Behou DFM se naam

https://www.facebook.com/share/p/176LrSykM5/

DF Akademie - Wikipedia DF Akademie is a public Afrikaans medium co-educational high school situated in the suburb of Boston, Bellville in the Western Cape province of South Africa - near Cape Town. In 2012 and 2013, the school was included in The Cambridge University Student Guide to Excellence, a selection of 100 top sch...

Goeienaand. Kry ek nou so lag toe ek lees dat 'n voormalige BHL lid op Hoerskool Wassenaam se blad se dat hulle Trots DfAkademie is, met meer as 70 jaar se gesonde en stewige Christelike waardes en dat hulle ook trots Afrikaans is. Natuurlik gebruik hulle ook ou Dricus se lyn (niemand kan hulle beskuldig van oorspronklik wees nie, hulle misbruik immers steeds Hoerskool DF Malan se skoolwapen) en se "julle weet nie wat ons weet nie. En dis ook okay."

Heel ironies; "dis ook okay", maar hulle beweer hulle is trots Afrikaans. Stewige en Christelike waardes, maar daar kan langs die waarheid geloop word in hofstukke. Ook, is hulle skynbaar min geraak deur sosiale media waar daar gese word dat daar nou aandag gegee moet word aan al die gebed ("die gebiddery") in die skool.

Die grootste grap is natuurlik dat die ou beweer hulle kom 70 jaar aan. In watter wereld my vriend? Hoerskool Wassenaam kom nou eers 'n enkele paar dae aan.

O ja, dan word die plasing so gestel dat die gebruikers van die blad nie kommentaar kan lewer nie. Mens wil tog nie he dat daar iets negatiefs gese word of dat die waarheid gepraat word nie.

Ons weet nie wat hulle weet nie. Jy's reg ... wil ook nie, dit is inderdaad "okay".

Dit is nie asof ons nie die Beheerliggaam gewaarsku het van die domino-effek nie. Eers verander jy die naam, dan volg die res, jou taal, jou kultuur, jou geloof, ensovoorts.

Kyk net hierdie boodskap op reaksie van die nuwe naam wat slegs 'n dag lank in gebruik is. Baie geluk Beheerliggaam ... julle slaag in jul doel.

Mense, kyk hoe "pragtig" lyk die Hoerskool Wassenaam se nuwe alias. Nogal met die trotse voormalige Hoerskool DF Malan se wapen. Die wyses verbonde aan die nuwe skool kon klaarblyklik nie eens oorspronklikheid aan die dag le nie, maar sal eerder ploeg met 'n ander se kalwers.

Goeiemiddag my vriende.

Ons het oomblikke gelede die uitspraak ontvang vanaf die Appelhof insake die behoud van ons geliefde skool se naam. Om baie diplomaties te wees sal ek slegs se dat ons nie suksesvol was nie.

Dit is natuurlik 'n baie hartseer dag vir ons geliefde skool aangesien die Beheerliggaam nou vinnig sal voortgaan om die nuwe naam goedgekeur te kry en dit op die muur te hang. Dit is natuurlik die einde van my alma mater aangesien ek my nie sal vereenselwig met die nuwe skool nie, want dit is nie my skool nie.

Ek wil vir een en elkeen wat ons in hierdie stryd ondersteun het en vir ons gebid het net se, baie dankie. U sal sien in die uitspraak, wat ek hierna sal plaas, dat ek en die 3 ander applikante vir onsself en vir eie gewin opgetree het. Dit is natuurlik nie die geval nie.

Indien iemand daar buite voel dat ek julle gefaal het, wil ek net se dat ek baie jammer is, maar ek het alles in my vermoe probeer om ons geliefde skool se naam te behou.

Goeiemore Vriende. Ons het bitter lanklaas gepraat, maar ons is steeds die heeltyd doenig gewees. Ons maak gereed om Bloemfontein toe te gaan waar ons eerskomende Vrydag in die Appelhof verskyn. Ongelukkig is die Beheerliggaam steeds steeks in hul doel om die naam van ons geliefde skool te verander. Diegene wie glo in gebed, vra ons om vir ons in gebed te tree. Vir die ander, d**k asseblief aan ons.

PERSVERKLARING TROTS DF MALAN 23-08-2024

“In ‘n nagmerrie uitspraak vir die BHL, het die Appélhof op 23 Augustus 2024 aan Trots DF Malan verlof toegestaan om op al die gronde (insluitend die proses), soos versoek, te appélleer.”

Ons rig hierdie persverklaring aan u sodat u bewus is van die ware feite wat die afgelope ruk afgespeel het rakende die applikante (gesamentlik verwys na as “Trots DF Malan”) se appél na die Appélhof in Bloemfontein.

U sal onthou dat die Hooggeregshof in Kaapstad op 17 Oktober 2023, Trots DF Malan se hersieningsaansoek wat onder andere gehandel het oor die proses wat die Beheerliggaam (“BHL”) van die Hoërskool DF Malan gevolg het om die skool se naam te verander, van die hand gewys het.

Trots DF Malan het aansoek gedoen om verlof tot appél teen die beslissing van Regter Henney op die volgende gronde:

1. Dat die Hof fouteer het in sy besluit dat die BHL oor die mag beskik om die skool se naam te verander.

2. Dat die Hof fouteer het deur te bevind dat die prosedure wat die BHL gevolg het redelik en regverdig was.

3. Dat die Hof fouteer het deur te bevind dat die besluit van die BHL om die naam te verander rasioneel was.

4. Dat die Hof fouteer het deur te bevind dat Trots DF Malan die kostes vir die hersieningsaansoek moet dra.

Punte 2 en 3 handel spesifiek oor die proses wat gevolg is. Die BHL het Trots DF Malan se aansoek om verlof tot appél teengestaan en op 29 November 2023 het Regter Henney verlof tot appél gedeeltelik toegestaan op die eerste en vierde gronde soos hierbo genoem. Regter Henney het hierdeur dus toegegee dat ‘n ander Hof tot ‘n ander beslissing kan kom ten opsigte van sy besluit dat:

1. die BHL oor die mag beskik om die skool se naam te verander; en dat

2. Trots DF Malan die kostes vir die hersieningsaansoek moet dra.

Trots DF Malan het egter gevoel dat Regter Henney ook fouteer het op die ander twee gronde soos hierbo genoem en het toe ‘n verdere aansoek om verlof tot appél gerig na die Appélhof waarin aangevoer was dat Regter Henney fouteer het deur te bevind dat:

1. die prosedure wat die BHL gevolg het redelik en regverdig was; en dat

2. die besluit van die BHL om die naam te verander rasioneel was.

Hierdie punte handel spesifiek oor die proses wat gevolg is. Die BHL het ongelukkig hierdie aansoek ook heftig teengestaan en op 23 Augustus 2024, in ‘n nagmerrie uitspraak vir die BHL, het die Appélhof aan Trots DF Malan verlof toegestaan om op al die gronde, soos versoek, te appélleer. Die Appélhof het dus hiermee te kenne gegee dat ‘n ander Hof ook tot ‘n ander besluit kan kom dat:

1. die prosedure wat die BHL gevolg het nie redelik en regverdig was nie; en dat

2. die besluit van die BHL om die naam te verander nie rasioneel was nie.

Hierdie uitspraak baan die weg vir die Appélhof om die onbillike proses, waartydens deelnemers nie openlik oor die naam kon praat nie en waarna ‘n besluit geneem is sonder enige aanbevelings van die taakspan oor die naam, of oorweging te skenk aan die verslag wat gehandel het oor die gespreksessies (waar die naam nie op die agenda was nie), onder die loep te neem.

Trots DF Malan is uiters positief oor die vooruitsigte vir voorgaande.

Regter Henney se uitspraak het reeds bevestig dat Trots DF Malan die reg het om die saak te bring (locus standi het) en dat die BHL se optrede moes voldoen aan die Wet op die Bevordering van Administratiewe Geregtigheid. Laasgenoemde wetgewing bepaal uitdruklik dat substantiewe konsultasie oor die naam moes geskied het.

Trots DF Malan se appél en betoogshoofde ten opsigte van dié deel van Regter Henney se uitspraak wat handel oor die BHL se magte om die skool se naam te verander en kostes is reeds geliasseer.

Die BHL het in die aanloop tot Trots DF Malan se verdere aansoek om verlof tot appél op die twee gronde wat nie toegestaan was deur Regter Henney nie, alles in die stryd gewerp om die aansoek te opponeer. Die alternatief sou wees vir die BHL om bloot by die appélhof se uitspraak te berus het, maar op advies van hul regspan het hulle voortgegaan om te opponeer, en misluk.

Die vraag moet gevra word hoe lank skoolfondse nog aangewend gaan word vir ‘n hofsaak wat reeds honderde duisende rande aan koste beloop en wat voorkom kon word indien die skoolgemeenskap openlik oor die naam kon praat, of die applikante se uitnodiging vir verdere gesprekke aanvaar sou word.

Ten slotte wil die applikante die ouergemeenskap motiveer om nie die knie te buig voor die kansellasiekultuur (“cancel culture”) van die dag nie. Die gevolge van voorgaande het reeds uitgespeel by Universiteite en voorspel niks goeds nie.

BEHEERLIGGAAMVERKIESING-SEISOEN IS WAWYD OOP - DINSDAG - 5 MAART 2024.

Goeienaand my vriende.

Ek het lanklaas met u gesels, maar voel dat dit nou belangrik is.

Dit is tyd dat ‘n nuwe Beheerliggaam verkies word. U het reeds die gemors gesien wat die vorige Beheerliggaam aangejaag het met die skool se naam. Mettertyd sal ons nog ander aspekte uitlig waarvoor hulle verantwoordelik was, soos ons die nodige getuienis bekom.

Maak dus asseblief seker dat die van u wie stemgeregtig is wel stem en meer belangrik, stem vir die regte kandidate by die Hoërskool DF Malan. Dié kandidate wat die getoetsde waardes van ons kosbare skool in stand sal hou.

As ouer mag u vir tot 7 kandidate stem.

OORWEEG DIT BAIE STERK OM DIE VOLGENDE KANDIDATE TE ONDERSTEUN:

📚 MORNE VAN GREUNING
📣 “Ek sal graag wou deel wees van so ‘n dinamiese groep van denkers om ons kinders se toekoms te vorm.”

📚 RICKUS JANSE VAN RENSBURG
📣 “Met my agtergrond in finansies, begrotingsbestuur en forensiese oudit en ondersoeke kan ek ‘n belangrike bydrae lewer tot die gesonde en korrekte bestuur van die skool se algemene en finansiële bestuur.”

📚 JOHAN VAN HEERDEN
📣 “Konsultasie rakende Sekuriteit, Risikobestuur, Gesondheid en Veiligheidsbestuur.”

📚 HANNO OLIVIER
📣 “Sal dit as ‘n eer beskou om by die finansies betrokke te raak.”

📚 FRANCOIS RETIEF
📣 “Christen waardes van die skool te beskerm.”

📚 WICKUS VAN DER WESTHUIZEN
📣 “…en tree ook graag op as ‘n verteenwoordiger vir elke ouer van die skool op die beheerliggaam om so goeie verhoudinge en spanwerk te help bevorder.”

📚 DEON WILLEMSE
📣 “Ek glo sterk dat ons as DF ouers moet betrokke raak by ons gemeenskap en ons skool.”

Gee asseblief oorweging aan bogenoemde kandidate. Moet u nie om die bos laat lei deur kandidate wie net mooi stories in hul profiele praat nie.

Daar is 3 kandidate wat deel was van die vorige BHL. Van hulle 3 ondersteun ek Mnr Deon Willemse. Hy is ‘n skitterende mens van inbors, wie ek al persoonlik mee te doen gehad het. Ek kan hom met ‘n geruste hart aanbeveel. Wat betref die oorblywende twee. Wil u hulle werklik op die nuwe Beheerliggaam he? Hulle was immers deel van die Beheerliggaam wie verantwoordelik daarvoor was dat die skool honderde duisende rande spandeer het aan regsonkostes om die skool se naam te verander. Ons veg nog voort en dus is die naam nog nie verander nie. Kon daardie geld nie elders aangewend word nie? Het enige ouer al die skool genader en gevra, hoeveel is spandeer aan regsonkostes, met dokumentêre bewys van die uitgawe?

Ek sou ook twee keer d**k om te stem vir kandidate wie te doen het met die Universiteit Stellenbosch, en die alumni-kantoor by die skool. Die alumni kantoor het per slot van rekening sterk uitgekom as ten gunste van ‘n naamsvertandering tydens die proses wat gedryf was om die naam te verander. ‘n Universiteit Stellenbosch personeellid was instrumenteel om die proses uit te d**k om die naam te verander.

Dit alles maak my net onrustig en dit is hoekom ek die kandidate wie heel bo-aan hierdie plasing verskyn, ondersteun.

REIK ASSEBLIEF OOK UIT NA OUERS, WAT U KEN, OM TE STEM VIR HIERDIE KANDIDATE.

Hoërskool DF Malan naamsverandering hofsaak - Deel 1 Hierdie greep handel oor die redes vir die hofsaak teen die naamsverandering van die Hoërskool DF Malan.Daar is hoofsaaklik twee hoofredes, naamlik: • die ag...

_* : Hoërskool DF Malan redes vir naamsverandering hofsaak - Deel 1*_

Klik hier: https://youtu.be/Pa7YDg0oJdI

(Indien die skakel nie werk nie, reageer gerus terug op die boodskap waarna die skakel sal werk)

Hoërskool DF Malan naamsverandering hofsaak - Deel 1 Hierdie greep handel oor die redes vir die hofsaak teen die naamsverandering van die Hoërskool DF Malan.Daar is hoofsaaklik twee hoofredes, naamlik: • die ag...