GER Youth Center Page

СУДАЛГААНД ОРОЛЦОНО УУ

Хүүхдүүдийнхээ зуны амралтыг үр бүтээлтэй өнгөрөөхийг хүссэн аав ээжүүдийн саналын дагуу Гэр монгол зуслан ажлуулах тухай судалгааг 14 хоногийн хугацаатай явуулж байна. Та бүхэн саналаа ирүүлнэ үү.

https://tinyurl.com/germongolcamp

Ээжүүдийн баяр, Эрдэнэс болсон хүүхдүүдийн маань урлагийн тоглолтод та бүхнийг урьж байна.

Ази Америк ба Номхон далайн арлуудын анхны иргэдийн АНУ-ын түүхэнд оруулсан хувь нэмрийг хүндэтгэх зорилгоор өв соёлын сарыг 1978 оноос тэмдэглэж эхэлсэн. Өдгөө энэ нь соёл, олон нийт, нөлөөллийг тэмдэглэдэг улс даяарх баяр болж өргөжсөн.

👉 Гэр Хүүхдийн Төвийн сурагчид энэхүү арга хэмжээнд олон жил оролцож ирлээ. 5 сарын 6 нд Сан Франциско хотын Herbst театрт уулзацгаая.

👉 Asian American & Pacific Islander Heritage Month started in 1978 to honor early AAPI contributions to U.S. history. It’s now a nationwide celebration of culture, community, and impact.

👉 Students from the Ger Youth Center have been participating in this event for many years.

Get your celebration guide: apasf.org

МУСТА, БТА морин хуурын багш А. Бат-Очирын байгуулсан Тэнгэр хуур-Чикаго хамтлагийн гоё тоглолт 2-р сарын 1нд болох гэж байна.
Тэнгэр хуур-Оакланд хамтлаг удахгүй бий болно. Үндэсний бахархал болсон их хуураа тоглож сурахыг хүссэн баруун эргийн хүүхдүүд, насанд хүрэгчид энд бүртгүүлнэ үү. Хичээл 2 сарын 1-д эхэлнэ. Цахим, таннхим хосолсон сургалт явагдана. Холбогдох утас 510-612-1595
https://form.jotform.com/260146163028147

J.Chuluun Waltz from the ballet”Uran Khas”Tenger Khuur”Chicago Mongolian traditional music Ensemble Enjoy the videos and music you love, upload original content, and share it all with friends, family, and the world on YouTube.

Хорвоог уяраадаг хоёрхон чавхдас
Хотлыг баясгадаг ховорхон увьдас
Хийморь золын эгшгэн судар
Хөх монголын эрхэм шүтээн
Арга билгийн хос чавхдаст
Ая хөгийн яруу дуурьсалт морин хуураа эрхэмлэн дээдэлж, суралцаж, хөгжицгөөе!

Чихний чимэг болсон аялгуу сайхан монгол хэл
Чин зоригт өвгөд дээдсийн минь өв их эрдэнэ
Эх хэлээ өвлүүлэн сургах эрхэм үйлсийг тань дэмжиж сургалтаа үргэлжлүүлж байна. Сургалт 2 сарын 14нд эхэлнэ. Бүртгэл:
https://form.jotform.com/260076954243156

Оюуны болон азын бэлэгтэй ирсэн оюутнууддаа баярлалаа.
Азтан болсон ахлах ангийн сурагчиддаа баяр хүргэе.

Шинэ оны эхэнд Гэр Хүүхдийн Төв ургацаа хурааж, түгээлээ.

Үүний учир нь манай Би монгол сургуулийн бүжиг, шатар, монгол хэлний ангиудад сурч байсан, Д. Батзориг, Б. Уянга, Ю. Цогтчимэг багш нарын шавь нар маань АНУ төдийгүй дэлхийд нэр хүндтэй их дээд сургуулиудад амжилттай элсэн суралцаж байгаа мэдлэг туршлагаа, ахлах ангийн дүү нартаа хуваалцсан, маш үр дүнтэй арга хэмжээ болж өнгөрлөө. MIT оюутан Ч. Хулан, UCSB оюутан С. Хээлэн, UCLA төгсөгч Г. Энхжин, USNA кадет Б. Төгөлдөр, UPENN оюутан С. Тамера, UCLA оюутан Н. Нандин-Эрдэнэ, UCB докторант оюутан, туслах багш Б. Уянга, SFU-д сургалтын төвийн Дэд захирал З. Хулан нар танхимд ирсэн 30 гаруй, зүүмээр оролцсон 10-аад сонсогчиддоо гарын авлага, слайд бэлтгэн, илтгэл тавилаа.
2 дахь хэсэгт сурагчид оюутнууд, багш нартай чөлөөтэй ярилцаж, хүссэн асуултууддаа хариулт авлаа. Илтгэгч оюутнууд маань сургуулийнхаа нэртэй азын сугалааны бэлэгтэй ирж, дүү нараа сургуульдаа урьсан нь билэгтэй дэмбэрэлтийн утгатай болов. Багш сурагчид баяр хөөртэй уулзалдсан бас нэг сайхан дурсамжит мөч байлаа. Арга хэмжээнд Ерөнхий Консул Б. Мөнхбаатар оролцож үг хэллээ.
Уг арга хэмжээг Н. Ганчимэг, П. Ариунтуяа, З. Чинзориг, Х. Болорчимэг, В. Одонтунгалаг, Ц. Туяацэцэг, Т. Эска нар хамтран зохион байгууллаа.
Оролцсон, дэмжиж тусалсан, хүрэлцэн ирсэн бүх аав ээжүүд, сурагч, оюутан, багш нартаа их баярлалаа.

Гэр Хүүхдийн Төв, Би монгол Сургууль

АНУ-ын нэр хүндтэй Их Дээд сургуулиудад хэрхэн яаж элсэх вэ?

Онлайн оролцох саналууд ирсэн тул бид HYBRID буюу Зүүм-ээр болон танхимд давхар явуулах боллоо.
Эхний хэсэгт товч илтгэлүүд тавигдана.
2 дахь хэсэгт асуулт, хариулт явагдана.
Гэр Хүүхдийн Төвийн Би Монгол сургуулийг төгсөөд дэлхийд нэр хүндтэй UC, MIT, UPENN, US Naval Academy зэрэг коллежуудад сурч буй ах эгч нар нь ахлах сургуулийн дүү нартаа топ коллежуудад яаж тэнцэх, яаж тэтгэлэг авах, яаж амжилттай суралцах болон Инженер, Технологи, Биологи, Эдийн засаг, Анагаах ухаан зэрэг мэргэжлүүдийн хүрээнд ярилцана.
Мөн зочин илтгэгч UCB-ийн докторант оюутан Б. Уянга, USF-ийн ажилтан З. Хулан нар зөвлөгөө өгнө.
Үр дүнтэй, өргөн мэдээлэл авна гэдэгт итгэлтэй байна.

Жич:
- сонирхсон асуултандаа ганцаарчилсан хариулт авах боломжтой
- Зүүм-ээр оролцогч хүүхдүүд асуултаа бүртгэл дээр тодорхой бичээрэй.
- Коммунити коллеж-оос яаж их дээд сургуульд элсэх тухай
- оролцох бүх сурагчид бүртгүүлэх шаардлагатай
- оролцох хүн бүр $25 төлнө. (ээж, аав, сурагч тус бүр)
- танхимд оролцсон хүүхдүүдийн дунд сугалаатай
- эцэг, эх бас сурагчдад гарын авлагатай
- үр дүнтэй байлгахын тулд бага насны хүүхдүүдээ авч ирэхгүй байхыг хүсье.
Бүртгүүлэх холбоос:
https://pci.jotform.com/form/253477522055155
Гэр Хүүхдийн Төв/Би Монгол Сургууль