SHFMU " L I R I A " Strofc - Vushtrri

🌈 Gëzuar 1 Qershorin – Ditën Ndërkombëtare të Fëmijëve! 🎈

Vogëlushë të dashur, buzëqeshjet tuaja e bëjnë çdo ditë më të bukur. Ju jeni drita, gëzimi dhe e ardhmja e botës sonë. ❤️✨

Ju urojmë një fëmijëri të lumtur, plot dashuri, lojëra, buzëqeshje dhe ëndrra të mëdha. Qofshi gjithmonë të shëndetshëm, të lumtur dhe të suksesshëm në çdo hap të jetës suaj! 🌈👧👦🎉💖

Vizitë edukative në Kuvendin e Republikës së Kosovës

Nxënësit tanë patën kënaqësinë të marrin pjesë në Programin për Edukim Qytetar “Punëtoritë për Demokraci”, të organizuar në Kuvendin e Republikës së Kosovës.

Gjatë kësaj vizite dhe punëtorie edukative, nxënësit u njohën më nga afër me rolin, funksionimin dhe kompetencat e Kuvendit, procesin e vendimmarrjes, demokracinë parlamentare, qytetarinë aktive, si dhe rëndësinë e pjesëmarrjes qytetare në shoqëri.

Po ashtu, ata patën mundësinë të vizitojnë ambientet e Kuvendit, përfshirë sallën e seancave plenare dhe hapësira të tjera institucionale, duke përjetuar nga afër funksionimin e një institucioni të rëndësishëm të shtetit tonë.

Falënderojmë Kuvendin e Republikës së Kosovës veqanërisht z. Arianit B. Behrami për organizimin dhe mikpritjen, si dhe nxënësit tanë për përfaqësimin dinjitoz dhe interesimin e treguar gjatë kësaj përvoje të vlefshme edukative.

Vendi i III-të në Olimpiadën e Dytë të Përbashkët të Gjuhës Shqipe në mesin e nxënësve më të mirë shqiptarë

Një sukses që na bën krenarë të gjithëve!

Nxënësja e shkollës sonë, Rrezarta Aliu, në Olimpiadën e Dytë të Përbashkët të Gjuhës Shqipe, të organizuar nga Republika e Kosovës dhe Republika e Shqipërisë, ka arritur të fitojë vendin e tretë në mesin e nxënësve më të dalluar shqiptarë.

Një vlerësim të veçantë meriton edhe nxënësi Adnit Saraçi, i cili pati paraqitje të shkëlqyer gjatë gjithë olimpiadës, duke arritur deri në finale dhe duke dëshmuar nivel të lartë të dijes dhe përgatitjes edhe në fazën finale të garës.

Këto rezultate janë dëshmi e punës, përkushtimit dhe seriozitetit që po tregojnë nxënësit dhe mësimdhënësit e shkollës sonë në garat më të rëndësishme arsimore.

Urime të përzemërta për nxënësit tanë për këto arritje që na bënë krenarë të gjithëve, si dhe mirënjohje të veçantë për arsimtaren Makfire Hyseni për angazhimin dhe mbështetjen e vazhdueshme.

Suksese të tilla janë motivim dhe krenari për gjithë shkollën tonë.

Një tjetër sukses për shkollën tonë!

Nxënësit tanë kanë siguruar pjesëmarrjen në fazën finale të Olimpiada e Gjuhës Shqipe, pasi u renditën të parët nga Komuna e Vushtrrisë në fazën e tretë në nivel vendi.

Në finale do të garojnë nxënësit më të mirë nga Kosova dhe Shqipëria. Krenarë me nxënësit Rrezarta Aliu dhe Adnit Saraçi si dhe mësimdhënësit tanë për këtë arritje të jashtëzakonshme!

Suksese në finale!

Me shumë kënaqësi dhe krenari ju njoftojmë se shkolla jonë ka kaluar me sukses fazën e parë të garave.
Nxënësit tanë treguan përkushtim, disiplinë dhe punë serioze, duke e përfaqësuar shkollën në mënyrën më të mirë të mundshme. Meritë për këtë sukses kanë edhe mësimdhënësit mentorë që kanë punuar vazhdimisht me nxënësit gjatë përgatitjeve.
I falënderoj të gjithë për angazhimin dhe seriozitetin e treguar.
Nesër na pret faza finale, ndaj uroj që me të njëjtin vullnet, qetësi dhe përkushtim të vazhdojmë edhe një hap më tutje. Suksese nxënësve tanë!

Me shumë krenari ndajmë suksesin tonë në garat e robotikës në nivel vendi, të organizuara nga Kosova Makers League 🤖🇽🇰
Së bashku me nxënësit e klasës së 5-të, ekipi ynë “Inovatorët” të udhëhequr nga mësuesja Anita Pushkolli ka treguar përkushtim, kreativitet dhe punë të shkëlqyer ekipore gjatë gjithë garës. Në tri raunde kemi arritur maksimumin e pikëve, duke dëshmuar se puna dhe vullneti gjithmonë shpërblehen 💯👏
Ky është vetëm një hap drejt qëllimit tonë… sepse tani na pret finalja! 🎯
Fat dhe suksese të mëtejshme për “Inovatorët”! 💪✨

🏆 Sukses i radhës për shkollën tonë! 🏆

Me krenari ju njoftojmë se, bazuar në rezultatet e arritura në Olimpiadën Komunale të Gjuhës Shqipe, ku në nivel komunal nxënësit tanë shënuan sukses të jashtëzakonshëm, Rrezarta Aliu, e cila zuri vendin e parë me 46 pikë, dhe Adnit Saraçi, i cili zuri vendin e katërt me 38.5 pikë, kanë siguruar kualifikimin për të përfaqësuar shkollën tonë, SHFMU Liria, në Olimpiadën e Gjuhës Shqipe në nivel shtetëror. 🇽🇰
Ky sukses është rezultat i punës së palodhshme, përkushtimit dhe talentit të nxënësve tanë, si dhe i mbështetjes së vazhdueshme nga mësimdhënësja Makfire Berbatovci Hyseni.

Urime Rrezartës dhe Adnitit!

Ju dëshirojmë shumë suksese dhe rezultate sa më të larta edhe në nivel shtetëror! 👏

Dita Ndërkombëtare e Poezisë

Në kuadër të 21 Marsit – Ditës Ndërkombëtare të Poezisë, në shkollën tonë u organizuan aktivitete që promovojnë leximin dhe krijimtarinë letrare.

Arsimtarja e gjuhës shqipe Makfire Berbatovci Hyseni organizoi garën e poezisë, ku nxënësit shfaqën talentin dhe kreativitetin e tyre përmes vargjeve. Në bashkëpunim me mësimdhënësit e tjerë, u përzgjodhën tri poezitë më të mira dhe nxënësit fitues u shpërblyen me mirënjohje:

🥇 Vendin e parë e zuri Sumea Aliu
🥈 Vendin e dytë e zuri Leonita Klinaku
🥉 Vendin e tretë e zuri Elmedina Hasani

Po ashtu, u realizua edhe një prezantim kushtuar Ditës Ndërkombëtare të Librit, duke theksuar rëndësinë e leximit dhe librave në formimin e nxënësve.

Në kuadër të 22 Marsit – Ditës Ndërkombëtare të Ujit, në shkollën tonë u organizua një aktivitet me rëndësi të veçantë për ndërgjegjësimin mbi rolin jetik të ujit dhe përdorimin e tij të përgjegjshëm.

Nxënëset Adriana Krasniqi, Anisa Klinaku dhe Donesa Duraku, të udhëhequra nga arsimtaret Albana Gashi dhe Arta M. Ferizi, realizuan një prezantim domethënës për rëndësinë e ujit në jetën e njeriut dhe nevojën për ruajtjen e tij.

Përmes këtij aktiviteti, nxënësit patën mundësi të reflektojnë mbi përgjegjësinë që kemi të gjithë ndaj këtij burimi jetik.