Laerskool Orion Amptelik

🇿🇦 Ons jeug. Ons hoop. Ons toekoms.🇿🇦
Vandag vier ons die energie, talent en potensiaal van elke jongmens.
Gelukkige Jeugdag!⭐️

🏐NETBAL🏐

Baie geluk aan ons O/12A-netbalspan wat uitstekend presteer het tydens die Gauteng-uitspele. Die Ories eindig 6de algeheel in Gauteng. Dis 'n besonderse prestasie waarop ons ongelooflik trots is!⭐️🏐

📌 Uitslae:
✅ Constantiapark 11–10 gewen
✅ Rynfield 11–5 gewen
✅ Kenmare 12–6 gewen
✅ Spectrum 23–6 gewen
✅ Rethabiseng 18–11 gewen
✅ Rissiville 12–5 gewen

🏆 Wenners van Poel D

Menlopark 10–9 verloor
Randhart 13–12 verloor
✅ Elarduspark 14–9 gewen

🏅 6de plek in Gauteng

Baie geluk aan elke speler en afrigter vir julle harde werk, deursettingsvermoë en toewyding deur die seisoen. Julle het die Ories met trots verteenwoordig en ons is ongelooflik trots op hierdie prestasie!

💙❤️ Welgedaan, dogters! Julle is ware Orie-kampioene! ❤️💙

🏐💙 Sterkte, O/12A Netbalspan! 💙🏐
Ons wens ons O/12A-netbalspan alle sterkte toe vir die Gautengkampioenskappe wat hierdie naweek plaasvind. Julle harde werk, toewyding en spangees het julle tot hier gebring, en ons is ongelooflik trots op elke speler.
Speel met passie, geniet elke oomblik en gee julle beste op die baan. Onthou: Julle verteenwoordig nie net julle skool nie, maar ook die waardes van deursettingsvermoë, respek en spanwerk.
Ons staan bankvas agter julle en sien uit daarna om julle prestasies te vier! 🌟
Sterkte, meisies! Gaan wys Gauteng waarvan julle gemaak is! 💪🏐💙

🇿🇦⚽ Die Ories staan bankvas agter Bafana Bafana! Sterkte met die Sokkerwêreldbeker wat vanaand afskop. Suid-Afrika staan saam agter julle!

Bafana Bafana

⚽️🇿🇦🔥

TikTok · 𝗟𝗔𝗘𝗥𝗦𝗞𝗢𝗢𝗟 𝗢𝗥𝗜𝗢𝗡

⭐ 𝗢𝗥𝗜𝗘𝗦 𝗩𝗔𝗡 𝗗𝗜𝗘 𝗪𝗘𝗘𝗞 ⭐
⭐
Ons Ories van die Week is aangekondig! Hulle ontvang elk ’n lekkerny-geskenkbewys as beloning vir hul puik gedrag.🍦

⭐𝗟𝗘𝗜𝗘𝗥𝗢𝗣𝗟𝗘𝗜𝗗𝗜𝗡𝗚⭐
💪Spanwerk💪
"’n Land sonder leiding en sonder beplanning gaan tot gronde. Raad is nodig om dinge reg te laat verloop."
Spreuke 11:14

Doxa Deo - City Changers
Doxa Deo Meyersdal

🌟𝗪𝗜𝗦𝗞𝗨𝗡𝗗𝗘 𝗢𝗟𝗜𝗠𝗣𝗜𝗔𝗗𝗘🌟
Baie geluk aan ons drie slimkoppe wat uitstekend gevaar het in die Wiskunde Olimpiade en deurgedring het na die Distriksrondte!

📚 Gr. 4 – Naeem Bitterbos
📚 Gr. 5 – Denzil Staines
📚 Gr. 6 – JJ Wolmarans

Ons is ongelooflik trots op julle harde werk, deursettingsvermoë en liefde vir wiskunde. Julle het bewys dat toewyding en oefening groot sukses kan bring!

🎯 Die volgende rondte vind plaas op 27 Julie 2026.

Ons wens julle alle sterkte toe vir die Distriksrondte. Hou aan om Orion trots te maak! ⭐

👏🏻➕👏🏻➕👏🏻➕👏🏻

📐➗📚✨

🏉Rugby🏉
Baie geluk aan die volgende rugbyspanne wat uiters goed gevaar het tydens die Goue Leeus A-Liga:

🏆 Ons O/11B-rugbyspan is as ligawenners gekroon ná hul uitstekende wedstryd teen Kenmare, met 'n telling van 19–5 in Orion se guns.

🏉 Ons O/11A-rugbyspan eindig algeheel 4de en dring hiermee deur na die uitspele, wat Vrydag by Hoërskool Florida plaasvind.

🥉 Ons O/9B-rugbyspan eindig algeheel 3de ná 'n fantastiese seisoen.

Baie geluk aan al die spelers en afrigters met hierdie besonderse prestasies. Julle harde werk, toewyding en spangees maak ons ongelooflik trots!

💙❤️ Orie-trots! ❤️💙

🌟 GROOT NUUS! Ons open 'n splinternuwe Gr. 000-klassie op 21 Julie 2026! 🌟

Na ons ongelooflike suksesvolle Opedag het ons 'n groot aantal navrae vir ons Gr. 000-groep ontvang. 🤩

Ons is dankbaar vir die vertroue wat ouers in ons skool plaas en opgewonde om nog meer kleuters op hul leerreis te verwelkom.

By Orionland glo ons dat elke kleuter uniek is en die geleentheid verdien om optimaal te ontwikkel. Daarom het ons besluit om ons klasse kleiner te hou, sodat ons op elke kleuter se individuele behoeftes, ontwikkeling en leerstyl kan fokus. 😄

Vir 3 tot 4-jariges maak kleiner klasse 'n groot verskil. Dit gee ons personeel meer geleentheid om:
✨ Persoonlike aandag aan elke kleuter te gee.
✨ Sterk verhoudings en vertroue te bou.
✨ Taal-, sosiale en emosionele ontwikkeling doelgerig te ondersteun.
✨ 'n Veilige, geborge en stimulerende leeromgewing te skep.
✨ Elke kleuter se unieke potensiaal te ontdek en te ontwikkel.

Ons sien daarna uit om nuwe kleuters te help groei, leer en floreer in 'n omgewing waar hulle werklik raakgesien word.

📅 Nuwe Gr. 000-klassie open: 21 Julie 2026

📞 Kontak ons gerus vir meer inligting of om jou kleuter se plekkie te bespreek.
011 868 5562/3
[email protected]

HIER... is elke kind 'n ster! 🌟

Laerskool Orion Amptelik