SHFMU 'Heronjtë e Kosovës' Hoçë e Vogël

Festa e Abetares ✨📚

Sot me shumë gëzim dhe emocione festuam Festën e Abetares. Nxënësit tanë shënuan me krenari përfundimin e hapit të parë në rrugën e dijes, duke dëshmuar se tashmë kanë mësuar të lexojnë e të shkruajnë.

Një falënderim i veçantë për mësueset tona të përkushtuara, Vehibe Krasniqi dhe Shyhrete Thaqi, për punën, përkushtimin dhe dashurinë që u dhurojnë nxënësve çdo ditë.

Urime të gjithë nxënësve për këtë sukses të rëndësishëm dhe shumë suksese në rrugëtimin e tyre drejt dijes! 🌟

Sot, së bashku me nxënësit e klasës së tretë, vizituam muzeun e fshatit Drenoc. Gjatë vizitës patëm mundësinë të shohim shumë vegla dhe mjete të vjetra pune që janë përdorur nga gjeneratat e kaluara. Gjithashtu, pamë fotografi të vjetra që na njohën me jetën, traditat dhe mënyrën e punës së të parëve tanë.

Kjo vizitë ishte shumë interesante dhe edukative, sepse na ndihmoi të mësojmë më shumë për historinë, kulturën dhe trashëgiminë e vendit tonë. Nxënësit treguan kureshtje dhe interesim të madh gjatë gjithë vizitës.

Falënderoj nga zemra stafin e muzeut në Drenoc për mikpritjen dhe gatishmërinë e tyre për të na prezantuar me historinë dhe trashëgiminë kulturore të vendit tonë.

Një ditë ndryshe për të mësuar dhe argëtuar!🏰☀️

Sot, nxënësit e klasave të katërta dhe të klasës së pestë realizuan një ekskursion edukativ në Prizren. Gjatë kësaj vizite, ata patën mundësinë të njihen më nga afër me vlerat historike dhe kulturore të qytetit, duke e shndërruar mësimin në një përvojë praktike dhe interesante.

Përveç vizitave edukative, nxënësit kaluan momente të bukura së bashku në aktivitete rekreative, duke kombinuar njohuritë e reja me argëtimin. Kjo ditë solli përvoja të vlefshme, buzëqeshje dhe kujtime që do të mbeten gjatë në mendjet e tyre.

Të premten, më 29.5.2026, nxënësit e klasave të dyta të shkollës sonë, nën udhëheqjen e mësueseve Erëza Hoti dhe Dafina Rrustemi, zhvilluan një aktivitet jashtëkurrikular me karakter edukativo-arsimor.
Me këtë rast, ata vizituan Shtëpinë-Muze të Ukshin Hotit në Krushë të Madhe, ku u njohën nga afër me jetën, veprimtarinë dhe kontributin e tij për çështjen kombëtare. Vizita u shërbeu nxënësve si një mundësi e mirë për të zgjeruar njohuritë e tyre historike dhe kulturore.
Pas kësaj, nxënësit vizituan edhe plantacionin e dredhëzave “Korr e Ha”, ku patën rastin të shohin nga afër procesin e kultivimit të dredhëzave, si dhe të përjetojnë një aktivitet argëtues dhe edukativ në natyrë.
Ky aktivitet u zhvillua me sukses dhe u prit me shumë interes e entuziazëm nga nxënësit, duke kontribuar në pasurimin e përvojave të tyre mësimore përtej ambienteve të klasës.

Sot me klasat e 8-ta fillimisht vizituam vendin “Korr e Ha”, ku kaluam kohë të bukur dhe u argëtuam duke mbledhur dhe ngrënë dredhëza. Më pas vizituam edhe vendin përkujtimor të Masakrës së Krushës së Madhe, ku mësuam më shumë për ngjarjet historike dhe rëndësinë e ruajtjes së kujtesës. Ishte një ditë me përvoja të ndryshme, njëkohësisht argëtuese dhe edukative.

🌿🍎 Mësimi ndryshe – Piknik i shëndetshëm me nxënësit tanë 🍞🍌

Sot e zhvilluam orën mësimore në një mënyrë më të veçantë, në ambient të hapur dhe plot buzëqeshje. Së bashku biseduam për rëndësinë e ushqimit të shëndetshëm, ndamë ushqimet që sollën nxënësit dhe kaluam momente të bukura si një ekip i vërtetë.
Mësimi bëhet më i bukur kur shoqërohet me bashkëpunim, gëzim dhe përvoja që mbeten gjatë në kujtesë.

Përfaqësim dinjitoz nga nxënësit e shkollës sonë në Kuizin e Diturisë

Nxënësit tanë treguan përgatitje të shkëlqyer, bashkëpunim dhe kulturë të lartë gjatë garës së zhvilluar mes shkollave të komunës sonë.

Ju dëshirojmë suksese edhe në sfidat e ardhshme!

Sot, në shkollën tonë u realizua një vizitë sistematike nga stafi mjekësor i QKMF "DR. FAHREDIN HOTI" RAHOVEC për nxënësit e klasave të para dhe të pesta.

Gjatë kësaj vizite u kryen kontrolle të përgjithshme me qëllim të kujdesit për shëndetin dhe mirëqenien e nxënësve tanë, duke theksuar rëndësinë e kontrolleve të rregullta shëndetësore.

Falënderojmë stafin mjekësor për bashkëpunimin dhe përkushtimin e treguar ndaj nxënësve tanë.