IAAP-Shtime

29.05.2026 – RREGULLIMI I KLASËS XI-2 – DREJTIMI ADMINISTRATË

Në klasën XI-2, drejtimi Administratë – profili Asistent i Administratës, është realizuar rregullimi dhe sistemimi i hapësirës mësimore me qëllim të krijimit të një ambienti sa më të përshtatshëm për zhvillimin e procesit edukativo-arsimor.

Në kuadër të këtij aktiviteti janë rregulluar pe**et, ormani për libra, varëset, renditja e hamerëve, si dhe është bërë zbukurimi dhe pastrimi i plotë i klasës.

Ky rregullim i ambientit të klasës u shërben nxënësve për ta pasur më të lehtë mësimnxënien, ndërsa profesorëve mësimdhënien dhe organizimin e procesit mësimor.

Kjo punë vullnetare u realizua nga prindërit, nxënësit e klasës, kujdestari i klasës prof.Selatin Rizani, si dhe firmat Mobileria Andi – Petrovë, Bledi Color – Shtime dhe Restaurant BA Palace – Davidovc, të cilët me përkushtimin e tyre kontribuan në përmirësimin e kushteve për nxënësit tanë.

Falënderojmë prindërit, nxënësit, donatorët dhe kujdestarin e klasës për angazhimin dhe kontributin e dhënë në mirëmbajtjen dhe rregullimin e ambienteve shkollore, ndërsa nxënësve u dëshirojmë suksese në mësime.

IAAP-Shtime Komuna Shtime Ministria e Arsimit dhe Shkencës

27.5.2026 GËZUAR KURBAN BAJRAMIN

Me rastin e Kurban Bajramit, ju urojmë nga zemra shëndet, paqe, begati dhe mbarësi në çdo familje.
Le të jenë këto ditë të mbushura me gëzim, bashkim dhe mirësi.

Të dashur nxënës,
ju jeni e ardhmja jonë – vazhdoni të mësoni, ëndërroni dhe besoni në veten tuaj.

Të nderuar mësimdhënës,
faleminderit për përkushtimin dhe punën tuaj të çmuar çdo ditë.

Të respektuar prindër,
faleminderit për besimin dhe bashkëpunimin tuaj të vazhdueshëm.

Me respekt,
Drejtoria e IAAP Shtime

25.5.2026 KLUBI SOLIDAR I SHKOLLËS

Klubi Solidar në Institucionin e Arsimit dhe Aftësimit Profesional i jep jetë hapësirave shkollore.

Në shkollën tonë, të rinjtë e Klubit Solidar e kthyen angazhimin e tyre në ndryshime kreative për shkollën.

IAAP-Shtime Komuna Shtime TOKA Ministria e Arsimit dhe Shkencës

22.5.2026 SHKOLLA ME DYER TË HAPURA

Në kuadër të ditëve “Shkolla me Dyert e Hapura”, kishim nderin që të kemi në vizitë në shkollën tonë nxënësit e SHMU "Emin Duraku" Shtime.

Kjo vizitë u dha mundësinë nxënësve të klasave të IX-ta të njihen më nga afër me drejtimet dhe profilet që ofron shkolla jonë, ambientet e saj, si dhe mundësitë për aktivitete të ndryshme që i presin nxënësit në shkollën tonë.

Gjithsej 150 nxënës të klasave të nënta, të ndarë në tri grupe, vizituan shkollën tonë dhe patën mundësinë të informohen nga afër për programet profesionale dhe kushtet që ofron IAAP-Shtime.

Këta nxënës, të shoqëruar nga drejtoresha znj. Albiona Ahmeti dhe mësimdhënësit e tyre, u pritën nga drejtori i IAAP-Shtime z. Labinot Rexhaj me stafin e tij dhe profesorin e TIK-ut z. Arben Zymeri, të cilët prezantuan në detaje drejtimet, profilet, praktikën profesionale si dhe përgatitjet e nxënësve për tregun e punës.

Gjatë vizitës, nxënësit shtruan pyetje të ndryshme rreth drejtimeve dhe profileve profesionale, duke treguar interesim të madh për mundësitë që ofron shkolla jonë. Ata u ndanë shumë të kënaqur me kushtet dhe mundësitë që ofron IAAP për shkollim të mëtejmë dhe përgatitje profesionale.

Jemi të lumtur të mirëpresim nxënës të shkollave të tjera në ditët në vijim, për të marrë një informacion të plotë rreth shkollës sonë.

IAAP-Shtime me ne, një hap më afër tregut të punës!

IAAP-Shtime Komuna Shtime Ministria e Arsimit dhe Shkencës

21.05.2026 – TESTI I BRENDSHËM DHE MBROJTJA E TEMAVE TË DIPLOMËS

Sot në Institucionin e Arsimit dhe Aftësimit Profesional u mbajt testi i brendshëm dhe mbrojtja e temave të diplomës për nxënësit maturantë.

Maturantët iu nënshtruan provimit përfundimtar profesional, i cili përfshinte pjesën teorike dhe praktike, duke dëshmuar njohuritë dhe aftësitë e fituara gjatë shkollimit të tyre profesional.

Pas përfundimit me sukses të testit të brendshëm, nxënësit prezantuan dhe mbrojtën temat e diplomës para komisioneve përkatëse, duke treguar përgatitje, profesionalizëm dhe përkushtim në profilet e tyre.

Drejtimet – profilet pjesëmarrëse ishin:
• Ekonomi – Kontabilitet
• Ekonomi – Tregëti me shumicë dhe pakicë
• Adiministratë – Asistent i administratës
• Makineri – Instalues Ngrohje dhe Klimatizim
• Bujqësi – Agrobiznes
• Ndërtimtari – Arkitekturë
• Shëndetësi – Bashkëpunëtor Profesional i Infermierisë

Drejtori i shkollës, z.Labinot Rexhaj, së bashku me stafin e mësimdhënësve, i urojnë të gjithë maturantëve shumë suksese në rrugëtimin e tyre të mëtejmë drejt arritjeve akademike dhe profesionale.

Misioni i shkollës sonë mbetet përgatitja e të rinjve profesionalë, të aftë dhe të gatshëm për tregun e punës dhe sfidat e së ardhmes.

IAAP-Shtime Komuna Shtime Ministria e Arsimit dhe Shkencës

20.5.2026 JAVA E NDËRGJEGJËSIMIT PËR SHËNDETIN MENDOR

Java e Ndërgjegjësimit për Shëndetin Mendor ka një rëndësi të veçantë, pasi synon të promovojë kujdesin për shëndetin mendor, parandalimin e problemeve të shëndetit mendor dhe uljen e stigmës ndaj personave që përballen me sfida të tilla, duke inkurajuar një qasje më gjithëpërfshirëse dhe mbështetëse në shoqëri. Psikologeja e shkollës sonë Agime Hasani Roshaj në kuadër të kësaj jave ka organizuar aktivitete, ligjërata bashkë me nxënësit që të kuptojnë rëndësinë e kujdesit për mendjen dhe emocionet.
Temat që u trajtuan ishin:
Të luftohen paragjykimet ndaj problemeve të shëndetit mendor
Të inkurajohen nxënësit të kërkojnë ndihmë dhe këshillim psikologjik kur kanë nevojë
Të promovohet mirëqenia emocionale dhe psikologjike.
Të rritet vetëdijesimi për ankthin, depresionin, stresin etj.
Me moton:
“Kujdesi për mendjen është kujdes për jetën.”

IAAP-Shtime Komuna Shtime Ministria e Arsimit dhe Shkencës

18.5.2026 SESION INFORMUES "RËNDËSIA E PARANDALIMIT TË SUBSTANCAVE NARKOTIKE"

Në shkollën tonë u mbajt sesioni Informues: Rëndësia e Parandalimit të Përdorimit të Substancave Narkotike nga Lipjan Youth Center.

Ky aktivitet po realizohet me mbështetjen e Ministrisë së Shëndetësisë (MSH), me synimin për të fuqizuar të rinjtë që të marrin vendime të informuara dhe të përgjegjshme për shëndetin dhe të ardhmen e tyre.



IAAP-Shtime Komuna Shtime Ministria e Shëndetësisë

17.05.2026, Mbrëmja e maturës me maturantët e vitit shkollor 2025/2026

Të dashur Maturantë

Një kapitull i rëndësishëm i jetës suaj po afron fundin, dhe një tjetër i ri është gati të fillojë. Gjatë këtyre viteve në shkollë, keni mësuar, jeni rritur dhe keni ndërtuar kujtime që do t’ju shoqërojnë përgjithmonë. Jemi krenarë për çdo hap tuajin dhe për rrugën që keni përshkuar me përkushtim, mund dhe ëndrra.

Mbrëmë u mbajt mbrëmja e maturës – një natë e mbushur me emocione, buzëqeshje dhe kujtime të paharrueshme. Ishte një festë e merituar për ju, që simbolizon mbylljen e një periudhe të rëndësishme dhe nisjen e një etape të re në jetën tuaj.

Maturantët këtë vit mbyllën një cikël tre vjeçar, për të vazhduar me “ethet" për në Testin e Maturës dhe në Universitet. Pas kësaj feste, ëndrrat e të rinjve do të vazhdojnë në rrugën e gjatë të dijes.

Për ta bërë këtë natë sa më të veçantë dhe të paharrueshme për maturantët, erdhi t'i vizitoi edhe kryetari i komunës së Shtimes, z.Qemajl Aliu i shoqëruar nga nënkryetari i komunës, z.Adnan Ademi dhe znj.Gentiana Mehmeti.

Urojmë që rruga juaj të jetë e mbushur me guxim, besim dhe vullnet për të arritur gjithçka që synoni!

Me respekt dhe krenari,
Stafi i Institucionit të Arsimit dhe Aftësimit Profesional Shtime.

IAAP-Shtime Komuna Shtime