Gjimnazi "Jeta e Re" - Suharekë

16/08/2026

📢 NJOFTIM

Nga nesër fillon afati i dytë i regjistrimit të nxënësve në klasën e dhjetë në Gjimnazin “Jeta e re” – Suharekë.

🏫 Të dashur nxënës, ju mirëpresim! Ju urojmë suksese në rrugëtimin tuaj të ri shkollor! 📚✨

22/07/2026

Ushtruesi i detyrës së zëvëndësdrejtorit z. Sedat Gashi në Gjimnazin “Jeta e re”, pasi përfundoi me sukses të gjitha procedurat ligjore, pranoi zyrtarisht detyrën Zëvendësdrejtor nga Drejtori i Drejtorisë Komunale të Arsimit, z. Remzi Bajselmani.

Me këtë rast, falënderon të gjithë akterët për besimin e dhënë, si dhe stafin, nxënësit dhe prindërit për bashkëpunimin dhe mbështetjen e deritanishme. Me përkushtim dhe përgjegjësi, synon që edhe gjatë mandatit katërvjeçar të vazhdoj puna e përbashkët në funksion të arritjes së sukseseve të reja dhe avancimit të këtij institucioni arsimor.

21/07/2026

Pas mbi 40 vitesh pune dhe përkushtimi në arsim, profesori i Edukatës Fizike, Fadil Berisha, u pensionua, duke përmbyllur një kapitull të rëndësishëm të jetës së tij profesionale.

Në emër të Drejtorisë, mësimdhënësve dhe nxënësve të shkollës, e falënderojmë për kontributin e dhënë ndër vite në edukimin e shumë brezave. I urojmë shëndet, mbarësi dhe shumë gëzime në këtë etapë të re të jetës.

Faleminderit, profesor Fadil Berisha, për gjithçka që i keni dhënë arsimit dhe shkollës tonë.

07/07/2026

Filloi aplikimi për regjistrim në klasat e dhjeta në Gjimnazin “Jeta e re”

Sot, në Gjimnazin “Jeta e re”, ka nisur procesi i aplikimit për regjistrimin e nxënësve në klasat e dhjeta për vitin shkollor 2026/2027. Dita e parë u karakterizua me një interesim të kënaqshëm nga semimaturantët, gjë që na gëzon dhe na motivon për të vazhduar me të njëjtin përkushtim.

Aplikimi vazhdon edhe më 8 dhe 9 korrik 2026, ndaj ftojmë të gjithë semimaturantët që ende nuk kanë aplikuar ta shfrytëzojnë të drejtën e tyre për regjistrim brenda afatit të paraparë.

Ju mirëpresim në Gjimnazin “Jeta e re”, shkollën e dijes, suksesit dhe mundësive për të ardhmen! Mirë se vini!

06/07/2026

📢 NJOFTIM PËR REGJISTRIMIN E NXËNËSVE NË KLASËN E X-TË

Të nderuar nxënës dhe prindër,

Ju njoftojmë se më 07, 08 dhe 09 korrik 2026, në ambientet e Gjimnazit “Jeta e re” – Suharekë, do të filloj regjistrimi i nxënësve në klasën e X-të për vitin shkollor 2026/2027

🕗 Orari i regjistrimit: 08:00 – 16:00

📚 Regjistrimi bëhet në këto drejtime:

* Shkenca Shoqërore dhe Gjuhësore
* Shkenca Natyrore

📄 Dokumentet e nevojshme:

* Certifikata e lindjes;
* Dëftesa e përfundimit të shkollës së mesme të ulët.

📝 Formulari i aplikimit merret dhe plotësohet në shkollë.

Mirë se vini në shkollën elitare, Gjimnazin “Jeta e re” – Suharekë!

06/07/2026

🌟 Zgjedhni cilësinë, zgjedhni suksesin! 🌟

Gjimnazi “Jeta e re” – Suharekë vazhdon të dëshmojë se cilësia në arsim ndërtohet me punë, përkushtim dhe bashkëpunim.

Jemi krenarë që në Testin e Maturës Shtetërore 2026 arritëm një kalueshmëri prej 82%, duke u renditur si shkolla me rezultatet më të larta në Komunën e Suharekës dhe ndër gjimnazet më të suksesshme në Republikën e Kosovës.

Ky sukses është fryt i angazhimit të mësimdhënësve tanë, punës së palodhur të nxënësve dhe mbështetjes së vazhdueshme të prindërve. Megjithatë, për ne ky rezultat nuk është më i larti i mundshëm, por një motivim për të ngritur cilësinë dhe për të synuar rezultate edhe më të mira në vitet që vijnë.

📚 Nëse dëshironi të jeni pjesë e një shkolle që kultivon dijen, zhvillon talentin dhe përgatit të rinjtë për studime universitare dhe sfidat e së ardhmes, Gjimnazi “Jeta e re” – Suharekë është zgjedhja e duhur.

Mirë se vini në familjen e suksesit! 🎓👏

20/06/2026

Gjimnazi “Jeta e re” – në krye të sukseseve edhe këtë vit

Drejtoria Komunale e Arsimit në Suharekë, në Shtëpinë e Kulturës “Ukë Bytyqi”, organizoi një program kulturor dhe ceremoni solemne për ndarjen e mirënjohjeve për nxënësit e dalluar, të cilët kanë shënuar suksese dhe arritje në olimpiada të ndryshme në nivel komunal dhe republikan.

Edhe kësaj radhe, nxënësit e Gjimnazit “Jeta e re” dëshmuan përkushtimin, talentin dhe punën e palodhshme, duke dominuar me një numër rekord prej 18 mirënjohjesh.

Mirënjohjet u ndanë nga kryetari i Komunës së Suharekës, z. Bali Muharremaj, dhe drejtori i DKA-së, z. Remzi Bajselmani, ndërsa nxënësit tanë të vlerësuar janë:

1. Adea Kuçi, kl. XII (3 mirënjohje)
2. Bleron Berisha, kl. XII (2 mirënjohje)
3. Drion Kafexholli, kl. XI (3 mirënjohje)
4. Eros Kabashi, kl. X
5. Anita Matoshi, kl. XII
6. Nina Berisha, kl. X
7. Erleta Lumi, kl. XI
8. Jon Basha, kl. XI
9. Rinesa Abdullahu, kl. XII
10. Era Gashi, kl. X
11. Nertina Sopa, kl. X
12. Morena Kuçi, kl. X
13. Fjona Kabashi, kl. XI

Ceremonia u moderua me profesionalizëm nga nxënësja jonë Ledisa Gashi, ndërsa programi artistik u pasurua nga performanca e talentuar e Lina Ahmetit, e cila interpretoi një këngë dhe mori pjesë edhe në një valle tradicionale së bashku me nxënësin Butrint Bytyqi.

Vlen të theksohet se gjatë vitit shkollor 2025/2026, nxënësit e Gjimnazit “Jeta e re” kanë shënuar rezultate të jashtëzakonshme edhe në fusha të tjera, duke fituar çmime dhe vlerësime në nivel komunal, republikan dhe mbarkombëtar në sport, ese, krijimtari artistike dhe aktivitete të tjera.

Këto arritje janë dëshmi e përkushtimit të nxënësve tanë, punës së palodhshme të mësimdhënësve dhe mbështetjes së vazhdueshme të prindërve.

Për sukseset e Gjimnazit “Jeta e re” ndihemi krenarë ne si shkollë, por po aq krenarë duhet të ndihen edhe Komuna e Suharekës, DKA-ja dhe të gjithë qytetarët e Suharekës. Ndonjëherë, rezultatet flasin më fuqishëm se çdo vlerësim.

Urime të gjithë nxënësve dhe mësimdhënësve për këto arritje të shkëlqyera! 🏆🥇🥈🥉🏅

18/06/2026

Dyert e Hapura në Gjimnazin “Jeta e re”

Ditë më parë, Gjimnazi “Jeta e re” pati kënaqësinë të mirëpriste nxënësit e klasave të nënta nga disa shkolla të Komunës së Suharekës, në kuadër të aktivitetit “Dyert e Hapura”.

Gjatë vizitës, nxënësit u njohën nga afër me ambientet dhe mundësitë që ofron shkolla jonë. Atyre iu rezervua një pritje e ngrohtë dhe mbresëlënëse, ndërsa patën mundësinë të vizitojnë kabinetet, laboratorët dhe hapësirat e tjera mësimore, duke u informuar për programet dhe aktivitetet që zhvillohen në gjimnazin tonë.

Gjimnazi “Jeta e re” mbetet zgjedhja më e mirë për të rinjtë që synojnë një përgatitje cilësore, zhvillim të vazhdueshëm akademik dhe gatishmëri për sfidat e së ardhmes. Këtë e dëshmojnë rezultatet e larta të nxënësve tanë në olimpiada dhe gara të ndryshme, ku renditen vazhdimisht ndër më të mirët, si dhe suksesi në Testin e Maturës Shtetërore, me një kalueshmëri prej mbi 80–90%.

Me përkushtim, profesionalizëm dhe vizion për të ardhmen, Gjimnazi “Jeta e re” vazhdon të ndërtojë rrugën drejt universiteteve më prestigjioze dhe suksesit të çdo nxënësi.

Mirë se vini në Gjimnazin “Jeta e re” – aty ku ndërtohet e ardhmja!

11/06/2026

Podkasti “Pas Ziles” – Episodi i fundit për këtë vit shkollor!

Klubi i Teknikëve të Rinj sjell episodin përmbyllës të podkastit “Pas Ziles”, me një të ftuar të veçantë: Dr. Arianit Bytyçin, specialist infektolog dhe ish-nxënës i gjimnazit tonë.

Në këtë bisedë frymëzuese, ai rrëfen përvojën e tij si gjimnazist, përgatitjen që mori gjatë viteve të shkollimit dhe rolin vendimtar që pati gjimnazi në rrugëtimin e tij drejt studimeve universitare dhe profesionit që ushtron sot me sukses.

Historia e tij është dëshmi se gjimnazi ynë u ofron nxënësve një bazë të fortë akademike dhe i përgatit ata për sfidat e universitetit dhe të jetës profesionale. Për të gjithë të rinjtë që po mendojnë të vazhdojnë shkollimin e mesëm, ky episod tregon se suksesi fillon me zgjedhjen e duhur.

Ndiqni episodin e fundit të “Pas Ziles” dhe dëgjoni një histori që frymëzon, motivon dhe dëshmon vlerat e gjimnazit tonë. 📚✨

Në këtë episod të "PAS ZILES PODCAST" flasim për orientimin në karr...

03/06/2026

Vizitë edukativo-kulturore me nxënësit e klasave të dhjeta

Sot, nxënësit e klasave të dhjeta realizuan një vizitë edukativo-kulturore në disa prej institucioneve dhe lokaliteteve me rëndësi të veçantë shkencore, historike dhe kombëtare.

Vizita filloi në Muzeun/Laboratorin e Natyrës dhe Biodiversitetit në Universitetin “Ukshin Hoti” në Prizren, ku nxënësit patën mundësinë të njihen nga afër me pasuritë natyrore, biodiversitetin dhe rëndësinë e ruajtjes së mjedisit. Më pas, ata vizituan Kompleksin Monumental të Lidhjes Shqiptare të Prizrenit, duke mësuar më shumë për një nga ngjarjet më të rëndësishme në historinë kombëtare shqiptare dhe për figurat që kontribuuan në organizimin politik e kombëtar të shqiptarëve.

Në vazhdim, nxënësit vizituan Kompleksin Memorial “Adem Jashari” në Prekaz, përfshirë kullat e familjes Jashari dhe Varrezat Memoriale të Familjes Jashari, ku u njohën nga afër me historinë e rezistencës, sakrificës dhe heroizmit që u bënë simbol i luftës për lirinë e Kosovës. Në këtë vend të shenjtë të kujtesës kombëtare, ata nderuan veprën dhe flijimin e familjes Jashari dhe të gjithë atyre që dhanë jetën për lirinë e vendit.

Kjo vizitë u mundësoi nxënësve të pasurojnë njohuritë e tyre shkencore, kulturore dhe historike, duke i afruar më shumë me vlerat e trashëgimisë sonë kombëtare dhe me rëndësinë e ruajtjes së tyre për brezat e ardhshëm.