Laerskool Randhart Amptelik

08/10/2026

🏫 Rakkers 🏫

Ons Rakkers spring, balanseer, beweeg en lag hul pad deur hul weeklikse Kinetix-aktiwiteite!

Elke beweging is meer as net pret, want dit bou selfvertroue, ontwikkel vaardighede en leer klein lyfies groot dinge van balans en koördinasie.

07/10/2026

🌿 Voortrekkers 🌿

Met nuuskierigheid in hul ❤️e en ’n lus vir avontuur het ons Voortrekkers gedurende die Oktobervakansie nuwe vaardighede aangeleer en hul horisonne verbreed.

Baie geluk aan elkeen wat ’n Venterskroon-spesialisasie verwerf het! Julle prestasies is ’n bewys van ywer en ’n bereidheid om altyd iets nuuts aan te pak.

🏕️ Charlotte van Wyk – Graad 1: Wikkel, Kind van Jesus & Junior Kok
🧭 Liencke Mulder en Aiden Nell – Graad 3: Toeka
🪢 Christiaan van Wyk – Graad 4: Touwerk
🔭 Keanu Mulder – Graad 6: Sterrekunde
🐾 Annabellah Engelbrecht en Mieke Behm – Graad 6: Spoorsny
⛰️ Donovan Nell en Rico Serfontein – Graad 7: Avontuur

Elke nuwe vaardigheid is nog ’n tree op die pad van groei. Hou aan ontdek, leer, waag en los julle merk!

05/10/2026

04/10/2026

🐎 Ruiters 🐎

Makayla van Greuning het by die SANESA Eventing Nationals gewys presies waarvan sy gemaak is en ’n besondere algehele 5de plek losgery.

Agter elke prestasie is daar ure se voorbereiding en ’n unieke band tussen ruiter en perd.

Makayla, jou prestasie vertel ’n storie van toewyding en durf en ons is trots om daardie storie saam met jou te vier. Jy het gewys hoe ver ’n mens kan kom wanneer passie die teuels vashou.

02/10/2026

01/10/2026

🐴 Ruiters 🐴

Ons Rantie-ruiters het saam met hul viervoetige metgeselle hul plek op die groot verhoog by die SANESA Nasionale Kampioenskappe ingeneem.

Ruitersport gaan oor soveel meer as net ’n perd en ’n ruiter. Dit gaan oor vertroue, kommunikasie, respek en ’n span wat met een ❤️ beweeg. Op hierdie wyse het ons Ranties uitstekend presteer.

Ons is uiters trots op elke Rantie-ruiter en hul getroue viervoetige spanmaat. Julle het gewys dat wanneer mens en perd mekaar vertrou, kan hulle saam ongelooflike hoogtes bereik!

28/09/2026

26/09/2026

🎣 Hengel 🎣

Van stil waters tot groot nasionale oomblikke, bewys ons Ranties keer op keer dat talent geen grense ken nie!

Baie geluk aan Wiehan Badenhorst en Aiden van Niekerk, wat in die SA Skole o. 13-span, en Jeanru Pretorius, wat in die SA Skole o. 10-span, opgeneem is. Hulle neem van 26 – 30 September in Bloemhof aan die SAVOF Nasionale SA Visvangtoernooi deel en sal ons skool met trots in hul onderskeie SA-spanne verteenwoordig.

Ons vier met besondere trots die prestasie van ons oud-Rantie, Benji van Niekerk! Benji is opgetrek na die SA Skole o. 13B-span om ook aan die toernooi deel te neem. Hy het daarmee ook sy SA-kleure in hengel verwerf!

Aan Wiehan, Aiden, Jeanru en Benji: Mag julle elke oomblik geniet, met selfvertroue deelneem en herinneringe maak wat nog lank sal bly. Julle is tops!

24/09/2026

Watter jaar is hierdie geneem? Bonuspunt: Noem die voormalige skoolhoof wat in die foto verskyn!