Gjimnazi "Gjon Buzuku" - Prizren

Gjimnazi "Gjon Buzuku" - Prizren Gjimnazi Gjon Buzuku - Prizren Faqja Zyrtare e Gjimnazit "Gjon Buzuku" në Prizren

PREZANTIMI I KARTËS RINORE NË KUVENDIN KOMUNALSot, më 18 shtator 2026, u mbajt sesioni informues për Kartën Rinore Evrop...
18/09/2026

PREZANTIMI I KARTËS RINORE NË KUVENDIN KOMUNAL

Sot, më 18 shtator 2026, u mbajt sesioni informues për Kartën Rinore Evropiane në Kosovë, në kuadër të Muajit të Rinisë, në Shtëpinë e Bardhë në Prizren.

Në takim ishte prezent edhe Kryetari i Komunës së Prizrenit z. Shaqir Totaj i cili i mirëpriti të gjithë nxënësit.

Edhe shkolla jonë mori pjesë dhe u përfaqësua nga Kryetarja e Këshillit të Nxënësve, Rrezana F. Siqeca, së bashku me nxënës të tjerë të shkollës.

Aktiviteti mblodhi të rinj, përfaqësues të këshillave të nxënësve, institucioneve dhe organizatave, me qëllim informimin mbi mundësitë, përfitimet dhe shërbimet që ofron Karta Rinore Evropiane, si dhe diskutimin mbi rolin dhe përfaqësimin e të rinjve në komunitet.

Pjesëmarrja e Gjimnazit “Gjon Buzuku” në aktivitete të tilla është një mundësi e rëndësishme për të rinjtë tanë që të informohen, të kontribuojnë dhe të jenë pjesë aktive e iniciativave që lidhen me të rinjtë dhe komunitetin.

Faleminderit të gjithë nxënësve për pjesëmarrjen dhe përfaqësimin dinjitoz të shkollës sonë!

📚 ZGJEDHJA E PËRFAQËSUESVE TË PRINDËRVE Duke u bazuar në UA 01/2023, zgjedhja, Themelimi dhe Funksionimi i Këshillit t...
17/09/2026

📚 ZGJEDHJA E PËRFAQËSUESVE TË PRINDËRVE

Duke u bazuar në UA 01/2023, zgjedhja, Themelimi dhe Funksionimi i Këshillit të Prindërve, Gjimnazi "Gjon Buziku" ka bërë funksional KPSh për vitin shkollor 2026/2027.

Mledhjen e udhëheqi koordinatori i cilësisë së shkollës z.Vedat Shala, nën monitorimin e profesoreshës znj..Sanije Temaj dhe profesoreshës znj.Dardane Bojaxhi.

Ky proces u zhvillua në frymën e transparencës, bashkëpunimit dhe pjesëmarrjes aktive të prindërve në jetën shkollore.

Përfaqësuesit e zgjedhur do të kenë rol të rëndësishëm në forcimin e komunikimit dhe bashkëpunimit ndërmjet prindërve, nxënësve dhe stafit të shkollës, si dhe në adresimin e çështjeve me interes të përbashkët.

Në kuadër të përfaqësuesve të prindërve u zgjodhën:

Z.Besim Morina – përfaqësues nga klasat e X-ta
Z.Ergin Kala – përfaqësues nga klasat e XI-ta
Znj.Myzafere Gjergjizi – përfaqësuese nga klasat e XII-ta

Ndërkaq, në kuadër të përfaqësimit të prindërve, për VBSh u zgjodhën edhe:

z.Halim Muqaj
Znj.Teuta Hoxha
Z.Sami Gashi

Gjimnazi “Gjon Buzuku” falënderon të gjithë prindërit për pjesëmarrjen, besimin dhe gatishmërinë për të kontribuar në jetën dhe zhvillimin e shkollës.
Bashkëpunimi i shkollës me prindërit mbetet një nga shtyllat e rëndësishme për krijimin e një mjedisi të sigurt, gjithëpërfshirës dhe të suksesshëm për të gjithë nxënësit tanë.

NJË LIBËR I DHURUAR ËSHTË NJË MUNDËSI MË SHUMË PËR TË LEXUAR!Sot, profesoresha e gjuhës gjermane, znj.Dardane Bojaxhi, ...
16/09/2026

NJË LIBËR I DHURUAR ËSHTË NJË MUNDËSI MË SHUMË PËR TË LEXUAR!

Sot, profesoresha e gjuhës gjermane, znj.Dardane Bojaxhi, së bashku me nxënësit e klasës X-5, realizoi një aktivitet të veçantë dhe me vlerë edukative, duke dhuruar libra për mini-bibliotekën e vendosur në Parkun e Qytetit.
Përmes këtij aktiviteti, nxënësit kontribuuan në pasurimin e një hapësire të hapur për të gjithë dashamirët e librit dhe të leximit, duke përcjellë një mesazh të rëndësishëm për kulturën e leximit, solidaritetin dhe ndarjen e dijes.
Çdo libër i dhuruar është një mundësi e re për të mësuar, për të reflektuar, për të zhvilluar imagjinatën dhe për të zbuluar perspektiva të reja.
Ky aktivitet ndërlidhet edhe me kompetencat e përcaktuara në Kornizën Kurrikulare të Kosovës, duke kontribuar në zhvillimin e kompetencës së komunikimit dhe të të shprehurit, të të menduarit, të të nxënit, si dhe të kompetencës qytetare dhe personale.
Nëpërmjet leximit dhe qasjes së lirë në libra, nxënësit inkurajohen të bëhen lexues të pavarur, mendimtarë kritikë dhe qytetarë aktivë, të gatshëm të kontribuojnë në jetën kulturore dhe shoqërore.
Le të dhurojmë një libër, të ndajmë një histori dhe të kultivojmë dashurinë për leximin!
Sepse një qytet që lexon është një qytet që mendon, mëson dhe zhvillohet.
Falënderojmë profesoreshën znj. Dardane Bojaxhi dhe nxënësit e klasës X-5 për këtë iniciativë të bukur, me vlerë edukative dhe qytetare, si dhe për kontributin e tyre në pasurimin e mini-bibliotekës dhe promovimin e kulturës së leximit.

Nga kujtesa te ndërgjegjësimi: Të rinjtë përballë historisë së tragjedive të KosovësNë kuadër të projektit “Empower Yout...
15/09/2026

Nga kujtesa te ndërgjegjësimi: Të rinjtë përballë historisë së tragjedive të Kosovës

Në kuadër të projektit “Empower Youth Through History”, me mbështetjen e Bashkimit Evropian, nxënësit e Gjimnazi "Gjon Buzuku" - Prizren patën mundësinë të marrin pjesë në një sërë aktivitetesh edukative të fokusuara në njohjen e historisë së afërt, gjenocideve të shekullit XX, kujtesës historike, të drejtave të njeriut dhe rëndësisë së ruajtjes së kujtesës kolektive.

Gjatë muajve mars–maj, mësimdhënësija e historisë të shkollës sonë, znj.Fetnan Derviş dhe mësimdhënësja e historisë së shkollës Emin Duraku znj. Fëllanza Kirajtani zhvilluan trajnime dhe seminare me grupe të ndryshme nxënësish, duke trajtuar gjashtë tema të rëndësishme që lidhen me gjenocidet, kujtesën historike, të drejtat e njeriut dhe mësimet që duhet të nxjerrim nga e kaluara.

Më 12 shtator, një grup nxënësish të Gjimnazit “Gjon Buzuku”, së bashku me nxënës nga shkolla ,,Emin Duraku" dhe ,,11 Marsi" realizuan një vizitë edukative në disa vende me rëndësi të veçantë për kujtesën historike të Kosovës:
• Muzeun e Krushës së Madhe
• Memorialin në Mejë të Gjakovës
• Qendrën Dokumentuese të Kosovës
• Reporting House
Nxënësit u shoqëruan nga mësimdhënëset e historisë znj.Fëllanza Kirajtani dhe znj. Fetnan Derviş.
Kjo vizitë u ofroi të rinjve mundësinë që, përtej mësimit në klasë, të njihen drejtpërdrejt me dëshmitë, dokumentet dhe rrëfimet që lidhen me tragjeditë njerëzore, humbjet dhe krimet e kryera gjatë luftës në Kosovë.
Për Gjimnazin “Gjon Buzuku”, edukimi historik nuk nënkupton vetëm njohjen e së kaluarës, por edhe ndërtimin e një kulture të kujtesës, respektit, tolerancës dhe paqes. Të rinjtë duhet ta njohin të kaluarën për ta kuptuar më mirë të tashmen dhe për të ndërtuar një të ardhme ku të drejtat e njeriut, liria dhe dinjiteti njerëzor respektohen dhe mbrohen.
Të mos harrojmë atë që ka ndodhur është përgjegjësi ndaj viktimave dhe brezave që vijnë. Kujtesa është përgjegjësi, ndërsa edukimi është rruga drejt një të ardhmeje më të drejtë dhe më paqësore.
Gjimnazi “Gjon Buzuku” – Prizren mbetet i përkushtuar në edukimin e brezave të rinj me dije, ndërgjegjësim historik dhe vlera njerëzore, duke i përgatitur ata të jenë qytetarë aktivë, të përgjegjshëm dhe të respektueshëm ndaj të drejtave dhe dinjitetit të çdo njeriu.

Shprehim mirënjohjen dhe falënderimin tonë të veçantë për mësimdhënëset e historisë,
znj. Fëllanza Kirajtani dhe znj.Fetnan Derviş, për përkushtimin e tyre, për mundësimin e këtyre përvojave të çmuara edukative për nxënësit tanë.

📌 ZGJEDHJA E KRYESISË SË RE TË KËSHILLIT TË NXËNËSVENë Gjimnazin “Gjon Buzuku” – Prizren u zhvillua mbledhja me kryetarë...
15/09/2026

📌 ZGJEDHJA E KRYESISË SË RE TË KËSHILLIT TË NXËNËSVE

Në Gjimnazin “Gjon Buzuku” – Prizren u zhvillua mbledhja me kryetarët e klasave të X-ta, XI-ta dhe XII-ta, me ç’rast u mbajt procesi i zgjedhjes së Kryesisë së re të Këshillit të Nxënësve (KN), në përputhje me Udhëzimin Administrativ (MAShTI) Nr. 04/2021 për Themelimin dhe Funksionalizimin e Këshillave të Nxënësve.
Pas fjalës së rastit nga drejtoresha e shkollës,
znj. Gylaj Shipkovica, dhe koordinatorit të shkollës, z. Vedat Shala, procesi zgjedhor vazhdoi përmes votimit të fshehtë, duke garantuar një proces demokratik, transparent dhe përfaqësues.
Me votim të fshehtë u zgjodhën:

Kryetare e Këshillit të Nxënësve:
Rrezana F. Siqeca, XII-4

Nënkryetare:
Vesa Shala, XI-1

Përfaqësuesit e klasave:
• Klasat e X-ta – Genjon Isa
• Klasat e XI-ta – Linda Sylbije
• Klasat e XII-ta – Eftjola Duraj

Falënderim i veçantë për Kryesinë e Këshillit të Nxënësve 2025/2026, në krye me Elisa Çollaku kryetare dhe Lejtore Krajku , nënkryetare, për punën, angazhimin dhe kontributin e tyre të çmuar në jetën dhe aktivitetet e shkollës.
Procesi zgjedhor u zhvillua nën monitorimin dhe përkujdesjen e: Drejtoreshës së shkollës,
znj. Gylaj Shipkovica
Koordinatorit të Cilësisë, z. Vedat Shala
Psikologes së shkollës, znj. Hava Elshani
Profesorit, z. Safet Mrasori
Kryesisë së re të Këshillit të Nxënësve i urojmë shumë suksese, punë të mbarë dhe përfaqësim sa më dinjitoz të zërit, interesave dhe ideve të nxënësve të Gjimnazit “Gjon Buzuku”!

KOKTEJ ME RASTIN E PENSIONIMIT TË PROFESORIT ALIRAHMI KARAHODASot, në Gjimnazin “Gjon Buzuku” – Prizren, u organizua një...
08/09/2026

KOKTEJ ME RASTIN E PENSIONIMIT TË PROFESORIT ALIRAHMI KARAHODA

Sot, në Gjimnazin “Gjon Buzuku” – Prizren, u organizua një koktej rasti me rastin e pensionimit të profesorit të Gjeografisë, z. Alirahmi Karahoda, pas më shumë se 42 vitesh punë dhe përkushtim në arsim.
Në një atmosferë të ngrohtë dhe miqësore, kolegët dhe drejtoria e shkollës shprehën mirënjohjen e tyre për kontributin e jashtëzakonshëm të profesorit në edukimin dhe arsimimin e shumë gjeneratave të nxënësve.
Gjatë këtij rrugëtimi të gjatë profesional, profesori Alirahmi Karahoda u dallua për përkushtimin, profesionalizmin, korrektësinë dhe respektin ndaj nxënësve dhe kolegëve, duke lënë gjurmë të çmuara në historinë e shkollës sonë.
Me këtë rast, Drejtoresha e SH.M.L. “Gjon Buzuku”, MSc. Gylaj Shipkovica, i shprehu falënderimin dhe mirënjohjen e veçantë profesorit Karahoda për kontributin e tij shumëvjeçar në arsim.
I nderuar profesor Alirahmi, faleminderit për mbi 42 vite përkushtim, punë dhe kontribut!
Ju urojmë pensionim të mbarë, shëndet, lumturi, qetësi dhe shumë vite të bukura pranë familjes suaj!

Me respekt,
Gjimnazi “Gjon Buzuku” – Prizren

NJOFTIMTë dashur nxënës,Të nderuar mësimdhënës,Të respektuar prindër,Ju njoftojmë se më 01.09.2026 fillon procesi mësimo...
31/08/2026

NJOFTIM

Të dashur nxënës,
Të nderuar mësimdhënës,
Të respektuar prindër,
Ju njoftojmë se më 01.09.2026 fillon procesi mësimor për vitin shkollor 2026/2027 në Gjimnazin „Gjon Buzuku” – Prizren.
Mësimi në ndërrimin e paradites – nga ora 08:00
Nxënësit e klasave XII dhe XI të komunitetit shqiptar.
Mësimi në ndërrimin e pasdites – nga ora 13:30
Nxënësit e klasave X të komunitetit shqiptar;
Paralelet e komunitetit boshnjak dhe turk.

Duke u bazuar në Udhëzimin Administrativ
nr. 06/2014, neni 2, pika 10, ku thuhet se nxënësi obligohet: Ta mbajë uniformën e shkollës gjatë procesit mësimor! kërkohet nga secili nxënës që ta respektojë këtë rregull, nga dita e parë deri në përfundim të vitit shkollor.

Urojmë që viti i ri shkollor të jetë i mbarë, i suksesshëm dhe plot arritje për të gjithë nxënësit dhe mësimdhënësit tanë!
Suksese dhe një fillim të mbarë të vitit shkollor 2026/2027!

Telegram ngushëllimiMe pikëllim të thellë morëm lajmin për ndarjen nga jeta të Profesor Dr. Eqrem Kryeziut, një Profesor...
25/08/2026

Telegram ngushëllimi

Me pikëllim të thellë morëm lajmin për ndarjen nga jeta të Profesor Dr. Eqrem Kryeziut, një Profesor i përkushtuar dhe një personalitet i respektuar i arsimit shqip.
Profesor Dr. Eqrem Kryeziu ishte pjesë e stafit të Gjimnazit “Gjon Buzuku” në periudhën 1976–1981, ku me përkushtim, profesionalizëm dhe dashuri për arsimin i shërbeu brezave të nxënësve. Kontributi i tij në edukimin dhe arsimimin e të rinjve mbetet një pjesë e çmuar e historisë së shkollës sonë.
Në vitin 1981, ai u largua nga puna nga forcat serbe, në rrethanat e vështira politike të asaj kohe. Megjithatë, përkushtimi i tij ndaj dijes, arsimit dhe edukimit nuk u harrua kurrë. Emri dhe kontributi i tij mbeten të lidhura me një periudhë të rëndësishme të historisë së Gjimnazit “Gjon Buzuku”.
Në emër të gjithë komunitetit të Shkollës sonë shprehim ngushëllimet tona më të sinqerta familjes, të afërmve, miqve, kolegëve dhe të gjithë atyre që e njohën dhe e çmuan Profesor
Dr. Eqrem Kryeziun.
Ndarja e tij nga jeta është një humbje e madhe për familjen, por edhe për arsimin dhe shoqërinë tonë. Kujtimi për punën, përkushtimin dhe kontributin e tij do të mbetet i gjallë ndër brezat që ai edukoi dhe në kujtesën e shkollës sonë.
U prehtë në paqe shpirti i Profesor Dr. Eqrem Kryeziut!

Me respekt dhe mirënjohje,
Drejtoria e Gjimnazi "Gjon Buzuku" - Prizren

Sot, në ambientet e Gjimnazit "Gjon Buzuku", u mbajt mbledhja e parë e Këshillit të Arsimtarëve për vitin shkollor 2026/...
24/08/2026

Sot, në ambientet e Gjimnazit "Gjon Buzuku", u mbajt mbledhja e parë e Këshillit të Arsimtarëve për vitin shkollor 2026/2027 e kryesuar nga Drejtoresha e Gjimnazit, Znj. Gylaj Shipkovica.

Mbledhja u fokusua në përgatitjet intensive për fillimin e mbarë të vitit të ri shkollor.
​Në këtë takim u diskutua dhe u vendos sipas këtij rendi të ditës:
​Përgatitjet për vitin shkollor 2026/2027;
​Procesi i regjistrimit të nxënësve në klasën e dhjetë;
​Shpërndarja e fondit të orëve - Organizimi dhe ndarja e orëve mësimore nëpër aktivet profesionale;
​Të ndryshme:
Trajtimi i çështjeve të tjera organizative me rëndësi për stafin dhe funksionimin e përgjithshëm të shkollës.
​Këshilli i Arsimtarëve, nën udhëheqjen e drejtorisë, shpreh gatishmërinë e plotë për të pritur nxënësit dhe për të siguruar një vit shkollor me rezultate të shkëlqyera.
​Ju urojmë punë të mbarë të gjithë stafit dhe shumë sukses nxënësve tanë!

KALENDARI I VITIT SHKOLLOR 2026/2027Të dashur nxënës,Të nderuar mësimdhënës,Të nderuar prindër,Ju sjellim Kalendarin e v...
23/08/2026

KALENDARI I VITIT SHKOLLOR 2026/2027

Të dashur nxënës,
Të nderuar mësimdhënës,
Të nderuar prindër,

Ju sjellim Kalendarin e vitit shkollor 2026/2027, të publikuar nga Ministria e Arsimit, Shkencës, Teknologjisë dhe Inovacionit (MAShTI).

Ju urojmë një vit shkollor të mbarë, të suksesshëm dhe me shumë rezultate!

Gjimnazi “Gjon Buzuku” – Prizren

Address

Lekë Matrënga
Prizren
20000

Website

Alerts

Be the first to know and let us send you an email when Gjimnazi "Gjon Buzuku" - Prizren posts news and promotions. Your email address will not be used for any other purpose, and you can unsubscribe at any time.

Shortcuts

Share

Category