Qendra për mësimin e Kuranit - KBI Vushtrri

KBI-Vushtrri shpall garat Kuranore për vitin 2025.

Ftohen garuesit nga rajoni i Vushtrrisë që të përgatiten për këto gara, të cilat do të mbahen në muajin Ramazan.

Për pjesëmarrësit dhe fituesit janë përgatitur dhurata dhe shpërblime të vlefshme.
Ju dëshirojmë suksese!

Aktivitetet kryesore gjate vitit te kaluar.

Malik Kera - nxënësi i vitit!

Maliku i ka mësuar 3 xhuza brenda vitit 2025, është regjistruar para 1 viti saktësisht, dhe gjatë këtij viti i ka mësuar këta xhuza pa pasur njohuri të mëparshme!
Poashtu ishte fitues ne garat e Kuranit në Ramazan per 1 xhuz!

Urime për Maliku, i dëshirojmë suksese edhe me të shumta, Allahu e bëftë hafiz atë dhe gjithë të tjerët!

Këtë fundjavë përmbyllëm aktivitetin e verës - mësimi intenziv i grupit të avancuar.

Me këtë grup mësimi është mbajtur 6 herë në javë, ku brenda një muaji e gjysmë është synuar të memorizohet një xhuz i ri për secilin.

Nxënësi më i suksesshëm ishte Malik Kera, i cili arriti të përfundoj me sukses këtë rrugëtim të shkurtër kohor, por me rezultat të shkëlqyeshëm.

Poashtu edhe nxënësit tjerë treguan sukses të lartë, dhe të gjithë i shpërblyem me një shëtitje në Prizren dhe argëtim të paharruar për ta!

Një nga grupet e mësimit të Kuranit - "Grupi i avancuar i hifzit" ishin për në vizit tek kryetari i KBI-Vushtrri Ejup Haziri dhe kryeimami Basri Zekolli.

Ata u pritën në një ambient të ngrohtë dhe u këshilluan që ta shfrytëzojnë kohën në maksimum dhe të vazhdojnë vijimin e kursit në vazhdimësi.

Nxënësit falënderuan për kontributin që KBI-Vushtrri jep për realizimin e mësimit të hifzit në Vushtrri.

E për fund secili na i freskoi zemrat me recitimet e tyre të bukura dhe të rrjedhshme!

Urime festa e Kurban Bajramit, Zoti ua pranoftë sakrificat tuaja!