Die omgee-skool, met 'n plattelandse hart. Bellville-Noord staan bekend as ‘n plattelandse skool in ‘n stadsomgewing. Mej. C.M. M. Tans is mnr. Mnr. Me.
Bellville-Noord is amptelik geopen in Januarie 1950 met 68 leerlinge en drie onderwysers. Lochner was die heel eerste skoolhoof. Die skoollied is in 1966 geskryf deur mev. De Vos en deur Rosa Nepgen getoonset. Sedert daardie klein begin het die skool oor die jare gegroei tot 'n waardegedrewe, klein tot medium grootte, Afrikaanse skool met ongeveer 540 leerlinge. Wanneer ons in sport en ander aktiw
23/06/2026
Baie dankie aan elkeen wat hierdie omgee-projek ondersteun. Dit is hoe die kratte vandag (23/6) gelyk het.
Daar is nog 2 dae oor voor die vakansie aanbreek. Kom ons maak die kratte nog 'n slag vol.
23/06/2026
Veels geluk aan mnr. Tommy Cloete (NSS) wat vandag (23/6) verjaar het. Ons glo u het 'n baie lekker dag gehad. Mag u 'n wonderlike jaar vorentoe beleef.
21/06/2026
'n Mooi Vadersdag (21/6) aan al ons BN-pa's wat hul kinders met baie liefde, goeie dissipline, regverdigheid, nederigheid, vergenoegdheid en respekvol groot maak en leer om omgee-mense te wees. Dankie vir julle wat werklik kwaliteit tyd saam met jul kinders spandeer, nog met hul fisies speel en ook saam met hul lees. Dankie vir wat julle vir julle kinders beteken.
Mag elke BN-pappa werklik vandag ekstra spesiaal voel. Dankie aan elkeen van julle wat ons onderwysers se hand sterk met òns deel van die opvoedingsproses.
Ons wil ook die Raad van Leerders se ouers opreg bedank wat die manspersoneel (asook die dames wat heerlik kon saamsmul) Vrydag (19/6) bederf het met meer as genoeg sout en soet smulhappies. Dit was régtig lekker.
Dankie ook vir daardie oulike geskenkpakkie...die eetbare gedeelte is al lankal op. Die sokkies sal met trots gedra word.
20/06/2026
Die Groentjiesklub het vandag (20/6) 'n tweede keer ingeloer by die Air Force Base Ysterplaat / Friends of SAAF Museum, Ysterplaat en so hierdie kwartaal se aktiwiteite afgesluit.
Dit was regtig 'n heerlike dag wat baie interessant gemaak is deur ons gids (een van die vrywilligers wat oor naweke daar werk) wat ons groepie uit sy eie uit onder sy vlerke geneem en rondgewys het. Dankie, Enle Li, jy het 'n spesiale aanvoeling vir kinders. Die res van die personeel daar het ons ook baie welkom laat voel.
Die kinders het ook die klein snoepie lekker ondersteun en gesmul aan hul heerlike boereworsrolle, drinkgoed en meer. Die klein winkelstalletjie het ook heelwat klein speelvliegtuigies verkoop wat later die hele loods vol gevlieg het.
Ons Meerkatte se gedrag was puik en was 'n pragtige advertensie vir ons skool.
Volgende Saterdag, 27 Junie, gaan die pragtige ou Shackelton se enjins weer 'n slag aangeskakel word en almal word uitgenooi om daar 'n draai te gaan maak. Jul sal dan ook moontlik kan sien sien hoe dié vliegtuig rondbeweeg word wanneer dit weer in die loods gebêre word.
Voordat ons vertrek het en vir twee gewag het, het die res gou weer die die skoolgronde aan die voorkant van die skool skoongemaak en alle stukkies rommel, wat oornag weer daar gelaat is deur die wind, opgetel en in dromme gegooi. Die skoolsaal se portaal word juis hierdie naweek gebruik as registrasiestasie vir die komende verkiesing.
Ouma- en Oupadag! 100 dae in Graad 1!
20/06/2026
100 dae in Graad 1! Time flies when you are having fun! Ons Graad 1's het dit gevier met Ouma- en Oupadag!
19/06/2026
Hier is 'n paar foto's geneem tydens vanaand se OOV Lyndans-aand vir die graad 4 tot 7's (19/6). Die kinders het dit baie geniet.
Dankie aan al die ouers en lede van die OOV, die dansinstruktrise asook die platejoggie en fotograaf, wat 'n aand vol baie pret en gelag vir die kinders geskep het.
Die OOV se "Watergat" het goed sake gedoen en daar was meer as genoeg te ete en te drinke vir almal teenwoordig.
17/06/2026
Die kratte vir die Winter Blanket Drive-projek is vandag (17/6) afgelewer. Dit staan in die gang naby die personeelkleedkamers en die rekenaarlokaal, langs die boekstoor.
Ondersteun asseblief hierdie projek.