Shkolla e Mesme e Lartë "Xhelal Hajda - TONI" Rahovec

Me propozimin e profesorëve të Edukatës Fizike, drejtoresha e shkollës Remzije Shehu Cana ka marrë vendim të ndajë një mirënjohje të veçantë për nxënësen maturante, Aulona Morina.

Çmimi “Sportiste e dalluar” i është akorduar Aulonës në shenjë vlerësimi për përkushtimin, energjinë dhe shpirtin garues që ajo ka treguar përgjatë tre viteve në gjimnazin tonë. Gjatë kësaj periudhe, ajo u shqua si një nga nxënëset më aktive në të gjitha aktivitetet sportive, duke përfaqësuar me dinjitet shkollën tonë dhe duke i siguruar asaj medalje dhe kupa të shumta.

Ky vlerësim është një dëshmi e punës së saj të palodhur dhe një frymëzim për të gjithë nxënësit e tjerë. I urojmë Aulonës suksese të mëtejshme në rrugëtimin e saj.

NJOFTIM
Njoftohen maturantët e ngelur në riprovim dhe ata për provime të klasës, se riprovimet do të mbahen sipas këtij orari

Sot, më 28.04.2026, në ambientet e Shkolla e Mesme “Xhelal Hajda-Toni” në Rahovec, u mirëprit ekipi përfaqësues i Universiteti “Ukshin Hoti” në kuadër të një aktiviteti promovues për maturantët tanë.

Aktiviteti u udhëhoq nga Prof. asoc. dr. Isuf Lushi, Prof. ass. dr. Sadik Maloku dhe Ass. Milot Krasniqi, të cilët prezantuan para nxënësve tanë informacione të detajuara mbi historikun e universitetit, programet studimore, mundësitë për bursa, si dhe procedurat dhe kriteret e aplikimit.

Gjatë këtij takimi, maturantët patën mundësinë të informohen më gjerësisht mbi rëndësinë e përfshirjes aktive në jetën studentore, si në aspektin akademik ashtu edhe në aktivitete jashtëkurrikulare, duke i ndihmuar ata në orientimin e tyre për studimet e ardhshme.

Në emër të shkollës sonë, shprehim mirënjohje të sinqertë për përfaqësuesit e Universitetit “Ukshin Hoti” për vizitën dhe angazhimin e tyre, si dhe për bashkëpunimin e vazhdueshëm në mbështetje të nxënësve tanë drejt rrugëtimit të tyre akademik.

Sot realizuam një eksperiment shumë të dobishëm me nxënësit në kabinetin e gjeografisë 🚰🔬

Ky aktivitet u mbajt nën përcjelljen e profesor Enes Haxhihamza, ku përmes analizës së mostrave të ujit (nga puse dhe burime të ndryshme), arritëm të kuptojmë më mirë cilësinë e ujit që përdorim çdo ditë.

Nxënësit matën dhe analizuan disa parametra shumë të rëndësishëm si:
✔️ Temperatura
✔️ pH
✔️ TDS (sasia e materieve të tretura)
✔️ Përçueshmëria elektrike

Ky aktivitet ishte një mundësi e shkëlqyer për të lidhur teorinë me praktikën dhe për të zhvilluar aftësitë kërkimore dhe shkencore të nxënësve tanë 👨‍🔬👩‍🔬

Falenderim për të gjithë nxënësit që kontribuan me mostrat dhe përkushtimin gjatë eksperimentit!