Asambleja Komunale e Fëmijëve - Prizren

Asambleja Komunale e Fëmijëve në Komunën e Prizrenit me rastin e 1 Qershorit ( Ditës Ndërkombëtare të Fëmijëve ) ka organizuar një sërë aktivitetesh të ndryshme . Fillimisht kjo ditë ka filluar në Shtëpinë e Bardhë ku takimi është hapur nga kryetari i Asamblesë Komunale të Fëmijëve të Prizrenit, Rrahim Gashi pastaj duke vazhduar me fjalimet e: krytetarit e Komunës së Prizrenit Prof. Dr. Ramadan Muja, Z. Kujtim Gashi, Z. Nexhat Çoçaj si dhe drejtorë të drejtorive komunale të komunës së Prizrenit. Të pranishëm ishin edhe KFOR, Organizata JoQeveritare dhe Media. Në këtë takim është biseduar për rolin e fëmijëve në shoqëri. Janë prezantuar aktivitetet e Asamblesë Komunale të Fëmijëve në komunën e Prizrenit, poashtu në këtë takim për herë të parë, Asambleja Komunale e Fëmijëve ka paraqitur zyrtarisht: Statutin e Asamblesë, Rregullorën e Asamblesë, Planin e Punës dhe Planin Buxhetor, duke u përputhur me rregulloren e Kuvendit Komunal, më pas Asambleja Komunale e Fëmijëve është prezantuar edhe në dy gjuhët tjera pakicë, turqisht dhe boshnjakisht. Takimi është mbyllur me një Diskutim të Hapur ku fëmijët dhe Asambleistët kanë bërë pyetje rreth gjendjes së fëmijëve në shoqëri. Mirëpo aktiviteti i ditës së sotme ka vazhduar edhe më pas në Shtëpinë e Kulturës, ku janë paraqitur disa aktivitete të ndryshme të cilat trajntojnë temat e fëmijëve. Në aktivitetin në shtëpinë e kulturës të organizuar nga Asambleja Komunale e Fëmijëve në bashkpunim me Zyrën për Barazi Gjinore dhe të Drejtat e Njeriut kanë marrur pjesë disa Kopshte të Fëmijëve, Studio e Baletit PASSE, këngëtarë e recitues në gjuhë të ndryshme. Pas këtij aktivitetit Asambleja e Fëmijëve është zhvendur në Sheshin Shadërvan duke shpërndarë Vizatime për Fëmijë dhe Llogo vetëdijësuese “ Sot është dita ime “, poashtu është bërë edhe ngjyrosja e fytyrave të fëmijëve. Asambleja Komunale e Prizrenit nuk do të ndaloj me kaq, ajo do të vazhdoj punën e saj edhe më tutje gjithnjë e më shumë.
URIME 1 QERSHORI, DITA E FËMIJËVE

Asambleja Komunale e Fëmijëve Prizren ishte mysafir në emisionin e mirënjohur teliviziv “ Oxygen “, me moderatorin Z. Besim Dina. Në emision u promovuan aktivitetet tona për punën që kemi zhvilluar por edhe për planet në të ardhmen, përgjegjësitë dhe punët që i kryen Asambleja Komunale e Fëmijëve në Komunën e Prizrenit. Në emision poashtu u theksua Themelimi I Statutit dhe Rregullorës së Asamblesë së Fëmijëve si dhe Planit Buxhetor dje Planit të Punës.

Sot me datë 18.05.2016 një pjesë e Asamblesë Komunale të Fëmijëve bëri vizitë në OJQ “ Handikos “ me që rast biseduan për pjesëmarrjen e fëmijëve me aftësi të kufizuara në aktivitetet e organizuara për 1 Qershorin, Ditën Ndërkombëtare të Fëmijëve. Asambleja Komunale e Fëmijëve Prizren do të jetë gjithmonë në bashkëpunim me organizatat e ndryshme të cilat kanë për qëllim rritjen e rolit të fëmijëve në shoqëri, sidomos të atyre me aftësi të kufizuara.

Asambleja komunale e fëmijëve, me datë 03.05.2016 ka pasur mbledhjen e saj ku është bërë votimi dhe miratimi i planit buxhetor 2016 / 2017, duke u bazuar në planin e saj për aktivitete gjatë vitit 2016/2016, pastaj analizimi i Rregullores dhe Statutit të Asamblesë, idetë dhe ndryshimet tek këto të fundit.

Ansambleja Komunale e Fëmijeve – Prizren për nder të Ditës së Tokës shënoi aktivitete të shumta me qëllim vetëdijësimi dhe sensibilizimi të qytetarëve të Komunës së Prizrenit për mbrojtjen e Tokës. Disa nga këto aktivitete ishin : Pastrimi i një zone mjaft të ndotur në lagjen Lakuriqi, takimi me kryetarin e Komunës së Prizrenit Z. Ramadan Muja dhe mbjellja e Fidanit, shpërndarja e balonave dhe informacioneve për Ditën e Tokës në shkollën “Lef Nosi” dhe në Sheshin Shadërvan, prezantimi i punimeve nga materialet recikluese të punuara nga nxënësit e shkollës “Emin Duraku”. Për ndihmën gjatë zhvillimit të këtij aktiviteti Ansambleja Komunale e Fëmijëve falenderon përzemërsisht Z.Ibrahim Krusha, Z.Blerim Gashi, Zyren për barazi gjinore dhe Znj. Vildane Aliti.

Takimi zyrtar me Drejtorin e Sherbimeve dhe Kryetarin e Asambles per organizimin e 22 prilit Dites se Tokes.

Pershendetje Asambleist,

Vini re,te Premten ora 09.30 te gjithe asambleist 40 te jene ne hapsirat e shkolles fillore Mati Logoreci aty do te paisemi me nga nje maic dhe kapel per te vazhduar me mbjelljen e nje fidani se bashku me Kryetarin e Komunes prof.Ramadan Muja,me kete rast ju kisha lutur te gjitheve qe te jene serioz ne kete aktivitet te rendesishem per Asamblen,poashtu ju lutem qe te merrni edhe nga nje shok apo shoqe pas veti ne menyre qe participimi i jon te jete ne nivelin me te lart.
Kryetari i asambles se bashku me Blerimin i kane obligimet e tyre qe shpresoj qe ti permbahen ne baze te asaj te cilen e kemi bisedu ne takim ne komun ,pas aktivitetit na kane siguruar nga nje hamburger dhe pije.

Sukses!
B.I freshh krem

NJOFTIM:
Njoftojmë të gjithë se me datë 01.03.2016 është mbajtur mbledhja e antarëve të komisionit për Arsim dhe Kulturë, edhe ky komision idetë e shkruara do t'i paraqesë ne mbledhjen e ardhshme.

NJOFTIM:
Njoftojmë të gjithë se me datë 29.02.2016 është mbajtur mbledhja e anëtarëve të komisionit për Sport dhe Rekreacion , në këtë mbledhje anëtarët diskutuan disa çështje dhe morën disa vendime që do t'i paraqesin në mbledhjet në vazhdim.

NJOFTIM:
Njoftim për të gjithë se sot pas takimit dhe dhënjes së betimit të kryetarit të asambles së Prizrenit është bërë edhe ndarja e grupeve për hartimin e planit të punës të asambles për vitin 2016/2017. Grupi për kulturë dhe arsim të Martën do ta ketë takimin , ndërsa grupi për sport dhe rekreacion të Hënën. Gjithashtu nga Nevo Koncepti do të organizohet dy ditë trajnim për ngritjen e kapaciteteve.

NJOFTIM:

Njofojm të gjithë fëmijët e komunës së Prizrenit se me datën 10.02.2016 në ora 13.00 është rifomuar për here të dytë Asambleja e Fëmijëve në Komunën tone, me këtë rast njoftojm edhe të gjithë qytetarët se Asambleja e femijëve do të jetë në mbrojtjen e të gjithë fëmijëve në komunën tonë dhe më gjerë. Asambleja në përbërjen e saj këtë radhë ka 42 asambleistë duke i përfshirë edhe shkollat e fshatrave për rreth komunës tonë e cila e bënë më transparente punën dhe llogaridhënjen e asamblesë së fëmijëve. Përzgjedhja është bërë në mënyrë transparente dhe demokratike duke votuar në mënyrë të hapur. Kryetar për këtë mandat është zgjedhur Rrahim Gashi nga shkolla” Emin Duraku”. Nënkryetare: Dilara Sejrani nga shkolla “Mustafa Bakiu” . Nënkryetare për komunitete: Safije Shata nga shkolla “Avdyl Frashëlri”. Arkatar Ledion Fetahu nga shkolla” Avdyl Frashëri”.

Mbledhja e asambles është mbajtur nën patrionatin e zyrës për barazi gjinore dhe të drejtat e njeriut e managjuar nga OJQ NEVO KONCEPTI.

Me rastin e 20 Nentorit Ditës Ndërkombëtare të Kombeve te Bashkuara për të Drejtat e Fëmijeve,Asamblea e komunes se Prizrenit organizoje aktivitete per sensibilizimin e femijeve per te drejtat e tyre,aktivitet jane realizuar ne shtepin e Kultures Xhemali Berisha duke prezentuar me nje dram qe ka per qellim te drejtat e femijeve.Ne aktivitet ishin pjesmarres 350 femije nga te gjitha shkollat e komunes se Prizrenit,prinder,mesimdhenes dhe organizata jo qeveritare,zyra per barazi gjinore dhe te drejtat e njeriut e cila ka qene mbeshtetese e aktiviteteve ndersa eshte implementuar nga organizata joqeveritare Nevo Koncepti.
Shikim te kendeshem me fotot nga drama e realizuar nga vete femijet e asambles