Kopshti I Fëmijëve "Gëzimi Ynë"

17/09/2026

Mirë se u rikthyem në kopsht!
Me shumë dashuri, buzëqeshje dhe momente të bukura në kopshtin “Gëzimi Ynë”

01/09/2026

Gëzuar 1 Shtatorin dhe fillimin e vitit të ri në çerdhe!

Sot hapim me gëzim dyert e një viti të ri, plot buzëqeshje, përqafime, dashuri dhe momente të paharrueshme. Le të jetë ky fillim një festë e bukur për të gjithë fëmijët, prindërit, edukatoret dhe stafin e Çerdhes “Gëzimi Ynë”!

Të dashur fëmijë, ju jeni gëzimi, drita dhe zemra e çerdhes sonë. Uroj që çdo ditë e këtij viti të ri të jetë për ju një aventurë e bukur, e mbushur me lojëra, miqësi të reja, zbulime, të qeshura dhe shumë përqafime. Qofshi gjithmonë të lumtur, të dashur dhe të sigurt!

Të dashura edukatore dhe staf, ju falënderoj nga zemra për përkushtimin, durimin dhe dashurinë që i dhuroni çdo fëmije. Me punën tuaj të palodhur, ju krijoni çdo ditë kujtime të bukura dhe hidhni themelet e para të rritjes e të zhvillimit të të vegjëlve tanë.

Të dashur prindër, ju falënderoj për besimin, mbështetjen dhe bashkëpunimin tuaj. Së bashku do të ndërtojmë një mjedis të ngrohtë, të sigurt dhe plot dashuri, ku fëmijët do të rriten, do të mësojnë, do të zbulojnë botën dhe do të buzëqeshin çdo ditë.

Le ta nisim këtë vit të ri me zemra plot shpresë, entuziazëm dhe dashuri! Uroj që ai të jetë i mbushur me gëzim, përqafime, suksese të vogla e të mëdha dhe shumë momente të paharrueshme!

Gëzuar 1 Shtatorin dhe një vit të ri të mbarë në çerdhe!

Me shumë dashuri,
Drejtoresha e Çerdhes “Gëzimi Ynë”

22/07/2026

SHENJË FALËNDERIMI

Institucioni Parashkollor “Gëzimi Ynë” shpreh mirënjohjen dhe falënderimin më të sinqertë për z. Idriz Quni, Kryetar i OVL-UÇK-së – Dega në Viti, për vizitën e realizuar në institucionin tonë.

Prania juaj, fjalët frymëzuese dhe dhuratat simbolike për fëmijët ishin një nder dhe një gëzim i veçantë për të gjithë ne. Vlerësojmë përkushtimin tuaj në përcjelljen e vlerave të lirisë, sakrificës dhe historisë sonë tek brezat e rinj.

Ju falënderojmë për bashkëpunimin, respektin dhe mbështetjen, duke ju uruar shëndet, suksese dhe mbarësi në angazhimet tuaja.

Me respekt,

Drejtoresha
Mirlinda Zuka
Institucioni Parashkollor “Gëzimi Ynë”, Viti

02/07/2026

NJOFTIM

Të nderuar prindër,

Ju njoftojmë se është hapur konkursi për pranimin e fëmijëve në institucionin tonë parashkollor për vitin edukativo-arsimor 2026–2027.

Ftohen të gjithë prindërit e interesuar që të aplikojnë brenda afatit të përcaktuar, duke dorëzuar dokumentacionin e nevojshëm sipas kritereve të konkursit.

Mirë se vini!

01/06/2026

01/06/2026

Të nderuar prindër,

Me rastin e 1 Qershorit – Ditës Ndërkombëtare të Fëmijëve, në çerdhen tonë Gëzimi Ynë organizuam një sërë aktivitetesh festive dhe argëtuese për fëmijët tanë.

Kjo ditë u shoqërua me lojëra, muzikë, vallëzim, aktivitete kreative dhe shumë buzëqeshje, duke krijuar kujtime të bukura për secilin fëmijë. Qëllimi ynë ishte që fëmijët ta ndiejnë këtë festë me gëzim, dashuri dhe atmosferë sa më të ngrohtë.

Falënderojmë stafin për përkushtimin dhe ju prindërve për bashkëpunimin dhe besimin e vazhdueshëm.

Fëmijët janë lumturia dhe e ardhmja jonë më e bukur

01/06/2026

Gr.2-4
Aktiviteti -Ëndrra të mëdha duar të vogla

29/05/2026

Gr.5-6
Parapërgatitje për festën e 1 Qershorit

26/05/2026

Gr.5-6

Aktiviteti Festa e Kurban Bajramit

26/05/2026

Gr.3-4

Aktivitet për nderë të Festës së Kurban Bajramit🐏🐏🐏🐏