ShF Emin Duraku Shtime

Shkolla jonë sot kremtoi në mënyrë madhështore 85-vjetorin e themelimit të saj – Ditën e Shkollës!

🎶Nxënësit tanë shfaqën talentin e tyre në këndim, vallëzim, recitim dhe pika të shumta artistike kreative, duke dhuruar emocione dhe kënaqësi për të gjithë të pranishmit. Performancat e tyre u përcollën me duartrokitje të vazhdueshme nga publiku që kishte mbushur përplot sallën e Shtëpisë së Kulturës.

🧑‍🧑‍🧒Me këtë rast, falënderojmë prindërit, veteranët e arsimit, drejtorët e shkollave, zyrtarët e DKA-së, si dhe të gjithë qytetarët shtimjanë, të cilët me praninë e tyre i dhanë madhështi kësaj feste të veçantë.

🏫Drejtoresha Floreta Abazi Gashi, në fjalën e saj përshëndetëse, vuri në pah të arriturat e shkollës sonë në shumë fusha. Ajo falënderoi nxënësit dhe mësimdhënësit për angazhimin e tyre, duke veçuar kontributin e madh të mësimdhënësve që sakrifikuan dhe punuan për arsimin shqip gjatë viteve ’90. Gjithashtu, ajo përgëzoi të gjithë ata që kontribuuan në përgatitjen e programit artistik, i cili u prezantua në një nivel shumë të lartë. Në fund, uroi të gjithë nxënësit, mësimdhënësit dhe qytetarët me rastin e Ditës së Shkollës.

🎉Këtë festë të madhe e nderoi me praninë e tij edhe zyrtari i DKA-së, z. Lulzim Sahiti, i cili në fjalën e tij përmendi sakrificat e mësimdhënësve gjatë periudhave të vështira për arsimin shqip, duke shprehur mirënjohje për breza të tërë arsimtarësh. Në emër të kryetarit të Komunës së Shtimes Dr, Qemail Aliu, ai uroi të gjithë qytetarët me rastin e Ditës së Shkollës.

📗Në kuadër të këtij manifestimi u ndanë edhe mirënjohje për nxënësit që janë dalluar në gara të ndryshme, duke arritur rezultate të shkëlqyera në nivel komunal dhe republikan. Këta nxënës, me talentin, përkushtimin dhe sukseset e tyre, janë krenaria e shkollës sonë.

Urime 85-vjetori i shkollës sonë! Gëzuar Dita e Shkollës! 🎉📚

NJOFTIM

Të nderuar nxënës, prindër dhe miq të shkollës sonë,

Me shumë kënaqësi ju ftojmë të merrni pjesë në festimin e Ditës së Shkollës së SHF “Emin Duraku” në Shtime.

📅 Data: 10 Qershor 2026 (e mërkurë)
⏰ Ora: 12:00
📍 Vendi: Shtëpia e Kulturës, Shtime

Kjo ditë e veçantë është një mundësi e shkëlqyer për të festuar së bashku sukseset, përkushtimin dhe talentin e nxënësve tanë. Ju mirëpresim të ndani me ne këtë moment të rëndësishëm dhe plot emocione.

Mirë se vini!

PËRFUNDOI ME SUKSES TURNEU I FUTBOLLIT TË VOGËL NË SHF “EMIN DURAKU”

⚽️ Pas disa ditësh garash emocionuese, rivaliteti sportiv, lojërash cilësore dhe atmosferës së jashtëzakonshme, u zhvilluan finalet e turneut të futbollit të vogël për nxënësit e shkollës sonë.

🏆Në finalen e Grupit të Parë (klasat 2 dhe 3), publiku i pranishëm shijoi një ndeshje plot emocion, luftë sportive dhe raste të shumta shënimi. Pas kohës së rregullt rezultati mbeti i barabartë 1:1. Fituesi u përcaktua vetëm pas ekzekutimit të penalltive, ku ekipi i “Yjeve”, i udhëhequr nga nxënësi Mahir Jakupi, tregoi qetësi, vendosmëri dhe karakter kampioni, duke triumfuar në fund dhe duke ngritur trofeun e grupit të parë.

⚽️ Po aq emocionuese ishte edhe finalja e Grupit të Dytë (klasat 4 dhe 5), ku u përballën klasa V/3 dhe klasa V/7. Ndeshja dhuroi spektakël të vërtetë sportiv, me aksione të bukura, pritje fantastike të portierëve dhe përkushtim maksimal nga të dy ekipet. Edhe pse të dy skuadrat krijuan shumë raste, rezultati pas kohës së rregullt mbeti 1:1. Në ruletën e penalltive, klasa V/3 tregoi më shumë saktësi dhe arriti të triumfojë ndaj ekipit të fortë të V/7, një klasë e ardhur nga paralelja e ndarë e Lagjes së Pajtimit, e njohur për nxjerrjen dhe zhvillimin e talenteve të rinj sportivë.

👦🧒Përgëzime të veçanta për të gjithë nxënësit pjesëmarrës që treguan sjellje shembullore, respekt ndaj kundërshtarit dhe frymë të lartë sportive.

🧑‍🧑‍🧒 Falënderojmë përzemërsisht prindërit për mbështetjen e vazhdueshme, mësimdhënësit për angazhimin e tyre, referët për gjykimin korrekt të ndeshjeve, drejtoreshën e shkollës për përkrahjen e organizimit, si dhe të gjithë ata që kontribuuan në realizimin me sukses të këtij aktiviteti sportiv.
Fituesit u shpallën në fushë, por fitues të vërtetë dolën të gjithë nxënësit që morën pjesë dhe promovuan sportin, miqësinë dhe fair-play-in. Urime kampionëve dhe suksese në aktivitetet e ardhshme!
🥇🥈Sot u ndanë medaljet për vendet e para dhe të dyta, medaljet u ndanë nga drejtoresha Floreta Abazi Gashi si dhe akterët që ishin pjesëmarrës në organizimin e turnirit: Qendrim Bajrami, Behxhet Fazliu, Bekim Krasniqi, Visar Shabani.
Në këtë rast ishim të nderuar me prezencën e zyrtarit të DKA-së z.Lulzim Sahiti gjatë ndarjesë së çmimeve!

KËRKESË PËR OFERTË

Sot, në Grand Event 3 të organizuar nga Hamilton House Of Kosovo mësimdhënësja e Gjuhës Angleze e shkollës sonë, Shqipe Ademaj, u vlerësua me çmimin “Mësimdhënësja më e Mirë e Gjuhës Angleze në Komunën e Shtimes”. 🏆📚

Ky sukses është padyshim një dëshmi e punës së palodhshme, përkushtimit të vazhdueshëm dhe dashurisë së saj për arsimin dhe nxënësit. Me profesionalizëm, pasion dhe motivim të pashtershëm, ajo vazhdon të jetë frymëzim për të gjithë.

Urime për këtë arritje kaq të merituar! Ju dëshirojmë edhe shumë suksese të tjera në rrugëtimin tuaj profesional. ✨👏

🎉 Festa e Abetares në shkollën tonë! 📚

🏫Sot klasat e para të shkollës tonë kremtuan Festen e Abetares! Fytyrat e qeshura të vogëlushëve shndërronin çdo shkronjë në një udhëtim plot gëzim dhe hare!

Në fillim, drejtoresha Floreta Abazi Gashi përshëndeti nxënësit, prindërit dhe mësimdhënësit, duke u uruar fëmijëve një festë të paharrueshme!

👦🧒Fëmijët kënduan, kërcyen, vallëzuan dhe u argëtuan, duke shijuar çdo moment të botës së tyre fëmijërore!
📚URIME FESTA E ABETARES!

NJOFTIM PËR OFERTË

Shkolla jonë shpall kërkesë për ofertë për realizimin e fotografive të nxënësve për vitin shkollor 2025/2026.

Ftohen të gjitha studiot fotografike të interesuara të paraqesin ofertat e tyre.