Drejtoria Komunale për Arsim - Rahovec

Sot, komisioni vlerësues për përzgjedhjen e kandidatëve përfitues të bursës komunale doli me listën emërore të studentëve dhe nxënësve, të cilët i kanë plotësuar kriteret sipas konkursit, për ndarjen e bursave për vitin akademik/shkollor 2025/2026.
Bashkangjitur i gjeni kriteret e konkursit për studentë dhe nxënës të cilave, komisioni vlerësues u është përmbajtur me përpikëri!

Për ndarjen e bursave për studentë për vitin akademik 2025/2026:
1. Bursat ndahen për vitin akademik 2025/2026 për shkollimin universitar.
2. Numri i bursave të planifikuara ishte 100 (njëqind) bursa.
3. Lartësia e bursës ishte 60 € (gjashtëdhjetë euro) për muaj, për gjithsej 9 (nëntë) muaj.
4. Lartësia e bursës ishte 70 € (shtatëdhjetë euro) për studentë që kanë notën mesatare mbi 9 (nëntë), për gjithsej 9 (nëntë) muaj.
5. Lartësia e bursës për studentët e fushave defecitare;
6. Matematikës, ishte 100 € (njëqind euro) për muaj, për gjithsej 9 (nëntë) muaj.
7. Fizikë dhe Kimi, 80 € (tetëdhjetë euro për muaj), për gjithsej 9 (nëntë) muaj.
8. Mjekësi – Universiteti “Hasan Prishtina”, drejtimet që zgjasin 5 – 6 vite, ishte 100 € (njëqind euro) për muaj, për gjithsej 9 (nëntë) muaj.
9. Lartësia e bursës për studentët me notën 10.00 (dhjetë), ishte 100 € (njëqind euro) për muaj, për gjithsej 9 (nëntë) muaj. Vlenë për studentët që kanë të përfunduar së paku të gjitha provimet e vitit të I-rë të studimeve.

Për ndarjen e bursave për nxënës të ShML-ve dhe të IAAP-së për vitin shkollor 2025/2026:
1. Bursat ndahen për vitin shkollor 2025/2026 për shkollimin e mesëm të lartë.
2. Numri i bursave të planifikuara ishte 35 (tridhjetë e pesë) bursa;
3. Lartësia e bursës ishte 35 € (tridhjetë e pesë euro) për muaj, për gjithsej 9 (nëntë) muaj.

Studentët dhe nxënësit që nuk janë në listën përfituese, mund të ushtrojnë të drejtën e ankesës në afat prej 5 ditëve.

Sot, Drejtori i Arsimit, së bashku me zyrtarin e arsimit, z. Jeton Krasniqi, vizituan ShFMU "Heronjtë e Kosovës" në Hoçë të Vogël. Arsyeja e vizitës ishte inaugurimi i një donacioni nga donatorët Arben Sabri Gashi dhe Bylbyl Xhelil Gashi, të cilët kontribuuan në blerjen dhe vendosjen e perdeve në të gjitha klasat e shkollës.
Të pranishëm në inaugurim ishin drejtori dhe stafi pedagogjik. Në emër të donatorëve, të pranishmit i përshëndeti z. Elhami Xhelil Gashi, xhaxhai, respektivisht vëllai i donatorëve.
Në fjalën e tij, Drejtori i Arsimit theksoi se nuk ka akt më patriotik sesa investimi në arsim, prandaj DKA-ja u është mirënjohëse donatorëve për këtë kontribut të çmuar. Në shenjë respekti dhe falënderimi, në emër të DKA-së ai ndau mirënjohje për donatorët.
I gëzofshin pe**et e reja nxënësit dhe mësimdhënësit e këtij institucioni edukativo - arsimor!
Faleminderit drejtorit dhe stafit të shkollës për mikpritjen e ngrohtë. U takofshim edhe në projekte tjera!

Sot u mbajt Testi i Maturës për maturantët në mbarë vendin. Në Komunën e Rahovecit, testi u zhvillua në tri qendra: ShML “Xhelal Hajda – Toni”, IAAP “Selajdin Mullaabazi – Mici” dhe SHFMU “Isa Boletini”, me pjesëmarrjen e rreth 300 maturantëve.
Sipas raportimeve nga zyrtarët përgjegjës për administrimin e testit, procesi u zhvillua në mënyrë të rregullt, duke respektuar të gjitha standardet dhe procedurat e përcaktuara.
DKA falënderon nxënësit për korrektësinë, disiplinën dhe sjelljen e treguar gjatë testimit, duke u uruar suksese në rrugëtimin e tyre të mëtejmë akademik dhe profesional.

https://youtu.be/uwLs4RkJI_c?si=37tG3uW-GTJC_OFJ

Rahoveci siguron fëmijët e çerdheve me sigurim shëndetësor Follow Klan Kosova on...• FB: https://smarturl.it/KlanKosovaFb• I...

Sot u zhvillua testi vlerësues për nxënësit e klasave të treta në të gjitha shkollat e komunës sonë. Procesi u administrua me përgjegjësi nga drejtorët, pedagogët dhe psikologët shkollorë, duke u zhvilluar në mënyrë të rregullt dhe të suksesshme.
Rezultatet pritet të publikohen javën e ardhshme. DKA u uron suksese të gjithë nxënësve dhe mësimdhënësve pjesëmarrës. 📚👏

Sot, në shënim të Ditës së Çlirimit të Rahovecit, Drejtoria e Arsimit, në bashkëpunim me SHFMU “Isa Boletini” dhe SHFMU “Liria” – Fortesë, organizoi vizitë me nxënës në hapësirat e komunës, për të uruar kryetarin dhe bashkëpunëtorët e tij për këtë ditë të shënuar. Gjithashtu zhvilluam aktivitet përkujtimor për nder të dëshmorëve dhe të rënëve për liri duke defiluar nga oborri i komunës deri tek memoriali i heronjëve, Toni e Mici. Gjatë gjithë këtij aktiviteti na shoqëroi nënkryetari i komunës i cili nxënësve u mbajti një ligjëratë për rëndësinë e mbajtjes gjallë të kujtesës historike.
Lavdi e përjetshme dëshmorëve të kombit dhe gjithë atyre që kontribuuan për Lirinë e Atdheut!

Shfmu "Vëllezërit Frashëri"
- Drenoc, kremtoi Ditën e Shkollës.
Në praninë e shumë mysafirëve, përfaqësuesëve të Drejtorisë së Arsimit dhe strukturave tjera shoqërore, nxënësit dhe mësimdhënësit shfaqën një program të pasur kulturo - artisik.
Ne emër të Drejtorisë së Arsimit i falënderoj përzemërsisht, drejtuesit e shkollës, mësimdhënësit, nxënësit dhe banorët e këtij vendbanimi të nderuar për mikpritjen e ngrohtë dhe respektin e treguar!
Falënderoj gjithashtu drejtorin e këtij institucioni edukativo- arsimor dhe stafin pedagogjik, për mirënjohjen që ndanë për Drejtorin e Arsimit.
Urime, Dita e Shkollës" e suksese në vazhdimësi!