen.

Die uitdaging vanjaar was om hul eie braaiers te ontwerp en te vervaardig, van die aanvanklike ontwerp en beplanning tot die finale produk.

Dit is juis hier waar leerders die geleentheid kry om praktiese ervaring op te doen en die vaardighede van die vak te bemeester. Hulle leer om hul kennis in die praktyk toe te pas, probleme op te los en met akkuraatheid en kreatiwiteit te werk.

Binnekort gaan daar lekker gebraai word!

ANABELLE EN ANINKE DRING DEUR NA INTERNASIONALE WETENSKAPSKOU

Baie geluk aan Anabelle en Aninke Bezuidenhoudt wat deurgedring het na die Internasionale Wetenskapskou!

Die geleentheid vind van 29 September tot 2 Oktober by die Birchwood Hotel en Konferensiesentrum in Gauteng plaas.

Ons is ongelooflik trots daarop dat albei hul projekte gekies is om aan hierdie besondere internasionale geleentheid deel te neem. Albei het vroeër die kwartaal aan die ESKOM EXPO vir Jong Wetenskaplikes deelgeneem.

Baie geluk, Anabelle en Aninke. Ons wens julle alle sukses toe en is baie trots op julle prestasie!

KLASDRAF 2026

Vandag het ons Graad 7’s van verskeie skole op ’n reis na hul toekoms geneem! Hulle het ’n voorsmakie gekry van wat die hoërskoollewe vir hulle inhou, met Wiskunde, Wetenskap en vakvoorligting op die program.

Daar was ook ’n lekker bederf by Blue Bear, terwyl geesvang natuurlik ook ’n hoogtepunt van die dag was.

📸 Seasons - Kb Photography

ONS SKOP DIE SPORTTOERRNOOI AF MET ‘N REUSEMAKIETIE.

28 AUGUSTUS 2026

Die Witteberg Bond bied 'n spitbraai en dans aan, met musiek deur Die Rowers Band.

Alle besoekende ouers welkom!

Vanmiddag begin ons matrieks met hul rekordeksamen. Ons wens elkeen van julle sterkte toe!

“Ek is die Here jou God, Ek vat jou hand, Ek sê vir jou: Moenie bang wees nie, Ék help jou.”
- Jesaja 41:13

Good luck to our Grade 12 learners!

KRIEKET | TBM-HOËRSKOLE-SPANNE

Baie geluk aan die volgende Witteberg-leerders wat in die onderskeie TBM-Hoërskolespanne ingesluit is:

TBM O/19A Seuns
Janco Botha, Xander Fourie, WJ Gildenhuys, Dumesani Johnson en Kyle Nel

TBM O/16A Seuns
Anru Erasmus, Juan du Toit, HJ Eksteen, Carlo Cilliers, Lwazi Mosea, Tian Jordaan en Heino Bruwer

TBM O/19A Dogters
Leanne Viljoen, Madison Dedekind, Lunay Senekal en Dimpho Ramatlakane

TBM Barbarians
Heiken Venter en Janco Jooste

Die seunsspanne neem reeds hierdie naweek, 21–23 Augustus, aan die Vrystaat Platteland-proewe in Welkom deel.

VIER UIT VIER VIR WITTEBERG!

Met trots kondig ons aan dat al vier Witteberg se gholfspanne hul plek in die Gholfliga-finaal verseker het.

Die finaal vind op 25 Augustus in Clarens plaas.

Witteberg is trots!

OP DIE VOORVOET MET ONS KRIEKETSTERRE

Tydens die algemene jaarvergadering van TBM-Hoërskolekrieket is van ons leerders vir hul uitstekende prestasies gedurende die seisoen vereer.

Zané Wessels is aangewys as Speler van die Liga en Kolwer van die Liga.
Dimpho Ramatlakane is aangewys as Bouler van die Liga.
Matthias van Heerden is aangewys as Speler van die Liga en Bouler van die Liga.

Ons is trots op julle!

WITTEBERGER INGESLUIT IN DIE VRYSTAAT O/18-SKAAKSPAN

Baie geluk aan Hanco Steyn wat ingesluit is in die Vrystaat se O/18-skaakspan! Hy sal die Vrystaat in Desember by die Nasionale Mzansi Chess Championship verteenwoordig.

MELISSA VERTEENWOORDIG DIE VRYSTAAT BY WMG

Melissa van Huyssteen is gekies vir die Vrystaat-span wat tydens die WMG vanaf 26 September by die AfriDome in Parys sal deelneem. Sy lê tans vierde in die Junior Level 0-afdeling van die SAWMGA-span, waar sy teen deelnemers van regoor Suid-Afrika sal meeding.