01/09/2026
🌱 Dita e parë në kopsht
Në ditën e parë të kopshtit, mes gëzimit, ndrojtjes, buzëqeshjeve dhe lotëve të vegjëlushëve tanë, hapëm së bashku një kapitull të ri dhe nisëm një rrugëtim të bukur edukativ.
Në këtë fazë, së bashku me ju, prindër, dëshirojmë të ndajmë informacione bazike për qasjen tonë të punës, mënyrën se si i shohim fëmijët, si i dëgjojmë, i kuptojmë dhe i mbështesim në çdo hap të rrugëtimit të tyre të të nxënit.
Këtë vit, kopshti ynë do të sjellë një frymë të re pune, të frymëzuar nga qasja Reggio Emilia – një qasje që e sheh çdo fëmijë si të aftë, kureshtar, krijues dhe protagonist të historisë së tij të të nxënit.
Pas kësaj fryme të re qëndron përkushtimi dhe puna e vazhdueshme e edukatoreve tona, të cilat janë përgatitur me dashuri dhe përkushtim gjatë trajnimit disa mujor(vitin që shkoi) dhe do të vazhdojnë të sjellin ide, përvoja dhe ndryshime të bukura në përditshmërinë e fëmijëve tanë.
🌿 Sepse besojmë se fëmijët nuk kanë nevojë vetëm të mësojnë, por të kenë hapësirën dhe lirinë për të eksploruar, pyetur, krijuar, shprehur veten dhe zbuluar botën në mënyrën e tyre.
Ky është vetëm fillimi i një viti të ri, i një rrugëtimi që do ta ndërtojmë së bashku – fëmijë, prindër dhe edukatore. Me besim, bashkëpunim dhe shumë dashuri. 🤍
Mirë se erdhët në këtë rrugëtim të ri! 🌈
