SHFMU “Skender Skenderi” Vajnikë

NJOFTIM

Ju njoftojmë se nga data 20.05.2026 - 15.06.2026, do te fillojë regjistrimi i nxënësve për klasën pergatitore dhe klasën e parë, për vitin shkollor 2026-2027.

Gjatë regjistrimit nxënësi duhet të jetë i shoqëruar me prindin apo kujdestarin ligjor.

Dokumentet e nevojshme për regjistrim janë:
- Certifikata e lindjes/ekstrakti i lindjes
- Certifikata e vendbanimit.

Sot, me krenari dhe respekt të veçantë, festuam 74-vjetorin e themelimit të shkollës sonë dhe njëkohësisht 27-vjetorin e rënies heroike të dëshmorit Skender Skenderi, emrin e të cilit me krenari dhe nder e mban shkolla jonë.

Kjo ditë na rikujton rëndësinë e dijes, sakrificës dhe atdhedashurisë.

Me mirënjohje për të kaluarën dhe përgjegjësi për të ardhmen, vazhdojmë rrugën e edukimit dhe arsimimit të brezave të rinj.

Urime dita e shkollës, e suksese nxënës të dashur!

Pamje gjatë vizitës nga Policia e Kosovës në shkollën tonë, ku u zhvillua një ligjëratë informuese dhe ndërgjegjësuese për ruajtjen e ambientit dhe trashëgimisë kulturore, duke përfshirë aktivitete dhe diskutime me nxënësit.

Sot, me rastin e shënimit të 22 prillit – Ditës së Tokës, shkolla jonë ndërmori një aksion për pastrimin e ambienteve të shkollës, si dhe të disa rrugëve të fshatit.
Përmes këtij aksioni, ju inkurajojmë të gjithëve ta mbajmë Kosovën të pastër!

NJOFTIM

Të nderuar nxënës,

Ju njoftojmë se pushimi pranveror do të fillojë më datë 06.04.2026 dhe do të zgjasë deri më datë 13.04.2026.

Procesi mësimor do të rifillojë më datë 14.04.2026, (ditë e martë) sipas orarit të rregullt.

Ju urojmë pushime të këndshme dhe ju inkurajojmë që këtë kohë ta shfrytëzoni për pushim, por edhe për përgatitje të mëtejshme në mësime.

Me respekt,
Drejtoria e shkollës

Një mësues i mirë nuk jep vetëm dije, por formon zemra, mendje dhe karakter, i tillë ishte edhe mësuesi ynë i nderuar Sadri Istrefi i cili dje në një atmosferë mjaftë emocionuese shënoi pensionimin e tij.

Pas me shumë se tri dekada pune në arsim ai përmbyll nje rrugtim te gjatë, të suksesshëm dhe profesional.
Puna dhe kontributi i tij do të mbeten gjithmonë të çmuara për shkollën tonë, ndërsa kujtimet dhe respekti për të do të jetojnë gjatë në mesin e nxënësve dhe kolegëve.

Në emër të kolektivit të shkollës, nxënësve dhe prindërve, shprehim mirënjohjen tonë më të sinqertë për gjithë punën dhe përkushtimin ndër vite.
Faleminderit!

Me rastin e 18-vjetorit të Pavarësisë së Republikës së Kosovës, shkolla jonë organizoi një orë letrare-kulturo-artistike, për të nderuar dhe vlerësuar këtë ditë të veçantë dhe shumë të rëndësishme për popullin tonë.

Urime Pavarësia! 🇽🇰
Të pavarur, të fuqishëm e të bashkuar e pafshim gjithmonë vendin tonë.

NJOFTIM

Ministria e Arsimit, Shkencës, Teknologjisë dhe Inovacionit (MAShTI) njofton opinionin publik se, për shkak të reshjeve të fundit atmosferike dhe kushteve të vështirësuara në disa zona të vendit, ka marrë vendim që fillimi i procesit mësimor të shtyhet deri më 12 janar 2026.