SHFMU "Hajrullah Shala" -Akrashticë - Vushtrri

Sot është 5 tetori -Dita Ndërkombëtare e Mësuesit!

Profesioni i mësuesit nderohet kudo nëpër botë dhe kjo mund të bëhet në çfarëdo date, mirëpo në kalendarin e UNESCO-s, 5 tetori është Dita Ndërkombëtare e Mësuesit.

Me rastin e kësaj dite, urime për të gjithë mësuesit e shkollës së Akrashticës, Komunës së Vushtrrisë dhe mbarë Kosovës.

Me respekt, Hajdin Islami

Pandemia edhe sivjet po na pengon që t'i përjetojmë në fillim të çdo shtatori këto momente me nxënësit tanë👨‍🏫🏃‍♀️🏃‍♂️.

Shpresojmë në rikthim dhe normalitet sa më të shpejtë në shkollat tona.

Me respekt, Hajdin Islami

Çdo fillim e ka fundin!
Personel i shkollës, shumë të nderuar prindër dhe ju nxënës të shkollës "Hajrullah Shala" në Akrashticë të Komunës së Vushtrrisë.
Jam shumë i lumtur që për gjithë këto vite punuam së bashku për ta shndërruar këtë institucion në shkollë KAMPIONE.
Çdo iniciativë që kemi nisur së bashku e kemi përfunduar me sukses.
Jam shumë i gëzuar që pas gjithë këtyre viteve si drejtor i kësaj shkolle, po e lë këtë institucion arsimor të shndërruar në SHKOLLË KAMPIONE.
Sigurisht që nuk e gjeta të tillë, së bashku e bëmë, pasi kishim vizion e mision.
U jam shumë mirënjohës secilit nga ju pa dallim.
Që nga dita e parë në fillim kur e nisa punën si drejtor, kjo shkollë ishte sikur shtëpia ime, ju ish*t sikur anëtarë të familjes sime.
Suksesi i shkollës është meritë e çdonjërit nga ju. Jam i kënaqur që pritjet e mia për të arriturat e kësaj shkolle janë tejkaluar.
Po ju njoftoj të gjithëve se unë me dëshirën time më nuk mund të vazhdoj që të jem në pozitën e drejtorit.
Sukseset e shkollës, të cilën e udhëhoqa janë të mëdha, prandaj po i përmend vetëm disa, e nisëm pothuajse nga zero, por arritëm me punë aty ku deshëm:
□Shtuam pasurinë e shkollës në inventar
□Emërtuam shkollën
□ Formuam Këshillin Drejtues të Shkollës (KDSh)
□ Blemë librat e parë Amë për Nxënës e Mësimdhënës si dhe Librat e Protokolit
□ Punuam vulat e shkollës
□Themeluam kabinetin e Teknologjisë
□ Botuam librin e parë të nxënësve të shkollës me poezi të financuar nga Banka Botërore
□Formuam Bibliotekën
□U pajisëm me mjete të konkretizimit në Matematikë, Biologji e Gjeografi të fituara nga Granti i Bankës Botërore
□U pajisëm me zërim për aktivitete kulturore muzikore
□Morëm pjesë në qindra gara komunale dhe republikane
□Organizuam shumë aktivitete të diturisë
□Fituam grante nga Banka Botërore
□E bëmë secilën klasë me dollapë për nxënës
□Vendosëm dollapë për mësimdhënës
□U rregullua komplet klasa për Parafillor
□U vendosëm në të gjitha klasat tabela lëvizëse
□ Blemë gjenerator dhe kosë me benzinë për bari
□ Vendosëm vazo betoni për lule
□ Mbollëm lule, drunj dekorativ e trëndafila
□ U vendosën kamerat e sigurisë
□ Shkolla jonë u nderua me çmimin "Shkollë mike për nxënës"
□ Fituam dhjetëra mirënjohje me nxënës
□ Çdo vit shkollor ndamë mirënjohje për nxënësit e dalluar
□ U trajnuan mësimdhënësit për Teknologji dhe Gjithëpërfshirje nga granti i Bankës Botërore
□Organizuam ekskursion nëpër Kosovë falas për të gjithë nxënësit e dalluar të shkollës të financuar nga Banka Botërore
□Formuam revistën e shkollës "Mësuesi im" si buletin informativ për aktivietetet shkollore
□ U realizuan reportazhe për shkollën nga revista e KFOR-it si dhe disa radio e televizione të tjera vendore
□ U mbyll gropa septike dhe shkolla u kyç në rrjetin e kanalizimit
□ U mirëmbajtën nyjet sanitare të shkollës
□ U mirëmbajt në vazhdimësi me lyerje shkolla
□ I pajisëm me inventar të ri tri klasa
□ Fituam në garat e USAID-it për renovimin e klasave
□ U organizuan punëtori për demokraci falas për nxënës të disa klasave në Prishtinë
□ Zumë vendin e Parë në Kosovë për Ese
□ Zumë vendim e Parë në Komunë për Vizatim
□ Zumë vendin e Parë në Hendboll
□ I trajnuam të gjithë nxënësit për përdorim të kompjuterit.
Me shumë respekt, Hajdin Islami

Sot më 28.06.2021 me një program të pasur kulturo -artistik, nxënësit e klasës së Parafillorëve me edukatoren Sala Hajrizi organizuan festën e tyre.

Sivjet këta fëmijë e nisin klasën e parë.

Jam i lumtur për çdo të arritur të tyre, sukseset e tyre janë edhe sukseset e punës sonë.

Me respekt, Hajdin Islami, drejtor i shkollës

Sot më 24.06.2021 filluam shpërndarjen e mirënjohjeve me nga një dhuratë modeste📃🖊 për të gjithë nxënësit e dalluar në mësime e sjellje shembullore gjatë këtij viti shkollor 2020-2021.

Sot më 22.06.2021 shkolla jonë u nderua me çmimin "Shkollë me mjedis miqësor jo abuzues për fëmijë".

Jam i lumtur për këtë dhe çdo sukses tjerë që po shënon kjo vatër e diturisë.

Me respekt, Hajdin Islami, drejtor i shkollës

Sot më 22.06.2021 u mbajt testi i IPK-së për klasën e dytë dhe shtatë. Jam i lumtur për rezultatet dhe sukseset e vazhdueshme të këtyre dhe të tjerëve nxënës.

Sot më 21.06.2021 nxënësit e klasës së nëntë (IX) e përfunduan vitin shkollor 2020-2021 si dhe Shkollën e Mesme të Ulët.

Si drejtor i shkollës isha me fat dhe i nderuar që patën nxënës aq punëtorë në mësime e të edukuar.
■ ■ ■
Në vazhdin po ju paraqes letrën -mesazhin përshëndetës që këta nxënës i dërguan Kolektivit të shkollës:

Përshëndetje!

I nderuari drejtor e ju të nderuar arsimtarë. Me këtë mesazh në emër të klasës deshëm që të ju falenderojmë për çdo gjë, me të vërtetë për ne ishte shumë kënaqësi të punojmë nëntë vite rresht me ju.

Kemi pasur e vazhdojmë të kemi nderin që njohëm dikë si ju e që me të vërtetë e krijuat këtë kapitull jetësor në mënyrën më të mirë të mundshme. Falë jush ne jemi ku jemi sot dimë të shkruajmë, lexojmë, llogarisim e jemi të përgatitur për jetën.

Vetëm kur e krahasojmë dijen që kemi pasur para nëntë vitesh e atë që kemi tash e shohim qartazi rëndësinë tuaj.

Falemnderues dhe mirënjohës përjetë!

Shëndet e shumë mbarësi!

Me shumë respekt, Klasa IX

Të premten më 11.06.2021 u bë testimi për prani të virusit Covid -19🦠 me RT-PCR i 47 nxënësve🙎‍♂️🙎‍♀️ dhe personelit të shkollës sonë👨‍🏫👩‍🏫 nga ana e Qendrës Rajonale të Shëndetit Publik në Mitrovicë.

I gjithë personeli i shkollës dhe nxënësit e testuar dje për Covid-19 kemi rezultuar Negativ🔬.

Jam i lumtur që si drejtor shkolle kemi arritur që të gjithë së bashku gjatë kësaj kohe ta menaxhojmë si është më së miri situatën me pandeminë në shkollën tonë.

Duhet të jemi edhe më tutje të kujdesshëm pasi ende virusi është prezent në mesin tonë.

Së bashku për shëndet të mirë!

Me respekt, Hajdin Islami, drejtor i shkollës

Sot më 11.06.2021 u bë testimi për prani të virusit Covid -19🦠 me RT-PCR i 47 nxënësve🙎‍♂️🙎‍♀️ dhe personelit të shkollës sonë👨‍🏫👩‍🏫 nga ana e Qendrës Rajonale të Shëndetit Publik në Mitrovicë.