Shkolla Fillore "Lekë Dukagjini"

Më datë 19.06.2026, u mbajt mbledhja e radhës e Këshillit të Klasave sipas njoftimit të lëshuar nga drejtoria e shkollës.
Mbledhja u zhvillua në një atmosferë pune dhe bashkëpunimi të mirë. U shqyrtuan dhe u diskutuan të gjitha pikat e rendit të ditës:
U miratua procesverbali i mbledhjes së kaluar.
U analizua suksesi dhe vijueshmëria e nxënësve gjatë periudhës mësimore.
U shqyrtuan vlerësimet përfundimtare dhe u diskutua përgatitja e raporteve përkatëse.
U trajtuan çështje pedagogjike dhe disiplinore të nxënësve.
U diskutuan përgatitjet për përfundimin e vitit shkollor.
U trajtuan edhe çështje të ndryshme me interes për procesin mësimor.
Për secilën pikë të rendit të ditës u raportua dhe u diskutua në mënyrë konstruktive. Udhëheqësia e shkollës ofroi mbështetjen e nevojshme për të gjithë mësimdhënësit, duke vlerësuar angazhimin, përkushtimin dhe punën e tyre gjatë vitit shkollor.
Mbledhja përfundoi në frymë bashkëpunimi dhe mirëkuptimi, me dakordim të plotë për realizimin e obligimeve të mbetura deri në përfundimin e suksesshëm të vitit shkollor.

Në kuadër të aktiviteteve të organizuara për nder të Javës “Remzi Ademaj”, nxënësit e shkollës sonë morën pjesë në gara të ndryshme, duke dëshmuar talentin, kreativitetin dhe përkushtimin e tyre.
Nxënësit e klasës II/5, Diar Xhoxhaj dhe Dijar Krasniqi, morën pjesë në garat e shahut,me përqendrim, durim dhe aftësi të mira strategjike, ata përfaqësuan me dinjitet klasën e tyre, duke treguar interes dhe përkushtim në këtë aktivitet edukativ e sfidues.
Nxënësja Vlera Ejupi, e klasës III-4, mori pjesë në garat e recitimit. Ajo u paraqit me poezinë e saj autoriale “Shkolla ime”, duke shfaqur talent, kreativitet dhe dashuri për shkollën. Përmes interpretimit të saj të sigurt dhe të ndjerë, Vlera përfaqësoi me dinjitet klasën dhe shkollën, duke lënë përshtypje të veçantë te të pranishmit.
I përgëzojmë të gjithë nxënësit për pjesëmarrjen aktive dhe u dëshirojmë suksese të mëtejshme!

Vlerësimi për Shkallë në Shkollën Tonë

Më 09.06.2026, në shkollën tonë u zhvillua me sukses procesi i vlerësimit për Shkallën I dhe Shkallën II. Ky proces u realizua në një atmosferë të rregullt dhe të qetë, duke respektuar të gjitha procedurat e parapara.

Falë angazhimit të nxënësve, mësimdhënësve dhe stafit të shkollës, vlerësimi u zhvillua pa vështirësi dhe përfundoi me sukses. Ky proces na ndihmon të vlerësojmë arritjet e nxënësve dhe të identifikojmë mundësitë për përmirësim në të ardhmen.

Me krenari të veçantë vlerësojmë nxënësin Lior Shala, i cili, falë talentit, përkushtimit dhe punës së tij të palodhur, ka arritur një sukses të jashtëzakonshëm duke u kualifikuar në raundin e dytë kualifikues të “Einstein Olympiad World Final 2026”, e cila do të mbahet në Berlin, Gjermani.

Duke demonstruar aftësi të larta logjike dhe njohuri të shkëlqyera në matematikë, Liori u dallua mes shumë pjesëmarrësve dhe fitoi të drejtën për të vazhduar rrugëtimin e tij drejt fazës finale të kësaj olimpiade prestigjioze ndërkombëtare.

Ky rezultat është dëshmi e përkushtimit të tij ndaj dijes, këmbënguljes për të arritur më të mirën dhe potencialit të madh që posedon. Suksesi i Liorit është burim krenarie për familjen, shkollën dhe të gjithë komunitetin tonë arsimor.

Shpresojmë dhe i urojmë nxënësit Lior Shala suksese edhe më të mëdha në fazat e ardhshme të garës. Jemi të bindur se ai do të vazhdojë të na përfaqësojë me dinjitet dhe të na bëjë krenarë me arritjet e tij të shkëlqyera.

🌟📚🏅 Urime, Lior! Të dëshirojmë shumë suksese në Berlin! 🇩🇪✨

Në kuadër të programit “Sporti në Shkolla”, më 04.06.2026, në stadiumin “Liman Gegaj” në Malishevë u organizua aktiviteti “Atletika për Fëmijë”, me pjesëmarrjen e nxënësve nga shkolla të ndryshme.

Përmes këtij aktiviteti u promovuan vlerat e sportit, bashkëpunimi, respekti dhe një mënyrë e shëndetshme jetese.

Nxënësi Aron Paqarizi nga klasa V/5 zuri vendi e parë ne vrapim prej 60 m dhe shkollës tonë i sollën medaljen e artë!
Në këtë aktivitet morën pjesë 6 shkolla nga qendra të ndryshme të Kosovës, me rreth 300 nxënës, të cilët fillimisht patën mundësinë të aplikojnë dhe përjetojnë format e ndryshme të Kids Athletics – Atletikës për Fëmijë.
Pas aktiviteteve praktike dhe argëtuese, nxënësit garuan edhe në katër disiplina të atletikës shkollore, me nga një përfaqësues të shkollës për të dy gjinitë:
1. Vrapim 60m
2. Kërcim së gjati nga vendi
3. Hedhja e topit të medicinbollit nga prapa, 2kg
4. Vrapim 300m
Ky aktivitet kishte për qëllim nxitjen e pjesëmarrjes së fëmijëve në sport, zhvillimin e aftësive motorike, krijimin e përvojës garuese dhe promovimin e atletikës në shkolla.
Programi “Sport në Shkolla” mundësohet nga Ministria e Sportit dhe Rinisë, ndërsa realizohet nga Federata e Sportit Shkollor, në bashkëpunim me Federatën Atletike të Kosovës, me përkrahjen edhe të World Athletics dhe European Athletics.
Sporti në shkolla është hapi i parë drejt një të ardhmeje më aktive, më të shëndetshme dhe më sportive për fëmijët tanë, e Atletika është një zgjedhje e mire.
Jemi krenar me Aronin dhe gjithë nxënësit e tjerë të cilët denjësisht e përfaqësuan shkollën tonë!
Shkolla jonë shpreh mirënjohje për arsimtarin Sherif Ilazi i cili ka dhënë kontribut të veçantë me nxënësit gjatë gjithë rrugëtimit të këtij procesi !

📚🎉 Urime Festa e Abetares! 🎉📚
Sot u organizua një program i veçantë me pjesëmarrjen e të gjithë nxënësve për të shënuar Festën e Abetares, një ditë e rëndësishme që simbolizon hapat e parë të fëmijëve në botën e dijes, leximit dhe shkrimit. Kjo festë shënon përmbylljen e një etape të bukur dhe fillimin e një rrugëtimi të gjatë drejt suksesit.
Drejtoresha znj.Laura Kabashi uron të gjithë nxënësit për angazhimin dhe talentin e treguar në programin e sotëm, mësimdhënësit për përkushtimin e tyre dhe prindërve për mbështetjen e vazhdueshme. Ju dëshirojmë shumë suksese dhe arritje në rrugën e dijes! 🌟📖❤️

💙🤍