Hebron Christenskool

Hebron Christenskool Afrikaanse Christenonderrig so na God se hart! Rom 8:37 - Want ons is meer as oorwinnaars deur Hom wat ons die krag gee. Ons leef dit, kom u en beleef dit!

Dit kan Hebron Christenskool in Bellville u kind bied.

KWARTAAL 3-AFSLUITINGWat ‘n prettig aand by Navaho Spur! Ons het hierdie kwartaal met nog ‘n suksesvolle Spur-ete afgesl...
23/09/2026

KWARTAAL 3-AFSLUITING

Wat ‘n prettig aand by Navaho Spur!
Ons het hierdie kwartaal met nog ‘n suksesvolle Spur-ete afgesluit. Van ons graad 7-leerders het as kelners gewerk en almal help bedien.

Die tafels was vol Hebron-gesinne en die atmosfeer was vrolik en lewendig! Dankie aan almal wat die aand kom ondersteun het. Ons het R3,071 ingesamel vir ons skool.

Dankie Navaho Spur vir die geleenheid.

NETBALOns het Maandag ‘n wonderlike netbalseisoen-afsluiting gehad saam met al ons dogters. Al die netbal meisies het se...
22/09/2026

NETBAL

Ons het Maandag ‘n wonderlike netbalseisoen-afsluiting gehad saam met al ons dogters. Al die netbal meisies het sertifikate ontvang.

Die o/13 meisies het die seuns uitgedaag vir ‘n vurige netbalwedstryd. Dit was ‘n pragtige spel! Die seuns het gedomineer, maar die meisies se doele het hulle span deurgetrek.

Dankie vir ‘n lekker seisoen. Ons sien uit om volgende jaar weer te skitter op die netbalbane. 🏐⛹🏻‍♀️

ONS SKOOLLIED 🎶🎹🎼Maandagoggend het ons die voorreg gehad om dr. Kobus Theron by ons skool te verwelkom.Dr. Theron het di...
18/09/2026

ONS SKOOLLIED 🎶🎹🎼

Maandagoggend het ons die voorreg gehad om dr. Kobus Theron by ons skool te verwelkom.

Dr. Theron het die oorspronklike lied geskryf. Nadat oom Willie Krige dit gehoor het, het hy gevra of ons dit mag gebruik. Die lied is daarna verwerk tot die skoollied soos ons dit vandag ken. Ná soveel jare word dit steeds met trots gesing!

Dr. Theron het ’n paar verse bygevoeg en ’n lewendige uitvoering van die lied vir ons gelewer. Hy is die pastoor van die GK1-gemeente.

Baie dankie, dr. Theron, dat u u tyd en passie met ons kom deel het!

17/09/2026

Registrasies vir 2027 steeds oop!
Ons het nog ‘n paar plekke beskikbaar vir graad 1 tot 7.

Kontak ons gerus vandag op 021-919 6356 of stuur ‘n epos na [email protected]

Ons sien uit om van jou te hoor!

GIMNASTIEKTydens die Julie-vakansie het vyf van ons dogters aan die WP-Gimnastiekkampioenskappe in Saldanha deelgeneem. ...
08/09/2026

GIMNASTIEK

Tydens die Julie-vakansie het vyf van ons dogters aan die WP-Gimnastiekkampioenskappe in Saldanha deelgeneem.

Al vyf het GOUD verwerf in hul onderskeie vlakke. Ons is so trots op elkeen van julle. Dankie dat julle so mooi deelgeneem het en Jesus se lig tydens die kompetisie laat skyn het! 🏅🌟

Micah van Tonder - Level 1
Kari Bothma - Level 2
Isabel Bardenhorst - Level 2
Sarah Du Toit - Level 2
Nora van der Merwe - Level 3
Milané Du Toit - Level 4

Matteus 5:16
“Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.” 💡

BERGFIETSSaterdag, 5 September, het twee van ons leerders aan die Western Cape Schools Cycling - fietsresies by Bloemend...
07/09/2026

BERGFIETS

Saterdag, 5 September, het twee van ons leerders aan die Western Cape Schools Cycling - fietsresies by Bloemendal deelgeneem. Skole van reg oor die Wes-Kaap het kom deelneem.

Hierdie was die finale resies voor die nasionale kampioenskappe in September.

Baie geluk aan: Micah van Tonder wat aan die o/9-afdeling deelgeneem het en derde plek behaal.

Nathan van Tonder wat aan die o/13-afdeling deelgeneem het het vyfde plek behaal.

Welgedaan aan julle twee. Ons is so trots op julle! Dit is ‘n merkwaardige prestasie. 🚴🏼‍♀️🚴🏻


TOETSREEKS Aan al ons seniors, Baie sterkte met die toetsreeks wat vandag begin. Ons glo in julle. Leer lekker hard, do...
07/09/2026

TOETSREEKS

Aan al ons seniors,

Baie sterkte met die toetsreeks wat vandag begin. Ons glo in julle. Leer lekker hard, doen net jou beste en weet dat God met jou is!

Filippense 4:6-7
“Moet oor niks besorg wees nie, maar maak in alles julle begeertes deur gebed en smeking en met danksegging aan God bekend. En die vrede van God wat alle verstand te bowe gaan, sal oor julle harte en gedagtes die wag hou in Christus Jesus.” 💜

LOSLITDAGHoe lekker is dit nie om die week in sivvies af te sluit nie? En alles vir ‘n goeie doel: om Paarl-skool/Paarl ...
04/09/2026

LOSLITDAG

Hoe lekker is dit nie om die week in sivvies af te sluit nie? En alles vir ‘n goeie doel: om Paarl-skool/Paarl School se jaarlikse fondsinsameling te ondersteun.

“Feel the Beat” is hierdie jaar se tema en ons leerders het met 'n paar baie oorspronklike uitrustings vorendag gekom. Loer gerus self na die foto's en kyk of julle Andrea Bocelli of Bernice West kan raaksien. 😉

WETENSKAPWEEKTydens 24–28 Augustus het ons skool elke dag iets interessants van wetenskap geleer!Maandag het ons die voo...
03/09/2026

WETENSKAPWEEK

Tydens 24–28 Augustus het ons skool elke dag iets interessants van wetenskap geleer!

Maandag het ons die voorreg gehad om ’n praatjie te hoor van mariene bioloog, dr. Mariette Wheeler. Sy het soveel ongelooflike goed oor die see met ons gedeel en dit was lekker om oor God se skeppingswerke te leer!

Mikrobiologie, kieme en bakterieë was Dinsdag se tema. Wie sou kon raai daar is ’n hele onsigbare wêreld onder ons neuse!

Ietermagog, Yeti-krap en soveel meer is die diere waaroor ons Woensdag geleer het.

Donderdag moes elke klas torings bou. 🗼 “The Sky is the Limit” was hierdie dag se tema.

Laastens, wie sê afval kan nie stylvol wees nie? Ons leerders kon elkeen iets uit afvalprodukte maak as ’n bykomstigheid met hul Springbokhemde.

Gister het ons wetenskapweek geëindig met die graad 7-wetenskapekspo! 😅 Sjoe, dit was ’n bedrywige tyd.

Dankie, juffrou Xanthé, vir die inspirerende werk en om wetenskap vir ons leerders só interessant en lewendig te maak!

LENTEDAG 🌸🌺Sit ‘n blom in jou hare dis weer lentetyd!!Na ‘n lang en koue winter is ons reg om die dik wintersjasse en st...
02/09/2026

LENTEDAG 🌸🌺

Sit ‘n blom in jou hare dis weer lentetyd!!

Na ‘n lang en koue winter is ons reg om die dik wintersjasse en steuwels te bêre en die warmer weer te verwelkom!

Ons vers vir hierdie nuwe lenteseisoen is Jesaja 43:19.
“Kyk, Ek gaan iets nuuts doen, dit staan op die punt om te gebeur, julle kan dit al sien kom; Ek maak in die woestyn ‘n pad, Ek laat in die droë wêreld riviere ontspring.”

Wees geseënd! 💐

Address

Hebron Street
Bellville
7530

Opening Hours

Monday 07:45 - 14:30
Tuesday 07:45 - 14:05
Wednesday 07:45 - 14:30
Thursday 07:45 - 14:05
Friday 07:45 - 13:10

Website

Alerts

Be the first to know and let us send you an email when Hebron Christenskool posts news and promotions. Your email address will not be used for any other purpose, and you can unsubscribe at any time.

Contact The School

Send a message to Hebron Christenskool:

Shortcuts

Share

Category