18/08/2021
بما إن كل مجتمع عنده أجزاء أساسية ، ف احنا مجتمع ويتكون من :
1- GDSC Lead :
الي هو الليدر الخاص بالنادي ، والي بيكون دوره "وسيط " بين مجتمع النادي وفريق جوجل ، الشخص هذا تم اختياره مسبقاً من فريق جوجل ، بيكون عمله في النادي لمدة سنة فقط وبعدها ينتهي عمله ، وطبعاً بنعلن عن هويته بوقت لاحق مع بقية الفريق 🥳💥
2- Core team :
ولأن يد وحدة ما تصفق ، ف أكيد ان الليدر ما يقدرش يعمل كل العمل لوحده ، عشان كذا احنا نحتاج لفريق ينضم معانا ويكون جزء أساسي من النادي 💫✨
نحتاج لأشخاص تقنيين وغير تقنيين ( من طلاب الجامعة عموماً ) ، وقريباً بنفتح استمارة التقديم للأشخاص الراغبين انهم يكونوا جزء أساسي من مجتمعنا الرهيب 🤩✨
3- Members :
والي هم أعضاء النادي ، الي انوجد النادي أساساً عشانهم 💙
هم الي ممكن ياخذوا المسارات ويتدربوا ويحضروا فعاليات ، ومسموح انهم يكونوا من كل الفئات وأي أشخاص سواء طلاب بالجامعة أو خريجين أو أياً كانوا يحق لهم الحضور والمشاركة بالتدريبات والفعاليات والمسابقات الي بتتم في النادي ( تحت شروط معينة يتم تحديدها لاحقاً)
4 - Faculty advisor :
آخر جزء في مجتمعنا الرهيب ، والي بيكون المرشد "لليدر" في حال واجهته مشكلة أو احتاج مساعدة داخل الجامعة .
أخيراً ، نقطة مهمة نحب توضيحها ان النادي فكرة "تطوعية" برعاية جوجل ، الغرض منها انه نتعلم كيف نصير مجتمع يساعد بعضه ، وحاجة عظيمة من جوجل انها تعطي فرصة للتعليم يكون "مجاناً" للجميع 🤩
14/08/2021