SHMU "Rifat Mëziu"

Nxënësja e shkollës sonë, Erleta Dajaku ka arritur një sukses të jashtëzakonshëm duke zënë vendin e dytë në Olimpiadën e Dytë të Përbashkët të Gjuhës Shqipe ndërmjet Kosovës dhe Shqipërisë.

Falënderim dhe mirënjohje e veçantë i shprehim mësimdhënëses Minire Geci për angazhimin profesional, mbështetjen dhe përgatitjen e vazhdueshme të nxënëses drejt këtij suksesi të rëndësishëm.

Shkolla jonë mbetet e përkushtuar në mbështetjen

Urime Erletës për këtë arritje dhe suksese të mëtejshme në rrugëtimin e saj akademik!

Nxënëset e shkollës sonë, Arita Shabani, Erza Gashi, Bledina Konjuhi dhe Erleta Dajaku, finaliste të Olimpiadës së Dytë të Gjuhës Shqipe në nivel shtetëror, dhe mësimdhënësja e tyre Minire Geci u pritën nga Kryetari i Komunës, Sami Lushtaku.
Me këtë rast, kryetari i përgëzoi nxënëset për suksesin e arritur dhe u uroi suksese të mëtejshme në rrugën e dijes.

Me krenari të madhe ndajmë suksesin e nxënëseve tona të talentuara nga ShMU “Rifat Mëziu”, - Arita, Erza, Bledina dhe Erleta, të cilat shkëlqyen në Olimpiadën Shtetërore dhe fituan të drejtën për ta përfaqësuar Kosovën në garën kombëtare.
Ky sukses i jashtëzakonshëm erdhi falë përkushtimit, talentit dhe punës së palodhshme të nxënëseve tona, si dhe udhëheqjes profesionale të mësimdhënëses Minire Geci.
Falënderojmë edhe prindërit për mbështetjen e vazhdueshme në rrugëtimin e tyre drejt suksesit.
Jemi krenarë me ju dhe ju urojmë shumë suksese në garat e ardhshme!

Falënderojmë poeten Majlindë Sinani Lulaj për kontributin e saj në pasurimin e bibliotekës së shkollës sonë. Majlinda ka dëshmuar dhe dëshmon se kauzat e mëdha nuk shuhen asnjëherë. Dikur e angazhuar për çështjen kombëtare, duke sakrifikuar shumë nga vetja, sot ajo vazhdon të japë kontributin e saj përmes penës dhe krijimtarisë letrare.
Faleminderit, drenicasja jonë!

Nxënësja e shkollës sonë, Rejana Vojvoda, nxënëse e klasës së gjashtë, ka siguruar pjesëmarrjen në gjysmëfinalen e garës ndërkombëtare “Hippo”, që do të mbahet në Venecia të Italisë.

Në emër të shkollës, e përgëzojmë edhe mësimdhënësen e gjuhës angleze, Albina Musliu, për punën dhe angazhimin e vazhdueshëm me nxënësit.

Rejanës i dëshirojmë shumë suksese në sfidat e radhës!

Në shkollën tonë janë zhvilluar vizita sistematike nga ekipet shëndetësore të QKMF Skenderaj për nxënësit e klasave të gjashta dhe të nënta.

Këto vizita kishin për qëllim vlerësimin e gjendjes shëndetësore të nxënësve dhe identifikimin e hershëm të problemeve të mundshme, duke kontribuar në mirëqenien dhe zhvillimin e tyre të shëndetshëm.

Falënderojmë stafin shëndetësor për përkushtimin dhe bashkëpunimin gjatë realizimit të këtyre vizitave.

Në kuadër të garave regjionale në futsall, të mbajtura në palestrën e qytetit “Ilaz Kodra” në Skenderaj për shkollat e mesme të ulëta, shkolla jonë zuri vendin e dytë në konkurrencën e djemve.

Garat u organizuan nga Sporti Shkollor Skenderaj dhe Federata e Sportit Shkollor e Republikës së Kosovës, me mbështetje nga DKA dhe DKRS.

I përgëzojmë nxënësit dhe mësimdhënësit për suksesin e treguar.

Sukses i radhës për shkollën tonë

Në garat në nivel komunal, shkolla jonë arriti një sukses të jashtëzakonshëm. Shtatë nxënës siguruan pjesëmarrjen në garat në nivel republikan në Olimpiadën e Përbashkët të Gjuhës Shqipe. Urojmë që nxënësit tanë të korrin suksese në fazën e tretë, e cila do të mbahet më 9 maj 2026 në Prishtinë. Përgëzojmë mësimdhënësit për punën dhe angazhimin e tyre.

Shkolla jonë iu bashkua iniciativës për pastrimin e qytetit, në kuadër të shënimit të 22 Prillit, Ditës së Tokës. Ky aktivitet u organizua nga Komuna e Skenderajt. Në këtë aktivitet morën pjesë nxënësit e klasave të gjashta dhe të shtata, së bashku me mësimdhënësit dhe stafin drejtues.

U zhvilluan garat në nivel shkolle në kuadër të Olimpiadës së Dytë të Përbashkët të Gjuhës Shqipe. Kjo olimpiadë organizohet në të gjitha shkollat e mesme të ulëta në Kosovë dhe në Shqipëri, në të cilën marrin pjesë nxënësit e dalluar të klasave të nënta. Pas përfundimit të garave në nivel shkolle, nxënësit fitues do të garojnë në nivel lokal më 25 prill.