IAAP Skënder Luarasi

Maturantët e IAAP “Skënder Luarasi” përmbyllën ekskursionin në Shqipëri, duke sjellë me vete shumë kujtime, momente të bukura dhe përjetime që do t’i mbajnë mend gjatë. 🇦🇱

Për pesë ditë, udhëtimi u kthye në një eksperiencë të veçantë mes shoqërisë, argëtimit dhe vendeve interesante që patën mundësi t’i vizitojnë bashkë.

Falënderojmë profesorët për kujdesin dhe nxënësit për sjelljen dhe atmosferën e mirë gjatë gjithë ekskursionit, si dhe komoditetin e ofruar nga kompania turistike Shpejtimi.

Këto janë kujtime që mbeten pjesë e historisë së maturës dhe një fund i bukur i viteve shkollore.

Me maturantët e gjeneratës së 32-të, realizuam një vizitë edukative dhe kulturore, duke eksploruar vende me rëndësi historike, akademike dhe shoqërore.

Me shumë kënaqësi njoftojmë se nxënësja jonë, Olinda Asllanaj nga klasa XII-1 (Teknik i Sistemeve të TIK-ut), është njëra ndër 7 vajzat e përzgjedhura të IAAP-ve në nivel vendi, e cila po merr pjesë në një vizitë studimore në Stokholm, Suedi. 🇸🇪

Ky aktivitet realizohet në kuadër të projektit “Shkathtësitë për punësim të qëndrueshëm në Kosovë”, që synon fuqizimin e vajzave në arsimin dhe aftësimin profesional.

Si shkollë, jemi shumë krenarë për këtë arritje dhe i urojmë suksese të mëtejshme! 🌟

Në shkollën tonë është mbajtur Kuizi i Diturisë për klasat e X-ta.

Klasa X6 – Arkitekturë është shpallur fituese e Kuizit të Diturisë, në finalen e mbajtur kundër klasave X1 – Teknik i Informatikës së Biznesit dhe X11 – Dizajn i tekstilit dhe veshjeve.

Përgëzojmë nxënësit për paraqitjen dinjitoze, përgatitjen dhe bashkëpunimin e treguar gjatë gjithë garës.

Faleminderit komisionit organizator dhe të gjithë kontribuesve në realizimin e këtij aktiviteti.

Mjedisi ku ne jetojmë është shumë i rëndësishëm për ne dhe shëndetin tonë!
Për nder të Ditës së Tokës, nxënësit tanë sot pastruan zonën e komunës së Suharekës nga fshati Duhël deri në qytetin tonë. Ata sot u zotuan për mbajtjen e pastërtisë dhe kujdesin ndaj natyrës!

Sot, më 22.04.2026, në IAAP “Skënder Luarasi" u zhvillua promovimi i Universitetit “Ukshin Hoti”, i udhëhequr nga Ass. Milot Krasniqi.

Në këtë aktivitet, maturantët e institucionit tonë patën mundësinë të informohen më gjerësisht lidhur me historikun e universitetit, programet studimore që ofrohen, mundësitë për bursa të shumta, si dhe mënyrën e aplikimit dhe kriteret që duhen të plotësohen për regjistrim. Gjithashtu, u theksua rëndësia e angazhimit në aktivitete kurrikulare dhe jashtëkurrikulare gjatë studimeve.

Në emër të IAAP “Skënder Luarasi”, shprehim falënderim të veçantë për përfaqësuesin e Universitetit “Ukshin Hoti” për prezantimin profesional, si dhe për kontributin e dhënë në orientimin akademik të maturantëve tanë.

🏆 KAMPIONË REGJIONALË! 🏐

Ekipi ynë i volejbollit (djemtë) ka arritur një sukses të madh duke u shpallur kampion regjional!

Pas një serie paraqitjesh të shkëlqyera, nxënësit tanë dëshmuan edhe një herë talentin, përkushtimin dhe shpirtin garues.

Falënderojmë të gjithë mësimdhënësit e aktivit të Edukatës Fizike për angazhimin dhe mbështetjen e vazhdueshme në këtë sukses të merituar.

Urime kampionë, krenari për shkollën tonë!