17/08/2026
في ناس بتكون مجرد مديرين، وفي ناس بتكون سند وأخ حقيقي… وكريم المر من الناس دي
بكتب البوست ده بصفتي عبدالرحمن السباعي، علشان أشكرك على كل حاجة عملتها معايا، مش كمدير للمكان، لكن كأخ وقف جنبي في كل خطوة.
عدينا سوا بأيام كتير، من سفر، وتجهيز فروع، وأفكار، واجتماعات، وتعب وبهدلة وضغط… وكل ده كان بيطلع بدافع إنك شايل المكان وبتحبه، وبتعامل كل واحد فيه كأنه واحد من أهلك.
أي حد درس أو اشتغل في المكان أكيد عارف قيمة كريم المر، سواء على المستوى المهني أو الإنساني
قصتنا بدأت من كورس A1 عادي، في مكان مكانش مكاني وقتها… ومع الوقت بقيت أخ وصاحب، واشتغلنا سوا، وعملنا فرعين، وإن شاء الله التالت، وربنا كرم بشهادة B2، وحلم السفر لألمانيا بقى حقيقة.
كل خطوة من دول كان ليك فيها بصمة، وده عمره ما هيتنسي.
عارف إن كلامي مهما طال، مش هيوفيك حقك، لكن أقل حاجة أقدر أقولها هي: شكرًا. شكرًا على دعمك، وثقتك، ووقفتك، وكل موقف كنت فيه أخ قبل أي منصب.
أتمنى لك كل التوفيق في رحلتك الجديدة في ألمانيا. وأنا متأكد إنك هتكسر الدنيا هناك زي ما عملتها هنا.
وربنا يوفقك في كل خطوة جاية، وافتكر دايمًا إن المكان ده هو بيتك التاني، وأهلك وإخواتك مستنيين نجاحك ورافعين راسهم بيك.
بالتوفيق يا أخويا الغالي 🇩🇪❤️
