IAAP "Ymer Prizreni" Prizren

Me rastin e pensionimit të kolegëve tanë: prof. Hatim Mehmeti, prof.Xhylije Margilaj, prof.Igballe Misini, prof.Zeliha Misolli, prof. Atima Shaqiri Ju shprehim një falënderim të veçantë për kontributin e madh, përkushtimin dhe profesionalizmin e treguar ndër vite, duke ju uruar shëndet të mirë, lumturi.

TikTok · Shkolla Ymer Prizreni Check out Shkolla Ymer Prizreni’s video.

Sot në IAAP” Ymer Prizreni” Prizren, jemi mbledhur për një moment sa emocional, aq edhe të veçantë për shkollën tonë, për të shprehur mirënjohjen dhe respektin ndaj pesë mësimdhënësve tanë të nderuar, të cilët pas shumë vitesh pune, përkushtimi dhe sakrifice po e përmbyllin rrugëtimin e tyre profesional me pensionim:
Prof. Hatim Mehmeti�Prof. Igballe Misini�Prof. Xhylije Margilaj�Prof. Zeliha Misolli�Prof. Hatime Elezi
Për vite me radhë, ata kanë qenë pjesë e pandashme e shkollës sonë, duke edukuar, udhëzuar dhe formuar gjenerata të tëra nxënësish. Me punën, durimin dhe profesionalizmin e tyre, kanë lënë gjurmë të pashlyeshme jo vetëm tek nxënësit, por edhe tek kolegët dhe gjithë komuniteti shkollor.
Në mesin e tyre kemi edhe profesorin që kontribuoi në periudhat më të vështira për arsimin shqip, kur shkollat ishin të mbyllura dhe mësimi zhvillohej nëpër shtëpi-shkolla. Së bashku me shumë mësimdhënës të asaj kohe, ai e mbajti gjallë arsimin shqip me shumë sakrificë, përkushtim dhe dashuri për dijen dhe kombin.
Secili prej tyre ka dhënë kontribut të çmuar në edukimin dhe formimin e shumë gjeneratave, duke lënë gjurmë të pashlyeshme në jetën e nxënësve dhe në historinë e shkollës sonë. Emrat dhe puna juaj do të mbeten gjithmonë pjesë e historisë së shkollës sonë.
Në emër të drejtoris se shkollës, kolektivit dhe nxënësve, ju urojmë shëndet, lumturi, qetësi dhe shumë vite të bukura pranë familjeve të tyre.
Ju faleminderit për gjithçka që keni dhënë për arsimin, nxënësit, komunitetin dhe shkollën tonë!
#
#

▪️Mbledhja e këshillit të mësimdhënësve▪️

❇️Sot më datë 08.06.2026 u mbajt mbledhja e këshillit të mësimdhënësve, me këto pika të rendit të ditës:

1. Realizimi i planprogrameve mësimore për gjysmëvjetorin e dytë.

2. Raportimi i suksesit dhe vijueshmërisë së nxënësve për vitin shkollor 2025/2026

3. Të ndryshme.

❇️Në pikën e parë u diskutua për realizimin e planprogrameve mësimore gjatë gjysmëvjetorit të dytë. Mësimdhënësit raportuan se planifikimet mësimore janë realizuar në përputhje me kurrikulën dhe planin vjetor të punës. U theksua se përmbajtjet mësimore janë trajtuar sipas dinamikës së paraparë dhe janë ndërmarrë aktivitete shtesë për përforcimin e njohurive te nxënësit.

❇️Në pikën e dytë u raportua suksesi dhe vijueshmëria e nxënësëve për vitin shkollor 2025/2026

U prezantuan të dhënat lidhur me suksesin dhe vijueshmërinë e nxënësve për vitin shkollor 2025/2026. Nga raportimet e kujdestarëve të klasave u konstatua se shumica e nxënësve kanë treguar angazhim dhe rezultate të kënaqshme në mësim. Gjithashtu u diskutua për rastet e mungesave të nxënësve dhe masat e ndërmarra në bashkëpunim me prindërit për përmirësimin e vijueshmërisë.

❇️Dhe në fund, në pikën të ndryshme u diskutua për përfundimin me sukses të vitit shkollor, përgatitjen e dokumentacionit pedagogjik dhe administrativ, ku u kerkua nga mësimdhenësit që të sjellin raportin me perqindje dhe notën mesatare për secilën lëndë mësimore, si dhe për obligimet e mësimdhënësve deri në mbylljen e vitit shkollor. U theksua rëndësia e bashkëpunimit të vazhdueshëm ndërmjet stafit pedagogjik për realizimin e detyrave të mbetura.

Mbledhja përfundoi në frymë bashkëpunimi dhe me falënderime për angazhimin dhe kontributin e të gjithë mësimdhënësve gjatë vitit shkollor 2025/2026.

Me respekt, drejtoria e shkollës!

Vlerësimi i Brendshëm i Shkollës 2025/2026

Sot, më 02.06.2026, u mbajt mbledhja e radhës me Ekipin për Vlerësimin e Brendshëm të Shkollës, ku u shqyrtuan dhe analizuan të dhënat e mbledhura për dy fusha të cilësisë:

1. Performanca e nxënësve
2. Zhvillimi profesional i mësimdhënësve

Të dhënat u përpunuan dhe analizuan bazuar në rezultatet e anketave, vëzhgimeve dhe pyetësorëve të realizuar me nxënës, prindër dhe mësimdhënës.

Nga nxënësit u përzgjodhën nxënës me sukses të shkëlqyeshëm, të mirë dhe më të dobët.

Gjithashtu, në proces morën pjesë mësimdhënësit e shkollës, duke përfaqësuar komunitetin shumicë shqiptar, si dhe komunitetet boshnjak dhe turk.

Nga analiza e të dhënave rezultoi se:

* Në fushën “Performanca e nxënësve”, shkolla ka arritur rezultat shumë të mirë, me trend pozitiv drejt nivelit të shkëlqyer.
* Ndërsa në fushën “Zhvillimi profesional i mësimdhënësve”, rezultati i përgjithshëm u vlerësua i mirë, gjithashtu me trend pozitiv të rritjes.

Këto rezultate pasqyrojnë përkushtimin e vazhdueshëm të shkollës për përmirësimin e cilësisë së mësimdhënies dhe avancimin e arritjeve të nxënësve.

Gjatë takimit u diskutuan gjetjet kryesore, u identifikuan pikat e forta dhe fushat që kërkojnë përmirësim, si dhe u dhanë rekomandime konkrete për ngritjen e mëtejshme të cilësisë së punës në shkollë.

Në fund të takimit, u shpreh falënderim i veçantë për të gjithë anëtarët e ekipit punues për bashkëpunimin, korrektësinë, përkushtimin dhe përgjegjësinë e treguar gjatë procesit të mbledhjes, analizimit dhe përpunimit të të dhënave. Kontributi i secilit anëtar ishte i rëndësishëm për realizimin me sukses të këtij procesi vlerësues.

TikTok · Shkolla Ymer Prizreni 92 likes, 6 comments. “"School picture day" Klasa e 11”

Sot, në shkollën tonë IAAP”Ymer Prizreni” Prizren, u mbajt Testi Vlerësues për Shkallën e V-të për nxënësit e klasave XI-ta, i hartuar në përputhje me Rezultatet e Kompetencave Kurrikulare. Procesi i testimit u zhvillua me përgjegjësi dhe sipas procedurave të parapara, me qëllim të vlerësimit të arritjeve dhe njohurive të nxënësve në përputhje me rezultatet e të nxënit.

Gjatë këtij procesi u realizua edhe bashkëpunim i vazhdueshëm me kolegët e aktiveve profesionale dhe të përgjithshme, për shkëmbim përvojash, konsultim dhe koordinim të aktiviteteve në funksion të avancimit të cilësisë në mësimdhënie dhe vlerësim.

Falënderojmë të gjithë mësimdhënësit dhe nxënësit për angazhimin, korrektësinë dhe përkushtimin e treguar gjatë realizimit të testit.

Me respekt,
Drejtoresha e shkollës
Myvedete Gavazaj

“Shëndeti mendor i të rinjve në epokën digjitale”
Sot në IAAP Ymer Prizreni u mbajt një ligjëratë mjaft inspiruese nga psikologia klinike Erolina Morina me temën: “Shëndeti mendor i të rinjve në epokën digjitale”.

Gjatë ligjëratës u diskutua për ndikimin e teknologjisë dhe rrjeteve sociale në jetën e të rinjve, rëndësinë e kujdesit për shëndetin mendor, menaxhimin e stresit dhe krijimin e balancës mes jetës reale dhe asaj digjitale.

Nxënësit patën mundësinë të bashkëbisedojnë, të shtrojnë pyetje dhe të përfitojnë këshilla të vlefshme për mirëqenien emocionale dhe psikologjike.

Falënderojmë psikologen Erolina Morina për ligjëratën e dobishme dhe kontributin e saj në vetëdijesimin e të rinjve për rëndësinë e shëndetit mendor.

Në IAAP “Ymer Prizreni” u mbajt mbledhja e Këshillit të Klasave të XII-ta, ku u diskutuan dhe u analizuan çështje të rëndësishme që lidhen me suksesin e nxënësve, realizimin e planprogrameve mësimore, vijueshmërinë dhe disiplinën gjatë vitit shkollor.

Gjatë takimit u vlerësua puna dhe përkushtimi i nxënësve dhe stafit mësimor, të cilët përmes angazhimit dhe bashkëpunimit kanë realizuar me sukses shumë aktivitete dhe projekte gjatë këtij viti shkollor.

Maturantët tanë, si nxënës të shkollës profesionale, po e përmbyllin këtë etapë të rëndësishme si profesionistë të përgatitur për tregun e punës, me njohuri dhe aftësi të fituara gjatë shkollimit dhe punës praktike.

Maturantëve u dëshirojmë shumë suksese në rrugëtimin e tyre të ardhshëm, qoftë në punësim apo vazhdim të studimeve!

Suksese gjeneratës së maturantëve 2025–2026! 🎓

Sot në IAAP “Ymer Prizreni” u mbajt provimi teoriko - praktik për nxënësit e drejtimit “Asistent i Mikpritjes Hoteliere”, në kuadër të Arsimit Dual, një model bashkëkohor që lidh arsimin profesional me tregun e punës dhe praktikën reale në biznese.

Në këtë aktivitet morën pjesë përfaqësues të Arsimit Dual në Kosovë, bizneset partnere, komisioni profesional vlerësues, mësimdhënës dhe stafi i shkollës, të cilët përcollën nga afër demonstrimin e aftësive profesionale të nxënësve tanë.

Nxënësit prezantuan njohuritë dhe shkathtësitë e fituara gjatë punës praktike, duke dëshmuar përkushtim, profesionalizëm dhe gatishmëri për tregun e punës. Kjo gjeneratë mbetet e veçantë për shkollën tonë, pasi është gjenerata e parë e drejtimit “Asistent i Mikpritjes Hoteliere” në sistemin dual.

Falënderojmë për mbështetjen dhe bashkëpunimin:
• përfaqësuesit e Arsimit Dual në Kosovë
• bizneset partnere
• komisionin profesional vlerësues
• stafin dhe mësimdhënësit e shkollës

Një falënderim dhe urim i veçantë për nxënësit tanë për angazhimin, seriozitetin dhe suksesin e treguar gjatë provimit praktik.

Mirënjohje për të gjithë ata që po kontribuojnë në fuqizimin e arsimit profesional dhe krijimin e mundësive më të mira për të rinjtë tanë.