BOSA - Zoology Department, Bharata Mata College (2026)

07/02/2026

ഓർമ്മക്കൂട് വിൽപ്പനയ്ക്കെത്തി. BOSA യുടെ അക്കൗണ്ടിൽ Rs.250 GPay ചെയ്ത് Address അയച്ചുതരിക, തപാലിൽ ലഭിക്കും. Ac details ആദ്യത്തെ Comment box ൽ:

15/01/2026

"നിങ്ങളെ എന്നും ഓർമ്മിക്കും....
വിസ്മൃതിയുടെ ഇരുളിലേക്ക് പടിയിറങ്ങിപ്പോകും വരെ"

ഓർമ്മക്കൂട്
ഫ്രാൻസിസ് ജോസഫ് എടത്രക്കരി

പുസ്തക പ്രകാശനം
ജനുവരി - 26 | 2.30 PM

ഭാരതമാതാ കോളേജ് ഓഡിറ്റോറിയം
പൂർവവിദ്യാർത്ഥി സംഗമത്തോടനുബന്ധിച്ച്

25/09/2025

INDICON 2025

National Seminar on Invertebrate Diversity organised by the Department of Zoology funded by DBT STAR College Scheme was inaugurated today at 10 am by Dr. Jahnavi Joshi ( Scientist) CCMB Hyderabad.

04/09/2025

Congratulations to Dr. Sherin Antony, Dr. Simi Joseph P, and Dr. Sonia John from the Department of Zoology, for publishing a book chapter (Springer) on 'Green Nanotechnology for Ocean Pollution Control'.

05/11/2024

🚣ബോട്ടുകൾ:

🚤മോട്ടോർ ഘടിപ്പിക്കാത്ത വള്ളങ്ങളെ നമ്മൾ ബോട്ട് എന്നു വിളിക്കാറില്ലാത്തതിനാൽ അവ ബോട്ടുകളല്ലാതാവുന്നില്ലല്ലോ.

🛶 പണ്ട് കമ്പനി വള്ളങ്ങളിലായിരുന്നു പൊതു ജലഗതാഗതം . മോട്ടോർ ഘടിപ്പിച്ച ബോട്ടുകൾ വന്നത് പിന്നീടാണ്. ആദ്യമൊക്കെ സ്വകാര്യ സംരഭമായിരുന്നു. ഓർക്കുന്നുണ്ടല്ലോ, പല്ലനയിൽ മഹാകവിയുമായി ചെരിഞ്ഞു മുങ്ങിയ ബോട്ടിന്റെ പേര് റിഡീമർ എന്നായിരുന്നു !

എന്റെ ചെറുപ്പത്തിൽ വേമ്പനാട്ടുകായലിൽ ചെങ്ങണ്ട - ചീപ്പുങ്കൽ സർവ്വീസായി സതീശ് എന്ന ബോട്ടും, പമ്പയാറ്റിൽ ഫ്ലെയിംഗ് സോസർ , ഫോക്കർ ഫ്രണ്ട്ഷിപ്പ് , സെന്റ് പോൾ എന്നീ ബോട്ടുകളും കണ്ടിട്ടുണ്ട്.

🚢60 കൾക്കു മുമ്പേ തന്നെ സർക്കാർ വക KWTC വക ബോട്ടുകൾ കായലും പുഴകളും കയ്യേറിയിരുന്നു. ഒന്നു മുതൽ നൂറ്റി ച്ചില്വാൻ വരെയുള്ള നമ്പർ ഇട്ട ബോട്ടുകൾ കണ്ടിട്ടുണ്ട്.

🛳️ അറുപതുകളുടെ മദ്ധ്യത്തോടെ കോർപ്പറേഷൻ പിരിച്ചു വിട്ട് State Water Transport Department തുടങ്ങി.
യാത്രാബോട്ടുകൾ ലൈൻ ബോട്ടുകളെന്നറിയപ്പെട്ടു. No 1 മുതൽ 12 വരെയൊക്കെയുള്ളത് കൂറ്റൻ ജലയാനങ്ങളായിരുന്നു. നീലച്ചായമടിച്ച അവ കാർഗോ ബോട്ടുകളായിരുന്നു. രാത്രിഞ്ജരരായ അവർ ചാക്കു കെട്ടുകളും വല്ലങ്ങളും നിറച്ച് റാന്തൽ വിളക്കുകളും കൊളുത്തി ഉച്ചത്തിൽ ബഹളമുണ്ടാക്കിയും മണിയടിച്ചും സാവധാനം കായൽ നീന്തിക്കടന്നു.

🛳️ എറണാകുളത്തു നിന്ന് ആലപ്പുഴ വഴി കൊല്ലത്തിനു പോയിരുന്ന രണ്ടാം നമ്പർ ബോട്ടാണ് ഏറ്റവും ദീർഘ ദൂരസഞ്ചാരി ! വൈകുമ്പോൾ എറണാകുളം ജെട്ടിയിൽ നിന്ന് തള്ളുന്ന കൊല്ലം ബോട്ട് വെളുപ്പാങ്കാലത്ത് ആലപ്പുഴയെത്തി ദീർഘമായി വിശ്രമിച്ച് പകൽ കൊല്ലത്തിനു വിടുന്നു. ചരക്കുടമകളും അല്ലാത്തവരുമായ യാത്രക്കാർ ഉറങ്ങിയും ഉറക്കം തൂങ്ങിയും , ബീഡിവലിച്ച് തണുപ്പകറ്റിയും യാത്രാ വിരസതയിൽ അലിഞ്ഞുചേരുന്നു.

🛶മെലിഞ്ഞു സുന്ദരികളായ മറ്റു ബോട്ടുകൾ പകൽ നേരങ്ങളിൽ അണിഞ്ഞൊരുങ്ങി , യാത്രികരെ ഉദരത്തിൽ വഹിച്ച്‌, പുഴയ്ക്കക്കരെയിക്കരെ സിഗ് സാഗ് നൃത്തം ചെയ്ത് ലക്ഷ്യമണയുന്നു.

🏛️ആലപ്പുഴെ നിന്നു പുറപ്പെടുന്ന ബോട്ടുകൾ കൂടുതലും കോട്ടയത്തിനും ചങ്ങനാശ്ശേരി ക്കുമാണ്. തകഴി , എടത്വ, നീലമ്പേരൂർ, ചെങ്ങന്നൂർ, തലവടി , മുതലായ സ്ഥലങ്ങളിലേക്കും ബോട്ടുകളുണ്ട്.

🪂പ്രധാന ജെട്ടികൾക്ക് കനാലാപ്പീസ് എന്നു പറയും. അവിടുത്തെ സ്റ്റേഷൻ മാസ്റ്റർ കനാലാപ്പീസർ എന്നറിയപ്പെടും. യാത്രാവഴികളിൽ ഇടയ്ക്കുള്ള കനാലാപ്പീസുകൾ പുളിങ്കുന്നിലും നെടുമുടിയിലുമാണ്. അവിടങ്ങളിൽ കാത്തിരിപ്പുപൂരകളുണ്ട്.

🤕ബോട്ടിലെ അധികാരി ബോട്ടു മാഷാണ്. അദ്ദേഹം ടിക്കറ്റു കൊടുക്കുന്നു. എൻജിൻ ഡ്രൈവർ എൻജിൻ പ്രവർത്തിപ്പിക്കുന്നു. ബോട്ടിന്റെ മുകളിൽ ഒരു ക്യാബിനുണ്ട്. അവിടെ അദൃശ്യനായി ഒരു ഒടേ തമ്പുരാനുണ്ട് - സ്രാങ്ക് ! അയാളാണ് നാവിഗേറ്റർ ! ബോട്ടിന്റെ ദിശനിർണ്ണയിക്കുന്ന ചക്രം അയാളുടെ കൈവശമാണ്. അയാളുടെ കയ്യിലാണ് എൻജിൻ മുറിയിൽ തൂങ്ങിയാടുന്ന മണിയുടെ ചരട് . ആ മണിയടി ശബ്ദത്തിനനുസരിച്ചാണ് എൻജിൻ ഓണും ഓഫും ആക്കുന്നത്.... മുന്നോട്ടും പുറകോട്ടും നീക്കുന്നത്, സ്ലോയും ഫാസ്റ്റും ആക്കുന്നത്.

🛩️എൻജിനിൽ നിന്ന് ബോട്ടിന്റെ പുറകിലേയ്ക്കു നീളുന്ന , വേഗത്തിൽ തിരിഞ്ഞും മറിഞ്ഞും കറങ്ങുന്ന വലിയ ഉലക്കയാണ് ബോട്ടിന്റെ പ്രധാന മോട്ടോർ മസിൽ! ഉലക്കയുടെ അറ്റത്ത് വെള്ളത്തിൽ കറങ്ങുന്ന ഒരു ചുക്ക (ഫാൻ) യുണ്ട്. ബോട്ട് പുറകോട്ടെടുക്കുമ്പോൾ ഈ ഷാഫ്റ്റ് എതിർ ദിശയിൽ ക്കറങ്ങി പ്രതിക്ഷേധിക്കും. കില്ലപ്പട്ടി തല്ലു കൊണ്ടു മോങ്ങുമ്പോഴുള്ള വവ്വവ്വവ്വാ ശബ്ദമായിരിക്കും ബോട്ടിന്നപ്പോൾ !

🪂സ്രാങ്കിന്റെ കയ്യിലെ സുദർശന ചക്രത്തിൽ നിന്ന് ബോട്ടിന്റെ മുകളിലൂടെ പുറകോട്ടു പോകുന്ന ചെയിനാണ് , മേൽപ്പറഞ്ഞ ചുക്കയ്ക്കു സമീപെ വെള്ളത്തിലേയ്ക്കു തൂങ്ങിക്കിടക്കുന്ന പങ്ക തിരിച്ച് ദിശാനിർണ്ണയം നടത്തുന്നത്.

ഈ ഇരുവർ സംഘമാണ് ബോട്ടിന്റെ കണ്ണും കരളും !
ബോട്ടിന്റെ മദ്ധ്യഭാഗത്താണ് താഴെ എൻജിൻ മുറിയും മേലെ സ്രാങ്കിന്റെ കാബിനും .

😁എൻജിൻ മുറിയുടെ മുന്നിലെ ഇടത്ത് ചെറുപ്പക്കാരായ ആണുങ്ങളും പുറകിലെയിടത്ത് കൂലിക്കാരായ പെണ്ണുങ്ങളും . ഇത് രണ്ടാം ക്ലാസ്സാണ്. ഒന്നാം ക്ലാസ്സിലിരുന്നു പത്രം വായിക്കുകയും മുറുക്കിത്തുപ്പുകയുമൊക്കെ ചെയ്ത് ഗൗരവംപൂണ്ടിരിക്കുന്ന കാരണവന്മാരെ മറഞ്ഞ് കൊച്ചു തമ്പ്രാന്മാർക്കിരുന്നു പുകവിടാനുള്ള ഒരു പെർമിറ്റ് ഏരിയ കൂടിയാണീ രണ്ടാം ക്ലാസ്സ് .

🙏ബോട്ടിന്റെ ഏറ്റവും മുൻഭാഗം ഉയർന്നതും ഉന്നതമാരുടെ ഇരിപ്പിടങ്ങളുമാണെങ്കിൽ പിന്നിലെ ഉയർന്ന ഭാഗം കുലസ്ത്രീകൾക്കുള്ളതും ആകുന്നു. അവിടെയിരുന്നാൽ ബോട്ടിൽ നടക്കുന്ന സർവ്വ സംഭവങ്ങളും കാണാം. പെണ്ണുങ്ങൾക്കുള്ള എല്ലാ സംവിധാനങ്ങൾക്കും ഈ പ്രത്യേകതയുള്ളതായി കാണാം. അവരുടെ കണ്ണുകൾ പോലും മറ്റുള്ളവരറിയാതെ മറ്റുള്ളവരെക്കാണാൻ പര്യാപ്തമായ രീതിയിലാണത്രേ! ഇതിലെ ശാസ്ത്രീയ വശം അന്വേഷിച്ചു നാം ബുദ്ധിമുട്ടണമെന്നില്ല! ഇതൊക്കെയാണെങ്കിലും കൊച്ചമ്മമാരുടെ ഈ കൊച്ചു മുറി കടന്നു വേണം ബോട്ടിലെ ശൗചാലയത്തിലേക്കു പോകാൻ ! മൂത്രത്തിന്റെ സുഗന്ധം നുകർന്നിരിക്കാനുമാണവരുടെ വിധി!
🦘
മുൻഭാഗം പണ്ട് ഫസ്റ്റ് ക്ലാസ്സും അവിടുത്തെ ടിക്കറ്റ് നിരക്ക് അൽപ്പം ഉയർന്നതുമായിരുന്നു!

👯ബോട്ടിലെ ജോലിക്കാരിൽ ഇനിയുള്ളത് രണ്ട് നീലകളേബരന്മാരാണ് - ലസ്കർമാർ ! ഈ നകുല-സഹദേവന്മാർ കഴുക്കോൽ കുത്തിയും കയറുമായി ചാടി ജെട്ടിയിലിറങ്ങി വലിച്ചും ബോട്ടിനെ ജെട്ടിയിലേയ്ക്കു ചേർത്ത് യാത്രികരെ കയറ്റിയിറക്കുകയും ചെയ്യുന്നു.

🏂അല്ലാത്ത സമയങ്ങളിൽ ബോട്ടിന്റെ ഹള്ളിൽ നിന്ന് അടിയിലൂടെ ഊറിയടിയുന്ന വെള്ളം തേവി വറ്റിക്കുന്നു. കൂടുതൽ വെള്ളക്കേടുള്ള ബോട്ടുകളിൽ ചാമ്പു പൈപ്പ് വെച്ച് വെള്ളം വറ്റിക്കുന്നു.🪅

എക്സ്പ്രസ്സ് ബോട്ടുകളും അവയിൽ പുതിയ പെർക്കിൻസ് എൻജിനും മറ്റും വന്നപ്പോൾ ബോട്ടുകൾ പരിഷ്ക്കാരിണികളായി. ഫസ്റ്റ് ക്ലാസ്സും ലാസ്റ്റ് ക്ലാസ്സുമെല്ലാം ഇപ്പോൾ ഒരേ നിരപ്പ് - അപ്പോൾ EMS ന്റെ രണ്ടാം മന്ത്രിസഭ നിലവിൽ വന്നിരുന്നു! സർവ്വത്ര സമത്വം!!

അങ്ങോട്ടും ഇങ്ങോട്ടും നോക്കിയിരിക്കുന്ന പലക ബെഞ്ചുകൾക്കു പകരം ബസ്സിലേതു പോലെ മുൻഭാഗത്തേക്കു നോക്കിയിരിക്കുന്ന, പച്ച നിറമുള്ള,ചകിരി കുഷ്യനിട്ട സീറ്റുകൾ!

🛩️ഇടയ്ക്ക് സ്റ്റോപ്പില്ലാത്ത കോട്ടയം എക്സ്പ്രസ്സിൽ ചായക്കട പരീക്ഷണവും നടത്തി നോക്കി. എന്തുകൊണ്ടോ അത് വിജയിച്ചില്ല!🪅

04/11/2024

🪑മുഖ്യാതിഥികൾ - അന്നും, ഇന്നും :🥳

🌹തൊണ്ണൂറുകളുടെ ആരംഭം വരെ ക്യാമ്പസുകളിലെ ചടങ്ങുകൾക്ക് പ്രശസ്ത സാഹിത്യകാരന്മാരുടെ സാന്നിദ്ധ്യം ഒഴിവാക്കാൻ പറ്റാത്തതായിരുന്നു. എന്നാൽ സിനിമാ നടന്മാരോടുള്ള അമിതാരാധന, അവരെ ഒഴിവാക്കുന്നതിനോ അവർ സ്വയം ഒഴിഞ്ഞു പോകുന്നതിനോ ഒക്കെ സാഹചര്യമൊരുക്കി !

🌾എന്നാൽ സാനുമാഷിനും ശ്രീകുമാരൻ തമ്പിക്കുമുള്ള സ്വീകാര്യത ഇന്നും കുറഞ്ഞു പോയിട്ടില്ല!

🎺മാഷ് നൂറു വാര ഓട്ടത്തിൻ്റെ അവസാന ലാപ്പിലാണ് - ഓർമ്മയ്ക്കും കണ്ണിനും യാതൊരു മങ്ങലുമില്ല! സാനുമാഷ് ഏറെ പേർക്ക് ഗുരുവും അതിലുമേറെപ്പേർക്ക് ഗുരുതുല്യനുമത്രേ!
ഈ ഗുരുപ്പട്ടം അദ്ദേഹം ആർജ്ജിച്ചെടുക്കുന്നത് അനായാസേനയാണ്. സ്വതസിദ്ധമായ വിനയം കൊണ്ടാണത് സാധിക്കുന്നത്! - അറിയാനുള്ള ത്വര ഒരു കൊച്ചു കുട്ടിയുടേതാണ്.

" ബദാം കരുവാണ് മാഷേ, ഒന്നുരണ്ടെണ്ണം ആരോഗ്യത്തിനു നല്ലതാണ് "

" ഓ... അതെയോ !"
മാഷ് അതിൽ നിന്ന് രണ്ടെണ്ണം എടുക്കുന്നു.

നൂറുവാര നടക്കുന്നതിന് മാഷ്ക്ക് ഒരു ബുദ്ധിമുട്ടുമില്ല - ചേർത്തുപിടിച്ചു നടക്കാൻ ആളുണ്ടല്ലോ!

മുന്നോടികളായ പ്രസംഗകരുടെ വാക്കുകൾക്ക് മാഷ് കാതോർക്കുന്നു. മാഷ് അക്ഷമനാകുന്നില്ല, തിടുക്കം കൂട്ടുന്നില്ല!

പോഡിയത്തിൽ വന്നു നിന്നാൽ പിന്നെ ധാരമുറിയാതെ ചൊരിയുകയാണ് - അർത്ഥമുള്ള വാക്കുകൾ, ഗാംഭീര്യം ചോരാത്ത ആശയങ്ങൾ ! മാഷ് ബോറടിപ്പിക്കുന്നില്ല - മാഷ് മാഷ്തന്നെയാണ്. അതിനാലാണദ്ദേഹം ഏറെ പോപ്പുലറായ പ്രതിയോഗിയോട് അസംബ്ലി ഇലക്ഷനിൽ വിജയിച്ചത് ! സഭയിൽ അദ്ദേഹം ശാന്തനായിരുന്നു. പിന്നീടാ വഴിക്കു പോയതുമില്ല! പൂജ്യനായതിനാലാവാം കേരളത്തിലെ മന്ത്രിപദം മാഷ് ന് ചേരാതെ പോയത്! മാഷ് എല്ലാവരേയും കരുതുന്നു, സ്നേഹിക്കുന്നു.

✍️ശ്രീകുമാരൻ തമ്പി സാഹിത്യത്തിലും സിനിമയിലും എല്ലാമെല്ലാമാണ്. കഥ, തിരക്കഥ, സംഭാഷണം, സംവിധാനം, നിർമ്മാണം, ഗാനരചന , അങ്ങനെ......
പള്ളികൂടത്തിൽ ഏറെയൊന്നും പഠിപ്പിച്ചിട്ടില്ലെങ്കിലും അദ്ദേഹം തമ്പിസ്സാറാണ്!

🏦അടുത്ത കാലങ്ങളിൽ രണ്ടു പേരെയും നേരിൽ പരിചയപ്പെടാനായത് ജന്മപുണ്യം എന്നുതന്നെ കരുതാം !💞

01/11/2024

⛩️കസവും കുറിയും പിന്നെ കുറച്ചു കേരളപ്പിറവിയോർമ്മകളും !

✍️ഒന്നും ചിത്രത്തിലെഴുതിയിട്ടില്ല, മനം വരച്ചു തരുന്ന ചില രേഖാചിത്രങ്ങൾ മാത്രം !

🏦എൺപതുകളുടെ ഒടുക്കത്തിലെ ഭാരത മാതാ - ഒരു ക്ഷീണത്തിൽ നിന്ന് കരേറി എല്ലാക്കാര്യത്തിലും മുൻപന്തിയിലെത്തി നിൽക്കുന്ന കാലം! കരിയാട്ടിയച്ചൻ എന്ന പ്രിൻസിപ്പാളിൻ്റെ സ്ട്രിക്റ്റ് ഡിസിപ്ലിൻ പ്രിൻസിപ്പിളിൽ കാലം കഴിഞ്ഞു പോകുന്ന കാലം!

🥴പ്രിൻസ് സാറും ചുണക്കുട്ടന്മാരും കുട്ടികളും നാഷനൽ സർവീസ് സ്ക്കീമിൻ്റെ യൂണിറ്റ് യൂണിവേഴ്സിറ്റിയിൽ ഒന്നാമതെത്തിച്ചിരിക്കുന്നു.

🥰 ആരുടെയോ കാഞ്ഞ ബുദ്ധിയിലുദിച്ച ആശയമാണ് കേരളപ്പിറവി ആഘോഷം എന്നത്.

🎠പ്രിൻസ് പ്രിൻസിപ്പാളിൻ്റെ യുവതുർക്കി ഗ്രൂപ്പിലെ പ്രമുഖനായതുകൊണ്ട് ഏതാനും വ്യവസ്ഥ കളിൻമേൽ സമ്മതം കിട്ടി - ക്ലാസ്സ് നടത്തിപ്പിന് തടസ്സമുണ്ടാവില്ല, സൗകര്യമുള്ളവരെല്ലാം മുണ്ടും ഷർട്ടും പെമ്പിള്ളേർ കേരള സാരിയോ സെറ്റുമുണ്ടോ ധരിക്കാം.

😁ഭവാന്മാരും ഭവതികളും കളഭവും മനസ്സുമായി ഗെയ്റ്റിൽ നിന്ന് കയറി വരുന്നവരെ കുറിയണിയിക്കാം. അവിടെയുമുണ്ട് വ്യവസ്ഥ - ഭവാന്മാർ ഭവാന്മാരെയും ഭവതികൾ ഭവതികളെയും മാത്രമേ കുറിയണിയിക്കുകയുള്ളൂ, നെറ്റിയുടെ നടുക്ക് ചൂണ്ടുവിരൽ കൊണ്ട് മാത്രം!

😃സംഗതി നടന്നു! അത്ഭുതമായി!!!

🚧 ബെല്ലടിച്ചു, ഏതാനും പേർ കൂടി പടികടന്നു വരുന്നു. അവരെ കൂടി കുറിതൊട്ടു വിടുന്നതിനെന്താ കുഴപ്പം?

🐅അപ്പോഴാണ് പുലി പുറത്തു ചാടുന്നത്!

"പ്രിൻസാറേ .... സ്നേഹമൊക്കെ സ്നേഹം..... അതങ്ങ് റിട്രീറ്റ് ഹൗസിൽ! ബെല്ലടിച്ചാൽ ഒറ്റണ്ണത്തിനെ പുറത്തു കാണാമ്പാടില്ല''

എന്നുവച്ചാൽ കാണാൻ പാടില്ല !

🪗പക്ഷേ തുടർവർഷങ്ങളിലും സംഗതി നടന്നു.

🪑 പിൽക്കാലത്ത് NSS ൽ നിന്ന് സംഗതി കോളെജ് യൂണിയൻ കാർ ഏറ്റെടുത്തു. അപ്പോഴേക്കും കോയിൽ പറമ്പിലച്ചൻ പ്രിൻസിപ്പാളായി - സ്ട്രിക്റ്റ് ഡിസിപ്ലിൻ പ്രിൻസിപ്പിളല്ലാതായി! രാവിലെ ക്ലാസ്സ് - ഉച്ചകഴിഞ്ഞ് വിവിധ പരിപാടികൾ !

💞ക്ലാസ്സ് എന്നതും ഒരു മത്സരം തന്നെ! ഏറ്റവും നന്നായി അലങ്കരിക്കുകയും ഏറ്റവും അധികം കുട്ടികൾ കേരള സ്റ്റൈലിൽ വസ്ത്രം ധരിച്ചു വരുകയും ചെയ്യുന്ന ക്ലാസ്സുകൾക്ക് ഷീൽഡ് !- മൂന്നാം വർഷ സുവോളജീ വിദ്യാർത്ഥികൾ ആ ഷീൽഡ് എന്നും കൈപ്പിടിയിലൊതുക്കി !

🌀പിന്നെ പൂക്കളമത്സരം - 'പുഷ്പസദ്യ'! അവിടെ കേമത്തം കെമിസ്ട്രി, ബോട്ടണി, കൊമേഴ്സ്!

🎠പിന്നെ ഓഡിറ്റോറിയത്തിൽ കേരള ശ്രീമാൻ, മലയാളി മങ്ക മത്സരങ്ങൾ! കുട്ടികളുടെ മലയാളത്തിലുള്ള വാക്ചാതുരിയും അറിവും മാറ്റുരയ്ക്കുന്ന ഈ മത്സരങ്ങൾ ആവേശകരമായിരുന്നു !

🚣ഒടുവിൽ - വടംവലി മത്സരം , പഴക്കുല ട്രോഫി !

🚗ഒരു ദിവസത്തെ ഉടുപ്പും നടപ്പും എടുപ്പും - അതൊക്കെയാണ് ന്യൂജെൻ കേരളം!

🎺അനന്തരം :

🛋️ഈവിധ പ്രവർത്തനങ്ങൾക്ക് മേൽനോട്ടവും വായ്നോട്ടവുമൊക്കെയായുള്ള പരിചയം ഞങ്ങളെ പിന്നീട് പലയിടത്തും വിധികർത്താക്കളായെത്തിച്ചു.

🌹 നാലുകൊല്ലം മുമ്പ് ലുലുമാളിലെ മത്സരത്തിനു വിധികർത്താവായി പോയതാണ്. അവിടുന്നു പ്രതിഫലമായി കിട്ടിയ ഞൊള്ളു ഞൊളികളുടെ ഭംഗി നോക്കി വീട്ടിലിരിക്കെയാണ് അടുക്കളയിൽ വെള്ളം തിളച്ചു തൂവുന്ന ബഹളം കേട്ടത് !

🌾 ഓടിച്ചെന്ന് സ്റ്റൗ ഓഫ് ചെയ്ത് പാത്രം പൊക്കിയെടുത്തതും അതു മറിഞ്ഞ് എൻ്റെ ഇരുകാലിലും!

🦵 പത്തു ദിവസം ആശുപത്രിയിൽ, പിന്നെ രണ്ടാഴ്ച ഡ്രെസ്സ് ചെയ്യിക്കൽ ! ബൈപ്പാസ് സർജറി നടത്തിയതിൻ്റെ കേട് അത്രമാത്രം വന്നില്ല!🤩

31/10/2024

✍️ ഒക് 30 3024; രണ്ടുവർഷമാകുന്നു ചാവറ തോമസുകുട്ടി എന്ന തോമസുകുട്ടി മറഞ്ഞകന്നിട്ട് !

👭 പതിനൊന്നു കൊല്ലത്തോളം ഒരു കൂരക്കീഴിൽ താമസിക്കുകയും ഒന്നിച്ചു പഠിക്കുകയും ചെയ്ത തോമസ് മാത്യു ചാവറ (69) കൈനകരി നിര്യാതനായി.. കാലടി മറ്റൂർ കുടിയിരുപ്പ് വീട്ടിൽ അമ്മിണിക്കുട്ടിയാണ് ഭാര്യ. രണ്ട് ആണ്മക്കളാണീ ദമ്പതികൾക്കുള്ളത്.

😎🤠ഞങ്ങൾ തമ്മിലുള്ള ബന്ധം 1965 ൽ ചങ്ങനാശേരി SH ബോർഡിംഗിൽ തുടങ്ങുന്നു. ഞങ്ങളെക്കാൾ രണ്ടു വയസ്സിനു മൂപ്പുള്ള തോമസ് മാത്യു കൂട്ടുകാരുടെയിടയിൽ 'ചാവറ' എന്നു തന്നെ അറിയപ്പെട്ടു. സ്കൂളിലുണ്ടായിരുന്ന 6 വർഷവും ക്ലാസ്സ് മോണിട്ടറായിരുന്നു .😎മികച്ച ഗായകനെന്ന നിലയിൽ സ്കൂളിൽ ശ്രദ്ധ പിടിച്ചുപറ്റി. ഒത്തിണങ്ങിപ്പോകാൻ കഴിവുള്ള തലക്കനമില്ലാത്ത ഒരു സ്വാഭാവിക നേതാവ് ! ബോർഡിംഗിൽ കുസിനിക്കാരോടൊത്ത് ഭക്ഷണം വിളമ്പാൻ കൂടിയിരുന്നതായി ഓർമ്മിക്കുന്നു.🤓 പാട്ടിനോടൊപ്പം തന്നെ അഭിനയവും ബാസ്കറ്റ്ബോൾ കളിയും ചാവറയ്ക്കു വഴങ്ങി. കഴിവുo നർമ്മബോധവും കൊണ്ടവൻ ഹോസ്റ്റലകങ്ങളെ സന്തോഷഭരിതരാക്കി !🦸 SB കോളെജ് സുവോളജി ഡിപ്പാർട്‌മെന്റിൽ എന്റെ ഒരു വർഷം ജൂനിയറായിരുന്നു.💺 സഹൃദയാ ഹോസ്റ്റലിൽ ഞങ്ങൾ ഒരുമിച്ചായിരുന്നു. ചാവറ അൽപ്പം അന്തർമ്മുഖനായോ എന്നു തോന്നി. ചാവേർപ്പട എന്ന നാടകത്തിൽ അവതരിപ്പിച്ച നമ്പൂതിരി വേഷം അതി ഗംഭീരമായി !🗽 കോളെജ് ജൂബിലി വേളയിൽ അദ്ധ്യാപകരുടെ ഗാനമേളയുടെ മുഖ്യ പരിശീലകനായിരുന്നു ചാവറ !🛶 പിന്നെ ഞങ്ങൾ രണ്ടു വഴിക്കായി. എങ്കിലും ആലപ്പുഴ ബോട്ട്ജെട്ടി പരിസരങ്ങളിൽ വല്ലപ്പോഴും കണ്ടുമുട്ടിയിരുന്നു.🛥️ ഒരിക്കൽ ബസ് സ്റ്റാൻഡിലേയ്ക്കു നടക്കുമ്പോൾ ചാവറക്കാരുടെ 'സിറിയക് ഏലിയാസ് ' എന്ന സ്പെഷ്യൽ ബോട്ട് കണ്ടു. ചാവറ അതിലിരുന്ന് പ്രാതൽ കഴിക്കുന്നു. അന്ന് ആദ്യമായി ഗൾഫിൽ പോവുകയാണ്. അപ്പൻ മാത്തുക്കുട്ടിയും സഹോദരനും പണ്ടേ കുവൈറ്റിലായിരുന്നു. ☺️സ്കൂളിൽ പഠിക്കുമ്പോൾ ചാവറയ്ക്ക് വാച്ചുണ്ടായിരുന്നു , ഒരു ഫോറിൻ സ്യൂട്ട് കെയ്സും . ഞങ്ങൾക്കൊക്കെ പാട്ട കൊണ്ടുള്ള ട്രങ്ക് പെട്ടികളായിരുന്നുവല്ലോ!😇 വർഷങ്ങൾക്കുമുമ്പ് സ്കൂൾബാച്ച് ഗെറ്റ് ടുഗതറിൽ ചാവറ സജീവമായി പങ്കെടുത്തു ....പഴയ പാട്ടുകൾ പാടി. 😇പിന്നീട് ഒരിക്കൽ ചമ്പക്കുളത്തുവച്ചു കണ്ടു. ദീർഘനേരം സംസാരിച്ചു. പക്ഷേ എന്തുകൊണ്ടോ അവന് എന്നെ മനസ്സിലായിരുന്നില്ല ! 🥹പിന്നീടൊരിക്കൽ അവരുടെ വീടിന്റെ കടവിൽ അടുത്ത് ചാവറയെ വിളിച്ചു.... ആ അംനീഷ്യ .....എന്നെക്കുറിച്ചു മാത്രമോ?🥲

30/10/2024

💞2015 ഒക്ടോബർ 26. എൻ്റെ ഷഷ്ഠിപൂർത്തി ആഘോഷത്തിന് !

💗നിങ്ങളില്ലാതെ എന്താഘോഷം! - എന്നല്ലേ? എന്നാൽ എനിക്ക് നിങ്ങളുള്ളതാണ് ആഘോഷം!

❤️എൻ്റെ ആദ്യ ബാച്ചുകാർ അങ്ങനെയാണ് ! ഞാൻ B2, B3 എന്ന രണ്ടു ബാച്ചുകാരെ 1980 -82 ൽ പഠിപ്പിച്ചു എന്നാലും B2 ക്കാരാണ് തമ്മിൽ തമ്മിലും ഞാനുമായും ബന്ധപ്പെട്ടു കൊണ്ടിരിക്കുന്നത്.

💞ജോർജിൻ്റെ മകൻ്റെ കല്യാണത്തിനു ശേഷം ഞാൻ ഇവരെ കണ്ടിട്ടില്ല. സലീമും സതീശും ജോർജ്ജുമാണ് കൂടുതൽ ബന്ധപ്പെടുന്നത്. ആശ അമ്മൂമ്മയായപ്പോൾ മുതൽ കുഞ്ഞുങ്ങളിലാണ് ശ്രദ്ധ!

💖ശ്രീലേഖ അമേരിക്കയ്ക്കു പോകും മുമ്പ് കാണാൻ വന്നത് കൈ നിറയെ സമ്മാനവുമായാണ്. ലേഖയുടെ ശ്രീബുദ്ധൻ ഇവിടെ ശാന്തി പകർന്നിരിക്കുന്നു! ജോർജിൻ്റെ ഗോൾഡൻ തൂലികയും റാണിയുടെ ആടാത്ത മയിലും ഒക്കെ ഷോ കെയ്സിലിരുന്നെന്നെ സന്തോഷിപ്പിക്കുന്നു!

🥰" വര്വാ , വര്വാ ..... " മാധവൻ സാറിൻ്റെ സ്ഥിരം വാക്കുകൾ എൻ്റെ നാവിലും !
എനിക്ക് നിങ്ങളില്ലാതെ എന്ത് ജീവിതം !🤩

29/10/2024

🍞റസ്ക്കും വെണ്ണയും: ചെറുപ്പകാലത്തെ പ്രധാന നാലുമണിപ്പലഹാരങ്ങളായിരുന്നു ഇവ!

🥞ബേക്കറികളിൽ അന്ന് ബൺ,പച്ച റൊട്ടി, ഉണക്ക റൊട്ടി, ഗ്ലാക്സോയുടെ ദീർഘചതുര ബാർലി ബിസ്ക്കറ്, വൃത്താകൃതിയിലുള്ള ചായബിസ്കറ്റ്, ബ്രിട്ടാണിയയുടെ വട്ടത്തിലുള്ള കൊച്ചു ബിസ്കറ്റുകൾ, പൂസറ് എന്നു വിളിക്കുന്ന ക്രീം ബിസ്ക്കറ്റ്, വെളുത്ത വോയിൽ ക്കടലാസ്സിൽ പൊതിഞ്ഞ
പ്ലംകേയ്ക്ക് , കാര, കപ്പ് കേയ്ക്ക് ,ടീറസ്ക്ക് , കുഞ്ഞിപ്പിള്ളേർക്ക് വായിലിട്ടു ചപ്പാൻ അയമോദകം ചേർത്ത കോല് വെണ്ണ, മൂത്രമൊഴിവുകാർക്ക് പത്രക്കടലാസ്സിൽ പൊതിഞ്ഞ ഗോതമ്പുറൊട്ടി,
മിക്സ്ചർ ഇവയൊക്കെയാണ് കിട്ടുക. 🥖

🧀ആലപ്പുഴയിലെ ബേക്കറി പലഹാരങ്ങൾക്ക് ഒരു പ്രത്യേക രുചിയുണ്ട്. മുല്ലയ്ക്കലെ പ്രീമിയർ ബേക്കറിയായിരുന്നു , മുന്തിയത്. അതിനു തൊട്ടു താഴെ പോപ്പുലർ, ഇംപിരിയൽ, അശോകാ , വർക്കി ഔസേഫ് കാട്ടേഴം,വർക്കി ലോനി കാട്ടേഴം, എന്നീ ബേക്കറികളും മഞ്ജുള ബേക്കറിയുമായിരുന്നു ഉണ്ടായിരുന്നത്.

🍞 ഇന്ന് അവയെല്ലാം ഇല്ലാതാവുകയോ ചുരുങ്ങുകയോ ചെയ്തു, എന്നാൽ കല്ലുപാലത്തിനരികിൽ ഉണ്ടായിരുന്ന, എന്റെ ശ്രദ്ധയിൽ വരാഞ്ഞ ഹിമാലയ ബേക്കറി ശാഖോപശാഖ
കളായി ഇന്നും പന്തലിച്ചുനിൽ
ക്കുന്നു ! ആലപ്പുഴ വഴി പോയാൽ അതിലൊന്നിൽക്കയറി റസ്ക്കും വെണ്ണ ബിസ്ക്കറ്റും വാങ്ങിപ്പോരും- പഴയ രുചികളുടെ ഗൃഹാതുര സംഗീതമാസ്വദിക്കാൻ !

🧀കൊച്ചിയിലെ ബേക്കറികൾ കേമമാകുന്നത് അവയുടെ പേരു കൊണ്ടാണെന്നു പറയാം! ഒരു പാട് പുതുരുചികൾ പകരുന്ന ബേക്കറി ശൃംഖലകൾ എറണാകുളം ജില്ലയിലിന്നുണ്ട്. കേമപ്പെട്ടവ !

💫 പലയിടത്തു നിന്നും റസ്ക് വാങ്ങി നോക്കി. ഒന്നും ആലപ്പുഴെ കിട്ടുന്ന റസ്ക്കിന്റെയത്ര രുചി നൽകുന്നില്ല! വെണ്ണ ബിസ്ക്കറ്റ് ഏതാണ്ട് അപ്രത്യക്ഷമായി എന്നു തന്നെ കരുതണം !

🧀ഇനി,കേയ്ക്കിന്റെ കാര്യമാണ്. പരമ്പരാഗത പ്ലം കേയ്ക്കുകൾക്കു പകരം ഇന്ന് കാരറ്റ്, ചക്ക, മുതലായ പച്ചക്കറികളും പഴങ്ങളും ചേർത്ത കേയ്ക്കുകൾക്കാണ് പ്രിയം! ശർക്കര ചേർത്ത വട്ടേപ്പത്തിന്റെ ഒരു വേർഷൻ !

🥞പിന്നെയുള്ളത് കാഴ്ചയ്ക്ക് അതീവ ഭംഗിയുള്ള പേസ്റ്ററി കേയ്ക്കുകളാണ്. അവ ബേക്കറികളിൽ കിട്ടുന്നതിലുമേറെ വീടുകളിൽ കിട്ടും. വെറുതെയിരിക്കുന്ന കൊച്ചു വീട്ടമ്മമാർ അവ ചന്തത്തിൽ ചമച്ചു തരും . ഈ ജനറേഷന്റെ കേയ്ക്ക് അതാണ്. ജൻമദിനങ്ങൾക്കും , ⛩️കല്യാണങ്ങൾക്കും , ആനിവേഴ്സറികൾക്കുമെല്ലാം അതാണ് മുഖ്യാതിഥി ! മുറിച്ചൊരു കഷ്ണം കിട്ടിയാൽ അത് വായിൽ വെക്കാനോ വെച്ചു കൊടുക്കാനോ ഉള്ള പാടിനെയാണ് പെടാപ്പാട് എന്നു പറയുന്നത്!

🧀എന്നാലും പിള്ളേരേ , സത്യം പറയാമല്ലോ ..... ധാരാളം ഉണക്കമുന്തിരി ചേർത്ത , ഐസിംഗിൽ പൊതിഞ്ഞ ആ പഴയ കേയ്ക്കുണ്ടല്ലോ? അതിന്റെ രുചിയാണ് രുചി!🧀

28/10/2024

😌ഹക്കീം ഉറങ്ങുകയാണ്... ശാന്തമാണാ മയക്കം. എല്ലാം മറന്ന് ഒരു കുഞ്ഞിനെപ്പോലെ കൈവിരലുണ്ടുള്ള സുഷുപ്തി !

🏛️ബാങ്കലൂർ നിന്നു ഹൈദരബാദിലേക്കുള്ള ശീതീകരിച്ച ആ സെമി സീറ്റർ ബസ്സിൽ ഞങ്ങളെ വിളിച്ചു കയറ്റുകയായിരുന്നു ഹക്കീമും രാജണ്ണയും!

⛩️ബസ് ക്രൂ ആണിരുവരും ... സർക്കാർ ബസ്സിന്റെ സാരഥികൾ!

🍁ഏകദേശം പത്തു പതിനൊന്നു മണിക്കൂർ കൊണ്ടേ യാത്ര തീരൂ.... തിരികെ രാത്രിയാത്ര !

🌇 ... ഞങ്ങൾ ബാങ്കലൂർ മജെസ്റ്റിക്ക് ബസ് സ്റ്റേഷനിൽ എത്തിയതേയുണ്ടായിരുന്നുള്ളൂ ...

"ഒരഞ്ചുമിനുട്ട് ...? " ആവട്ടെയെന്ന മട്ടിൽ ഹക്കിം തലയാട്ടി.

😎 രാജണ്ണ ടിക്കറ്റ് അടിച്ചു തന്നു... കേരളത്തിലെ ട്രാൻസ്പോർട്ടേമാന്മാരൊഴികെ എല്ലാവരും ഇങ്ങനെയൊക്കെത്തന്നെയാണ്.

🥺അവശ്യമുള്ളവർ സൗകര്യമുണ്ടെങ്കിൽ കേറ്... എന്നുള്ള നിലപാടാണല്ലോ നമ്മുടെ നാട്ടുകാർക്ക് ! താനിരിക്കുന്ന മരക്കമ്പ് മുറിച്ചാൽ തനിക്കെന്താ ?

😈 കേരളത്തിന്റെ ബാങ്കലൂർ KSRTC സൂപ്പർ ലക്ഷ്വറി ബസ് തുടങ്ങിയ ദിവസങ്ങൾ ഓർമ്മയിൽ വരുന്നു.

😇59 വയസ്സായ രണ്ടു ചെറുപ്പക്കാർ 87 വയസ്സുള്ള രോഗിയായ ഒരു മനുഷ്യനും അദ്ദേഹത്തിന്റെ സർവ്വ ലഗേജുമായി ആലുവയിൽ നിന്ന് ബാങ്കലൂർക്കു പോകുന്നു.

നേരത്തെ റിസർവ് ചെയ്തിട്ടുണ്ട്. ബൈപ്പാസിൽ കാത്തുനിൽപ്പു തുടങ്ങി...
സമയം കടന്നുപോകുന്നു. റോഡിൽ നല്ല തിരക്ക്.🚊 എങ്ങനെയോ
സംഘടിപ്പിച്ച നമ്പറിൽ കൺഡക്ടറെ വിളിച്ചു....🚍

"താമസിക്കും ".....
"സാരമില്ല, ഞങ്ങൾ ബൈപ്പാസിൽ മറ്റ് ദീർഘ ദൂര ബസ്സുകൾ നിർത്തുന്ന സ്ഥലത്തുണ്ട് ..."

🚍 കർണാടകക്കാരുടെ ഐരാവതവും നിരവധി പ്രൈവറ്റ് ബസ്സുകളും വന്നു, നിർത്തി .... ബുക്ക് ചെയ്തിട്ടുള്ള ആളുകളെ ഉറക്കെ വിളിച്ചു കയറ്റുന്നു.....എല്ലാവരും കയറി എന്നുറപ്പുവരുത്തുന്നു...

🚍 ഒരു മണിക്കൂർ വൈകി നമ്മുടെ KSRTC വണ്ടി വന്നു. അത് ഓരം ചേർത്തുനിർത്താൻ ഭാവമില്ലാതെ മിഡിൽ ട്രാക്കിൽ കൂടി പോകുന്നു.... ദാ... അത് കടന്നുപോവുകയാണ്! തിരക്കായതിനാൽ പതുക്കെയാണ് പ്രയാണം !
ഞങ്ങൾ പിന്നാലെ ഓടി .... ബസ്സിൽ ആഞ്ഞടിച്ചു. മാർത്താണ്ഡ വർമ്മ പ്പാലം കയറും മുമ്പ് അത് നിന്നു....

🤕വയസ്സായ മനുഷ്യനെ താങ്ങിപ്പിടിച്ച് ലഗേജുംകയറ്റി ... 🤔

"എന്താ ഇങ്ങനെ "? മറുപടിയില്ല....😛

" അതിങ്ങനാണു ഭായ്..." എന്ന മട്ടിൽ ഒരു നോട്ടം ...

🥺 ഡ്രൈവർക്കാണെങ്കിൽ വോൾവോ ഓടിക്കാനറിയില്ല...അയാൾ ഈ വോൾവോ കണ്ടുപിടിച്ചവനെ പ്രാകുന്നുമുണ്ട് ..🚴 ഒരു യാത്രക്കാരന്റെ സഹായത്താൽ വണ്ടി ഒരുവിധം ബാങ്കലൂരെത്തിയെന്നു പറഞ്ഞാൽ മതിയല്ലോ!

🚌 KSRTC യിൽ സംഗതികൾ ഇപ്പൊഴും അങ്ങനെയൊക്കെത്തന്നെയാണെന്നാണ് കേൾവി ! 🚍

BOSA - Zoology Department, Bharata Mata College

07/02/2026

15/01/2026

25/09/2025

04/09/2025

05/11/2024

04/11/2024

01/11/2024

31/10/2024

30/10/2024

29/10/2024

28/10/2024

Address

Telephone

Website

Alerts

Shortcuts

Share

Listing takedown request