Laerskool Totius, Boston - Offisieel

28/09/2026

🌟30 JAAR VAN GETROUE DIENS! 🌟

Juffrou Ina Swart en juffrou Breggie Viviers is Vrydagaand tydens ’n WKOD-funksie vereer vir hul 30 jaar se getroue diens in die onderwys.

Wat hierdie verhaal nóg meer besonders maak, is dat hulle albei hul onderwysloopbane by Totius begin het!

Hulle is ook net een week uit mekaar getroud, hul kinders is in dieselfde jare gebore, en ná 30 jaar is hulle steeds saam by Totius! 💙💛

Wat ’n ongelooflike reis van vriendskap, toewyding en Totius-trots! Ons is baie dankbaar vir alles wat juffrou Ina en juffrou Breggie oor die afgelope 30 jaar vir ons skool en ons leerders beteken het.

Baie geluk met hierdie besonderse mylpaal!

25/09/2026

🏆 EISTEDDFOD-UITSLAE: HOOGSTE LOF! 🏆

Ons is trots op die volgende leerders wat almal hoogste lof by die Tygerberg Eisteddfod ontvang het!

AFRIKAANSE GEDIGTE

Graad 2:
Jana Rust, Annemieke Petzer, Lia Terblanche en Luan Mans

Graad 3:
Aniken Saunderson en Lucas Volschenk

Graad 4:
Willem Kruger en Andre Venter

Graad 5:
Estella Nel

Graad 6:
Liela Mostert en France van Schalkwyk

ENGLISH POEMS

Graad R:
Janika de Vos, Elize Kariem en Steff van der Merwe

Graad 1:
Laurinde Koster, Philippa Ge**er en Hesti Ge**er

Graad 3:
Ilone du Toit, Clara Swanepoel en Ockert van Schalkwyk

Graad 4:
Nina Kloppers, Sebastian Gericke, Willem Kruger, Andre Venter en Jan Taljaard

Graad 6:
Daniela Cutino

ONVOORBEREIDE LEES

Graad 3:
Lucas Volschenk, Clara Swanepoel en Mia du Plessis

Graad 4:
Andre Venter en Jesse Pienaar

Graad 6:
Carmen Winter

Graad 7:
Kara Kriel

Baie geluk aan elkeen van julle!

23/09/2026

✨ 75 JAAR VAN LIGSPORE – 'n aand om te onthou! ✨

’n Baie groot dankie aan Frieda van den Heever en haar ongelooflike span vir ’n onvergeetlike aand van “75 Jaar van Ligspore”.

Dit was ’n reuse-sukses en ongelooflik spesiaal! Frieda, jy het jou uitstekend van jou taak gekwyt en met soveel passie en toewyding gehelp om hierdie besonderse konsert moontlik te maak.

Ons is seker hierdie konsert gaan nog vir baie lank op almal in die Totius-gemeenskap se lippe wees. Wat ’n viering van 75 jaar se geskiedenis, trots en ligspore! 💙💛

23/09/2026

💙🍼 ’n Baie spesiale oomblik! 🍼💙

Wat ’n kosbare verrassing vir juffrou Zahn! Sy verwag binnekort ’n baba seuntjie, en haar klas, saam met hul oulike mammas, het haar met ’n besonderse babatee-verrassing bederf.

Mag hierdie nuwe hoofstuk vir juffrou Zahn en haar gesin met soveel liefde, geluk en mooi herinneringe gevul wees.

22/09/2026

🏑 RONA ROOKIES 2026! 🏑

Die naweek het ons Totius-hokkiespelers aan die Rona-hokkietoernooi deelgeneem: ’n toernooi wat reeds vir die afgelope 14 jaar ’n hoogtepunt op die hokkiekalender is.

Vanjaar was egter ekstra spesiaal met die bekendstelling van RonaHockey – ’n splinternuwe afdeling wat vir die eerste keer aangebied is, spesiaal vir graad 1–4-spelers.

Ons Totius-hokkiespelers was bevoorreg om deel te wees van hierdie heel eerste Rona Rookies-ervaring!

Dit was ’n heerlike naweek vol nuwe tegnieke, spanwerk, uitdagings, pret en natuurlik baie hokkie! Nog belangriker – dit was ’n geleentheid waar nuwe vriendskappe gevorm en kosbare herinneringe gemaak is.

Ons is trots op elkeen van ons spelers wat deelgeneem het. Julle het gewys dat hokkie soveel meer as net ’n wedstryd is – dit gaan oor leer, groei, saam speel en nuwe maats maak.

Totius-trots! 💙💛

22/09/2026

🏐 BAIE DANKIE, SHIFT NETBAL! 🏐

Baie dankie aan Shift Netball Academy vir nog ’n wonderlike kwartaal waarin julle ons Totius-netbalspelers met soveel passie, entoesiasme en liefde afgerig het!

Dit is besonders om te sien hoe ons leerders deur die loop van die kwartaal groei, nuwe vaardighede aanleer en al hoe meer selfvertroue op die netbalbaan ontwikkel.

Baie dankie ook vir die oulike kwartaal 3-potloodsakkies– ons leerders was baie opgewonde daaroor!

Ons waardeer julle ondersteuning en die rol wat julle speel in ons leerders se sportontwikkeling. Dankie dat julle deel is van die Totius-familie!

Ons sien uit na nog ’n kwartaal van “Shuffle to Success”! 🏐

22/09/2026

🏉 BAIE DANKIE, RUGGA ROOTS! 🏉

Ons sê graag ’n dankie vir Rugga Roots vir hulle volgehoue ondersteuning en vir die passie waarmee hulle ons Totius-rugbyspelers elke kwartaal help ontwikkel!

Ons leerders geniet elke oomblik op die rugbyveld en dit is wonderlik om te sien hoe hulle deurentyd nuwe vaardighede aanleer en met groter selfvertroue speel.

Baie dankie vir die lekker Rugga Roots 2026 kicking tee wat ons spelers as hul kwartaal 3-geskenk ontvang het!

Ons waardeer die moeite wat julle doen om ons leerders se sportervaring spesiaal te maak.

22/09/2026

Kom ondersteun asb. ons Senior Koor op 9 Oktober by die Taalmonument. 😀

Tweedaagse fees vier kultuur, argitektuur en natuur met plesier Die Afrikaanse Taalmuseum en -monument (ATM) is opgewonde om vanjaar die Vitaal Makietie aan te bied, ’n tweedaagse viering wat dié lente taal, kultuur, musiek, leefstyl, avontuur en samesyn op ’n vars en toeganklike wyse by die mo...

21/09/2026

🏏 ’N GROOT DANKIE AAN WICKET CRICKET! 🏏

Baie dankie aan Wicket Cricket vir nog ’n kwartaal se harde werk, ondersteuning en entoesiasme waarmee julle ons Totius-krieketspelers begelei! 💙🏏

Ons is trots om te sien hoe ons leerders hulle krieketvaardighede ontwikkel, nuwe dinge leer en met soveel plesier aan die sport deelneem.

Ons leerders was veral opgewonde oor hulle oulike kwartaal 3-geskenkie – ’n klein krieketkolfie! 🎁🏏

Baie dankie dat julle elke kwartaal daardie ekstra bietjie moeite doen om ons leerders se sportervaring spesiaal te maak. Ons waardeer julle ondersteuning en die rol wat julle speel in die ontwikkeling van ons jong krieketspelers! 🌟

Op na nog baie sesse, paaltjies en reguit boullyne! 😉🏏

21/09/2026

Wie kom vanaand konsert toe?