Shfmu "Sadri Duhla" - Duhël

🎓 Urime Semimatura 2026! 🎓

Sot, me shumë krenari dhe emocion, përcjellim gjeneratën e semimaturantëve që po përmbyll një kapitull të rëndësishëm të jetës së tyre shkollore.

Në emër të Drejtorisë së shkollës, kujdestarëve të klasave dhe të gjithë mësimdhënësve, ju falënderojmë për punën, përkushtimin dhe respektin që keni treguar gjatë këtyre viteve. Ishte kënaqësi dhe privilegj t’ju shoqërojmë në rrugëtimin tuaj drejt dijes dhe formimit tuaj si të rinj e të reja.

Një falënderim i veçantë shkon për prindërit, të cilët kanë qenë mbështetës të vazhdueshëm në edukimin dhe suksesin e fëmijëve të tyre, si dhe për stafin e shkollës për angazhimin e palodhshëm gjatë gjithë këtyre viteve.

Të dashur nxënës, ju urojmë shumë suksese në rrugëtimin e mëtejmë arsimor dhe jetësor. Ruani kujtimet më të bukura nga shkolla jonë dhe vazhdoni të ndiqni ëndrrat tuaja me guxim, vullnet dhe përkushtim.

Urime përfundimi i semimaturës dhe suksese në çdo hap të së ardhmes suaj!

Me respekt,

Drejtoria e Shkollës,
Kujdestarët e Klasave dhe Mësimdhënësit

Shkolla jonë ndihet krenare për ish-nxënësin tonë, Festlind Griashta, futbollist i Kombëtares së Kosovës dhe i FC Ballkanit.

Sot, Festlindi është pjesë e ekipit të Ballkanit nga Suhareka dhe njëkohësisht përfaqëson me dinjitet Kombëtaren e Kosovës. Ai konsiderohet ndër talentet më të mëdha dhe më premtuese të futbollit në vendin tonë.

Të urojmë shëndet, suksese dhe shumë arritje të tjera në karrierën tënde sportive. Shkolla jonë është krenare me ty!

Urime Festlind Griashta, ylli ynë në ngjitje! 🏆

📚🎉 Festa e Abetares 🎉📚

Sot, në shkollën tonë, nxënësit e klasës së parë, nën udhëheqjen e mësueses Zarife S**a, shënuan me gëzim dhe krenari Festën e Abetares.

Me recitime, këngë dhe aktivitete të ndryshme, ata treguan njohuritë e fituara gjatë këtij viti shkollor, duke dëshmuar se tashmë kanë hedhur një hap të rëndësishëm në botën e dijes.

Urime të gjithë nxënësve për këtë sukses të veçantë, prindërve për mbështetjen e vazhdueshme dhe mësueses Zarife për përkushtimin dhe punën e palodhshme.

Ju dëshirojmë shumë suksese në rrugëtimin tuaj drejt dijes! 🌟📖

Sot, në kuadër të aktiviteteve edukativo-arsimore, fëmijët e parashkollorëve së bashku me edukatorën Donjeta Aliaj dhe asistentën Vlora Rrafshi zhvilluan një vizitë në ambientet e shkollës. Fillimisht, ata u pritën dhe vizituan drejtorin e shkollës dhe koordinatorin e cilësisë, me të cilët biseduan dhe u njohën më nga afër me jetën shkollore.

Më pas, ata patën mundësinë të vizitojnë kabinetin e informatikës, kabinetin e biologjisë, kabinetin e muzikës, si dhe bibliotekën e shkollës.

Fëmijët treguan kureshtje dhe interes të madh gjatë vizitës, duke bërë pyetje dhe duke u njohur me mjetet, materialet dhe aktivitetet që zhvillohen në këto ambiente. Kjo vizitë përbën një përvojë të vlefshme edukative, e cila ndihmon në zgjerimin e njohurive të tyre dhe në njohjen më të mirë me mjedisin shkollor, duke lehtësuar përgatitjen e tyre për fillimin .

Faleminderit kompanisë Frutex për mikpritjen dhe mundësinë që ua ofruat nxënësve tanë për të parë nga afër procesin e prodhimit dhe funksionimin e një kompanie të suksesshme vendore. Kjo vizitë ishte një përvojë e vlefshme edukative që do t’u shërbejë nxënësve në zgjerimin e njohurive dhe orientimin e tyre profesional. Mirënjohje për stafin e Frutex për përkushtimin dhe pritjen e ngrohtë! 👏👏📚🏭

🎈 Aktivitet për Ditën Ndërkombëtare të Fëmijëve 1 Qershori 🎈

Me rastin e 1 Qershorit Ditës Ndërkombëtare të Fëmijëve, në shkollën tonë u organizuan aktivitete të ndryshme argëtuese dhe edukative me pjesëmarrjen e nxënësve tanë. Aktivitetet u realizuan nga psikologia e shkollës, asistentja dhe mësimdhënësit, të cilët kontribuuan në krijimin e një atmosfere të ngrohtë, festive dhe plot buzëqeshje për fëmijët.

Përmes lojërave, aktiviteteve kreative dhe bashkëpunimit, nxënësit patën mundësinë të shprehin talentet, emocionet dhe gëzimin e tyre në këtë ditë të veçantë.

Drejtori i shkollës, Hamdi Rrafshi, shpreh falënderimin e tij të sinqertë për të gjithë mësimdhënësit dhe të gjithë nxënësit për angazhimin dhe pjesëmarrjen aktive në realizimin e këtij aktiviteti.

Gëzuar 1 Qershorin – Ditën e Fëmijëve! 🎉👧👦

Vizitë e organizuar nga klasat e pesta në Observatoriumi dhe Planetariumi i Kosovës!