Shfmu "Osman Rama" Çabër

Shfmu "Osman Rama" Çabër Contact information, map and directions, contact form, opening hours, services, ratings, photos, videos and announcements from Shfmu "Osman Rama" Çabër, School, Çabër, Zubin Potok.

Me rastin e festës së Kurban Bajramit, në shkollën tonë u bë shpërndarja e dhuratave për nxënësit tanë, duke sjellë buzë...
26/05/2026

Me rastin e festës së Kurban Bajramit, në shkollën tonë u bë shpërndarja e dhuratave për nxënësit tanë, duke sjellë buzëqeshje dhe gëzim tek fëmijët.

Falënderojmë sinqerisht hoxhën e Çabrës, Besim Kurti, për angazhimin e tij të vazhdueshëm, përkushtimin dhe kujdesin që gjithmonë tregon për nxënësit dhe komunitetin tonë. Një falënderim i veçantë shkon edhe për kushëririn tonë në SHBA, Bekim Uka, për zemërgjerësinë dhe kontributin e tij në financimin e këtyre dhuratave.

Këto iniciativa janë shembull i mirë i solidaritetit dhe mbështetjes për fëmijët tanë, me dëshirën që aktivitete të tilla të vazhdojnë edhe në të ardhmen.

Mirënjohës për çdo kontribut dhe mbështetje!

Me shumë kënaqësi dhe mirënjohje, shkolla jonë “Osman Rama” ka pranuar dhuratë 260 libra shkollorë, romane dhe lektyra n...
18/05/2026

Me shumë kënaqësi dhe mirënjohje, shkolla jonë “Osman Rama” ka pranuar dhuratë 260 libra shkollorë, romane dhe lektyra nga Shtëpia Botuese “Berati”.

Këto libra janë një pasuri e çmuar për nxënësit tanë, pasi do t’i ndihmojnë ata të pasurojnë njohuritë, të zhvillojnë imagjinatën dhe të krijojnë edhe më shumë dashuri për leximin dhe librin.

Në emër të stafit të shkollës dhe nxënësve tanë, shprehim falënderimin më të sinqertë për këtë kontribut të vlefshëm në edukimin dhe formimin e fëmijëve tanë. Mbështetja juaj është një motivim i madh për ne dhe për nxënësit tanë që çdo ditë të jenë më afër dijes dhe kulturës.

Faleminderit Shtëpisë Botuese “Berati” për bujarinë dhe kujdesin ndaj arsimit dhe brezave të rinj!

Me krenari ju njoftojmë se ekipi i volejbollit i shkollës sonë, në garat regjionale, ka arritur të zërë vendin e dytë!Nx...
29/04/2026

Me krenari ju njoftojmë se ekipi i volejbollit i shkollës sonë, në garat regjionale, ka arritur të zërë vendin e dytë!

Nxënësit tanë treguan përkushtim, disiplinë dhe një shpirt të jashtëzakonshëm ekipor, duke përfaqësuar shkollën tonë me dinjitet dhe krenari.

Urime të gjithë volejbollistëve tanë për këtë arritje të merituar!

Një falënderim i veçantë shkon për drejtorin e shkollës, Enver Hasani, për përkrahjen dhe motivimin e vazhdueshëm, si dhe për mësimdhënësin e edukatës fizike, Shndrit Kurti, për angazhimin dhe punën e tij të palodhshme.

Suksese të tjera na presin!

Sot në shkollën tonë SHFMU “Osman Rama” në Çabër u shënua Dita e Shkollës me një program të pasur artistik, të përgatitu...
22/04/2026

Sot në shkollën tonë SHFMU “Osman Rama” në Çabër u shënua Dita e Shkollës me një program të pasur artistik, të përgatitur me shumë përkushtim nga nxënësit dhe mësimdhënësit tanë.

Atmosfera festive u bë edhe më e veçantë me praninë e familjarëve të Profesor Osman Ramës, të cilët i falënderojmë për pjesëmarrjen dhe mbështetjen e tyre të vazhdueshme.

Nxënësit tanë dhuruan emocione përmes këngëve, recitimeve dhe performancave të ndryshme artistike, duke dëshmuar talentin dhe vlerat që kultivohen çdo ditë në shkollën tonë.

Falënderojmë të gjithë ata që kontribuan në organizimin e kësaj dite të veçantë dhe të gjithë të pranishmit që ndanë këtë moment me ne.

Gëzuar Ditën e Shkollës! 🎉

Sot në shkollën tonë festuam me shumë gëzim dhe krenari fitoren e ekipit tonë të volejbollit, i cili zuri vendin e parë ...
02/04/2026

Sot në shkollën tonë festuam me shumë gëzim dhe krenari fitoren e ekipit tonë të volejbollit, i cili zuri vendin e parë në garat e shkollave të Mitrovicës! 🏆🥇

Nxënësit tanë u pritën me duartrokitje dhe urime për suksesin e arritur, duke na bërë të gjithëve krenarë me përkushtimin, punën dhe shpirtin e tyre ekipor.

Kjo fitore është dëshmi se me angazhim, disiplinë dhe bashkëpunim mund të arrihen rezultate të mëdha.

Urime edhe një herë kampionëve tanë! Ju urojmë shumë suksese edhe në garat e ardhshme! 👏🏐

🏆 Me krenari dhe emocion ju njoftojmë se ekipi i volejbollit i shkollës sonë sot, në garat e shkollave të Mitrovicës, ka...
01/04/2026

🏆 Me krenari dhe emocion ju njoftojmë se ekipi i volejbollit i shkollës sonë sot, në garat e shkollave të Mitrovicës, ka arritur të zërë vendin e parë! 🥇

Nxënësit tanë treguan përkushtim, disiplinë dhe shpirt të jashtëzakonshëm ekipor, duke e përfaqësuar shkollën tonë me shumë dinjitet dhe krenari.

Urime të gjithë volejbollistëve tanë dhe mësimdhënësve që i mbështetën në këtë rrugëtim drejt suksesit. Jemi shumë krenarë për këtë arritje të merituar!

Një falënderim i veçantë shkon për Shoqatën e Pedagogëve të Kulturës Fizike – Mitrovicë për organizimin dhe mikpritjen e shkëlqyer.

Suksese të tjera na presin! 👏🏐🏅

Me rastin e festës së Bajramit, Shkolla jonë shpreh mirënjohjen më të lartë për dy njerëz me zemër të madhe.Falënderojmë...
19/03/2026

Me rastin e festës së Bajramit, Shkolla jonë shpreh mirënjohjen më të lartë për dy njerëz me zemër të madhe.

Falënderojmë përzemërsisht bashkëvendasin tonë, Besnik Uka, i cili nuk e harroi vendlindjen dhe u kujdes që nxënësit tanë të gëzohen me dhurata.
Gjithashtu, një falënderim i veçantë shkon për Hoxhën e Çabrës, Besim Kurti, për angazhimin dhe mbështetjen e tij të vazhdueshme në realizimin e këtyre nismave humane.

Kujdesi i tyre i sinqertë është shembulli më i mirë se si duhet ta duam dhe ta ndihmojmë vendlindjen!

Në shenjë respekti për bashkëpunimin e ngushtë dhe mbështetjen e pakursyer, Shkolla jonë ka nderuar Hoxhën me një "Mirënjohje" për kontributin e tij të çmuar dhënë ndaj institucionit tonë.

📚 Mirënjohje për Shtëpinë Botuese "Dukagjini"Shkolla jonë "Osman Rama" u pasurua sot me një dhuratë të çmuar! Me rastin ...
19/03/2026

📚 Mirënjohje për Shtëpinë Botuese "Dukagjini"

Shkolla jonë "Osman Rama" u pasurua sot me një dhuratë të çmuar! Me rastin e 32-vjetorit të themelimit të saj, shtëpia botuese "Dukagjini" ka dhuruar një fond të pasur librash për nxënësit tanë të klasave I-V.

Ky donacion, i cili përfshin tituj klasikë dhe bashkëkohorë si "Posta e porositur", "Aventurat e Pinokut", "Libri i xhunglës" e shumë të tjerë, është një investim i drejtpërdrejtë në imagjinatën dhe edukimin e fëmijëve tanë.

Falënderojmë përzemërsisht Shtëpinë Botuese "Dukagjini" për këtë gjest fisnik dhe për mbështetjen e vazhdueshme në rritjen e kulturës së leximit. Librat e rinj tashmë po presin në raftet tona që të shfletohen nga duart e nxënësve tanë kureshtarë.
Urime 32-vjetori i sukseseve dhe faleminderit që zgjodhët të festoni duke dhuruar dije! 📖✨

PërkujtimSot përkujtojmë me dhimbje dhe respekt 22-vjetorin e një prej ngjarjeve më të rënda që ka prekur fshatin tonë.M...
16/03/2026

Përkujtim

Sot përkujtojmë me dhimbje dhe respekt 22-vjetorin e një prej ngjarjeve më të rënda që ka prekur fshatin tonë.

Me pikëllim të thellë kujtojmë tre ish-nxënësit e shkollës sonë: Egzon Deliu, Avni Veseli dhe Florent Veseli, të cilët humbën jetën tragjikisht në lumin Ibër. Ata u ndoqën mizorisht nga barbarët serbë, duke u detyruar të kërkonin shpëtim në rrjedhën e ftohtë të lumit, ku edhe përfundoi tragjikisht jeta e tyre.

Kjo ngjarje ishte fillimi i “Trazirave të Marsit” të vitit 2004.

Ata ishin fëmijë të kësaj shkolle, pjesë e bankave tona dhe e kujtimeve tona më të mira. Sot i kujtojmë me nderim, duke shprehur respekt për jetën e tyre të ndërprerë shumë herët dhe duke ndarë dhimbjen e pashuar me familjet e tyre.

Kujtimi për ta do të mbetet gjithmonë i gjallë në shkollën tonë dhe në zemrat e të gjithë atyre që i njohën.

Lavdi kujtimit të tyre! 🕊️

Sot shkolla jonë “Osman Rama” mori një pamje krejt tjetër! 🙌Falënderojmë nga zemra ekipin e “Futja Ngjyrë” për punën, pë...
19/02/2026

Sot shkolla jonë “Osman Rama” mori një pamje krejt tjetër! 🙌

Falënderojmë nga zemra ekipin e “Futja Ngjyrë” për punën, përkushtimin dhe talentin që sollën në ambientet tona përmes këtij murali të mrekullueshëm. Me ngjyrat dhe mesazhin e bukur, ata jo vetëm zbukuruan muret e shkollës, por edhe frymëzuan nxënësit tanë çdo ditë që të ëndërrojnë, të mësojnë dhe të bashkëpunojnë.

Ky mural do të mbetet një kujtim i veçantë dhe një motivim i përhershëm për të gjithë komunitetin tonë shkollor.

Po ashtu faleminderit edhe nxënësve tanë që ndihmuan gjatë punës dhe u bënë pjesë e këtij aktiviteti.

Tani ambientet tona janë më të bukura për të gjithë 😊

Address

Çabër
Zubin Potok
40650

Website

Alerts

Be the first to know and let us send you an email when Shfmu "Osman Rama" Çabër posts news and promotions. Your email address will not be used for any other purpose, and you can unsubscribe at any time.

Shortcuts

Share

Category