02/09/2026
Sot, kuzhinierja jonë, Bukurie Jashari ( Tetja Bike), feston një ditë të veçantë…
Një ditë ku bashkohen ditëlindja e saj dhe pensionimi, pas shumë vitesh përkushtimi, pune dhe dashurie të dhuruar në kopshtin Foleja 1 dhe pastaj edhe në Foleja 2 .
Për vite me radhë, Tetja Bike ushqeu fëmijët tanë me përkushtim, por mbi të gjitha u dhuroi dashuri, ngrohtësi dhe kujdes. E njëjta ngrohtësi u ndje edhe nga i gjithë stafi i institucionit.
Kontributi, mirësia dhe përkushtimi i saj do të mbeten pjesë e kujtimeve të bukura të kopshtit sonë.
Me këtë rast, drejtoresha Selvie Shala i ndau një mirënjohje për punën dhe përkushtimin e saj ndër vite, ndërsa stafi i institucionit organizoi një darkë të veçantë falënderimi, në shenjë respekti dhe vlerësimi për kontributin e saj.
Faleminderit, Tetja Bike, për çdo ditë pune, çdo ushqim të përgatitur me dashuri dhe për gjithë ngrohtësinë që na dhurove ndër vite.
Urime ditëlindjen dhe pensionimin! Të urojmë shëndet, lumturi, qetësi dhe shumë vite të bukura pranë njerëzve të dashur.
Do të mbetesh gjithmonë pjesë e familjes tonë.
