SHFMU "Dom Mikel Tarabulluzi" Stubëll-Viti

11/09/2026

Ishte nder dhe kënaqësi të mirëprisnim sot në shkollën tonë profesorët e Universitetit Publik “Kadri Zeka” në Gjilan, Prof. Emeritus Merxhan Avdyli dhe Prof. Ass. Dr. Habib Rexhepi, të cilët na dhuruan një pako me libra nga botimet e tyre të fundit.
I falënderojmë përzemërsisht për vizitën dhe kontributin e çmuar në pasurimin e bibliotekës sonë.

Me respekt,
Drejtoria e shkollës

10/09/2026

Sot, nxënësit e shkollës “Ahmet Hajdari” nga Begunca vizituan Paralelen e Ndarë Fizike në Letnicë, me ç’rast dhuruan tri pako me materiale shkollore, të grumbulluara paraprakisht nga nxënësit.
Gjatë vizitës, ata u njohën nga afër me bashkëmoshatarët e tyre, ndërsa aktiviteti u zhvillua në një atmosferë të ngrohtë dhe miqësore mes nxënësve.
Falënderojmë nxënësit për këtë nismë, si dhe mësueset për mbështetjen dhe angazhimin në realizimin e saj.

Me respekt,
Drejtoria e shkollës

01/09/2026

Sot, më 1 shtator, në një atmosferë festive dhe me aktivitete të ndryshme, nisi viti i ri shkollor 2026/2027.
Me këtë rast, drejtori i ri i shkollës sonë, Ardian Haziri, u uroi nxënësve një vit të mbarë dhe të suksesshëm, falënderoi drejtoreshën e deritanishme, Hylkije Gjergji, për kontributin e saj, duke i uruar suksese në vazhdimin e punës si mësimdhënëse, si dhe falënderoi prindërit dhe kolegët për bashkëpunimin.
Fjalë rasti mbajtën edhe Mentor Demaj, në emër të mësimdhënësve, dhe nxënësja Leandra Zefi, në emër të nxënësve. Ata uruan nxënësit për vitin e ri shkollor, falënderuan Hylkije Gjergjin për kontributin e saj dhe i uruan drejtorit të ri suksese në detyrë.

Mbarësi dhe suksese në vitin e ri shkollor!

Me respekt,
Drejtoria e shkollës

31/08/2026

NJOFTIM

Të nderuar prindër, të dashur nxënës,

Ju njoftojmë se viti i ri shkollor 2026/2027 fillon nesër, më 1 shtator 2026.
Me këtë rast, të gjithë nxënësve dhe mësimdhënësve u urojmë një vit të mbarë, të suksesshëm dhe të mbushur me arritje.
Mirë se vini dhe suksese në vitin e ri shkollor!

Me respekt,
Drejtoria e shkollës

12/08/2026

NJOFTIM

Njoftohen të gjithë prindërit që ende nuk kanë aplikuar për subvencionimin e teksteve dhe materialeve shkollore se afati i fundit për aplikim është 14 gusht 2026.

Ju lutemi që aplikimin ta përfundoni brenda afatit të përcaktuar përmes platformës eKosova.

27/07/2026

NJOFTIM PËR PRINDËRIT

Hapet aplikimi për subvencionimin e teksteve dhe materialeve shkollore për nxënësit e klasave 1–9.

Afati i aplikimit: 27 korrik – 9 gusht 2026

Aplikimi bëhet përmes platformës eKosova. Mjetet financiare transferohen drejtpërdrejt në xhirollogarinë bankare të prindit/aplikuesit.

Lidhjet për aplikim:

Klasat 1–5: https://rks-gov.net/469
Klasat 6–9: https://rks-gov.net/471

Para aplikimit, sigurohuni që xhirollogaria bankare dhe të dhënat në eKosova janë të sakta dhe të përditësuara.

Për paqartësi:
[email protected]
Tel: +383 (0) 38 200 65 049

Ju urojmë nxënësve një vit të mbarë shkollor dhe shumë suksese!

24/06/2026

NJOFTIM PËR TESTIN E ARRITSHMËRISË

Njoftohen nxënësit e shkollës sonë se Testi i Arritshmërisë do të mbahet të premten, më 26 qershor 2026, duke filluar nga ora 09:00.

Testi do të zhvillohet në SHFMU “Dëshmorët e Vitisë” në Viti.

Nxënësit tanë janë të sistemuar në këto salla:

* Salla 2 – A***n Ukaj
* Salla 3 – Gabriel Munishi
* Salla 4 – Gabriela Stepani
* Salla 5 – Leona Dema
* Salla 6 – Rinora Demaj
* Salla 7 – Shaip Jashari

Luten nxënësit që me vete të marrin një shishe ujë dhe një laps të llojit HB.

Nxënësve tanë u urojmë suksese në Testin e Arritshmërisë dhe në vazhdimin e shkollimit të mesëm të lartë!

19/06/2026