https://www.facebook.com/104124204396994/

SHFMU "Ahmet Delia" Skenderaj

Home
Kosovo
Skenderaj
SHFMU "Ahmet Delia" Skenderaj

Contact information, map and directions, contact form, opening hours, services, ratings, photos, videos and announcements from SHFMU "Ahmet Delia" Skenderaj, School, Skenderaj.

31/08/2026

📚 MIRË SE VINI NË VITIN SHKOLLOR 2026/2027!

📢 NJOFTIM
Viti i Ri Shkollor 2026/2027

Të dashur nxënës, të nderuar prindër,

Me kënaqësi ju njoftojmë se nesër, e martë, më 1 shtator 2026, shkolla jonë hap dyert për fillimin e vitit të ri shkollor 2026/2027.

⏰ ORARI I MËSIMIT

Fillon: 08:00
Mbaron: 12:20

Disiplina e nxënësve, përkushtimi i mësimdhënësve dhe bashkëpunimi i ngushtë me prindërit janë garancia jonë për një vit të mbushur me suksese!

Ju urojmë të gjithëve një vit të mbarë, me shëndet, suksese dhe arritje të larta!

🌟 Na priftë e mbara!

28/07/2026

Njoftim për regjistrimin e nxënësve në klasën e gjashtë SHMU “Rifat Mëziu”
Të nderuar prindër dhe kujdestarë,
Ju njoftojmë se regjistrimi i nxënësve në klasën e gjashtë për vitin e ri shkollor 2026/2027 në Shkollën e Mesme të Ulët “Rifat Mëziu” do të fillojë 03.08.2026 deri më 07.08.2026
Dokumentet e nevojshme për regjistrim:
Ekstrakti i lindjes i nxënësit
Dëftesa e klasës së pestë
Regjistrimi do të bëhet në ambientet e shkollës, çdo ditë pune nga ora 09:00-13:00.
Ju lutemi që gjatë paraqitjes për regjistrim, të siguroheni që dokumentacioni të jetë i plotë dhe i rregullt.
Për më shumë informacion, mund të paraqiteni te sekretari i shkolles.
Faleminderit për bashkëpunim!
Drejtoria e SHMU “Rifat Mëziu”

20/06/2026

Vlerësim për nxënësit dhe mësimdhënësit për rezultatet në Garat Komunale të Diturisë dhe Festivalin e Teatrove Shkollore

Drejtoria e shkollës sonë ndau mirënjohje dhe vlerësime për nxënësit e dalluar në Garat Komunale të Diturisë dhe në Festivalin e Teatrove Shkollore, si dhe për mësimdhënësit që, me përkushtim dhe profesionalizëm, i udhëhoqën drejt suksesit.

Rezultatet e arritura dëshmojnë seriozitetin, talentin, përgatitjen dhe potencialin e nxënësve tanë, si dhe angazhimin e vazhdueshëm të mësimdhënësve në zhvillimin e njohurive dhe aftësive të tyre.

Urime të gjithë nxënësve dhe mësimdhënësve për sukseset e arritura dhe përfaqësimin dinjitoz të shkollës sonë ! 👏🏆📚🎭

18/06/2026

Ceremonia e Përfundimit të Klasës së V-të

Ceremonia e përfundimit të klasës së V-të shënoi përmbylljen e një etape të rëndësishme në rrugëtimin shkollor të nxënësve.
Përmes aktiviteteve të ndryshme, nxënësit festuan sukseset, përvojat dhe kujtimet e krijuara gjatë pesë viteve të para të shkollimit.
Drejtoria e shkollës u uron të gjithë nxënësve suksese të mëtejshme, shëndet dhe arritje të reja në etapat e ardhshme të arsimit dhe jetës së tyre.

10/06/2026

Sot, në ambientet e shkollës sonë, u realizua ushtrimi fushor “Vërshimet 2026 – Skenderaj”, me pjesëmarrjen e nxënësve, mësimdhënësve dhe institucioneve përgjegjëse për menaxhimin e situatave emergjente.
Përmes këtij aktiviteti u testuan mekanizmat e reagimit, koordinimit dhe evakuimit në rast të vërshimeve, me qëllim të ngritjes së nivelit të gatishmërisë dhe sigurisë së pjesëmarrësve. Ushtrimi shërbeu gjithashtu për të forcuar bashkëpunimin ndërinstitucional dhe për të rritur vetëdijesimin mbi rëndësinë e veprimit të shpejtë dhe të organizuar në situata emergjente.
Drejtoria e shkollës shpreh mirënjohjen e saj për të gjitha institucionet dhe organizatat partnere që kontribuan në organizimin dhe realizimin me sukses të këtij ushtrimi, duke dëshmuar përkushtim, përgjegjësi dhe profesionalizëm në menaxhimin e situatave emergjente.
Një falënderim i veçantë u takon edhe nxënësve dhe stafit të shkollës për angazhimin, disiplinën dhe bashkëpunimin e treguar gjatë zhvillimit të këtij aktiviteti të rëndësishëm edukativ dhe praktik.

09/06/2026

Në Festivalin Gjithëkombëtar të Teatrove Shkollore “Drenushat” 2026”, edicioni i 19-të me radhë, të organizuar nga Drejtoria për Kulturë, Rini dhe Sport, pas paraqitjes së shfaqjeve teatrale, juria profesionale ka vlerësuar dhe përzgjedhur shfaqjet më të mira.
Shkolla jonë u vlerësua me çmimin “Aktorja më e mirë”, të cilin e fitoi nxënësja Vlera Fazliu për interpretimin e saj në shfaqjen “Ëndrrat e fëmijëve”.
Përgëzime nxënësve të grupit teatror të klasës së tretë dhe mësueses Shqiponje Halili për këtë sukses dhe përfaqësim dinjitoz! 🎭👏

08/06/2026

Në kuadër të aktiviteteve edukative, shkolla jonë organizoi vizitë mësimore në disa nga monumentet kulturore dhe natyrore të Kosovës. Qëllimi i kësaj vizite ishte njohja më e afërt me trashëgiminë kulturore, historike dhe natyrore të vendit tonë, si dhe pasurimi i njohurive të fituara në shkollë.
Gjatë vizitës, nxënësit patën mundësinë të shohin nga afër monumente me vlera të veçanta historike dhe kulturore, duke mësuar për rëndësinë e tyre në ruajtjen e identitetit kombëtar. Po ashtu, ata vizituan vende me bukuri të rralla natyrore, ku u njohën me pasuritë dhe veçoritë e natyrës të vendit tonë.
Kjo vizitë ishte një përvojë e vlefshme dhe edukative për nxënësit. Ajo ndikoi në zgjerimin e njohurive të tyre, në zhvillimin e ndjenjës së përgjegjësisë për ruajtjen e trashëgimisë kulturore dhe natyrore të Kosovës.

05/06/2026

✨ Festa e Abetares në shkollën tonë ✨

Sot shkolla jonë u mbush me buzëqeshje, emocione dhe gëzim në festën e Abetares, një ditë e veçantë për nxënësit tanë që hodhën hapat e parë drejt botës së dijes dhe leximit.

Me krenari dhe dashuri, fëmijët prezantuan programin e përgatitur, duke treguar gjithçka që kanë mësuar gjatë këtij rrugëtimi të bukur me Abetaren.

Falënderojmë mësueset e klasëve për punën, përkushtimin dhe dashurinë e treguar ndaj nxënësve, si dhe prindërit për mbështetjen dhe bashkëpunimin e vazhdueshëm.

Urime të gjithë nxënësve për suksesin e tyre të parë!
Ju dëshirojmë shumë suksese në rrugën e dijes!

01/06/2026

Sot, 1 Qershori – Dita Ndërkombëtare e Fëmijëve, u shënua me aktivitete të ndryshme argëtuese dhe sportive të organizuara nga Komuna e Skenderajt në bashkëpunim me institucionet arsimore.

Nxënësit patën mundësinë të marrin pjesë në gara, lojëra dhe aktivitete rekreative, duke kaluar një ditë të mbushur me gëzim, buzëqeshje dhe atmosferë festive.
Falënderojmë Komunën e Skenderajt për organizimin e këtyre aktiviteteve dhe të gjithë nxënësit, mësimdhënësit për pjesëmarrjen dhe kontributin e tyre në këtë ditë të veçantë kushtuar fëmijëve.

Gëzuar 1 Qershorin të gjithë fëmijëve!

29/05/2026

Shkolla jonë, fituese e grantit të mbështetur nga Banka Botërore në kuadër të projektit TAFF - komponenta 3.

Sot, me pjesëmarrjen e përfaqësueses së Bankës Botërore, Kryqit të Kuq të Kosovës Kryqit të Kuq Komunal, Këshillit Komunal të Emergjencave, u pranua ky donacion i vlefshëm.

Drejtoria e shkollës shpreh mirënjohjen dhe falënderimin më të sinqertë për donacionin e dhënë në kuadër të programit për pajisje në zvogëlimin e rrezikut nga fatkeqësitë natyrore.

Kjo mbështetje është një ndihmë e vlefshme për krijimin e një ambienti më të sigurt dhe më të përgatitur për nxënësit dhe stafin tonë.

Address

Skenderaj

Website

facebook.com

Alerts

Be the first to know and let us send you an email when SHFMU "Ahmet Delia" Skenderaj posts news and promotions. Your email address will not be used for any other purpose, and you can unsubscribe at any time.

Want your school to be the top-listed School/college in Skenderaj?