ALG - Loyola-Gymnasium Prizren

Rezultatet e provimit pranues të afatit të parë!

Urime të gjithë nxënësve të pranuar dhe mirë se vini në familjen e shkollës sonë!

Shënim: Provimi pranues për afatin e dytë do të mbahet më 15.08.2026!

"Më e mira që mund t’u japim fëmijëve është mundësia të mësojnë duke përjetuar." 😊

Në kuadër të projektit “Eksploruesit e vegjël të qumështit”, nxënësit e klasave të teta të Loyola – Gymnasium vizituan Qumështoren “Abi”, ku patën rastin të njihen nga afër me procesin e përpunimit të qumështit dhe rëndësinë e kontrollit të cilësisë në industrinë ushqimore.

Ky aktivitet u organizua nga mësimdhënëset Gresa Shala (Biologji) dhe Yllza Kolloni Kastrati (Kimi), ndërsa nxënësit u shoqëruan nga mësimdhënëset Haxhere Faiku (Kimi) dhe Leonora Nua (Kimi).

Falënderojmë Qumështoren “Abi” për mikpritjen dhe për mundësinë që nxënësit tanë të lidhin njohuritë teorike me praktikën. 😊

!!! RIKUJTIM !!!

PROVIMI PRANUES – AFATI I PARË 13.06.2026!

Të nderuar prindër dhe nxënës,

Ju rikujtojmë se të shtunën, me 13 qershor 2026, në Loyola-Gymnasium do të mbahet afati i parë i provimit pranues për vitin e ri shkollor.

📝 PROVIMI PRANUES
Afati i parë – 13.06.2026

🕘 Klasa VI, VII, VIII → 09:00 - 11:00
🕛 Klasa X, XI → 12:00 - 14:00

📍Vendndodhja: Kampusi i Loyola-Gymnasium, Prizren

SHËNIM: Luteni që të vini së paku tridhjetë minuta para fillimit të provimit.

Ju urojmë shumë suksese të gjithë kandidatëve!

Në Loyola – Gymnasium u prezantua Iniciativa për Aftësim Profesional në Gjermani 2026 (Ausbildungsinitiative 2026), një program që tashmë prej disa vitesh zbatohet me sukses në shkollën tonë dhe që u ka hapur dyert shumë gjeneratave të nxënësve për shkollim, studime, aftësim profesional dhe punësim në Gjermani.

Përmes shembujve konkretë, përvojave praktike dhe prezantimit të kompanive partnere për këtë vit, nxënësit kuptuan më mirë alternativat dhe rrugët që mund të ndjekin pas përfundimit të shkollimit në Loyola – Gymnasium.

Jemi veçanërisht të lumtur që, falë kësaj nisme, një numër i konsiderueshëm i ish-nxënësve tanë tashmë po ndërtojnë rrugëtimin e tyre akademik dhe profesional në Gjermani.

Faleminderit prof. Shpresë Zeka Karanezit e cila tash e një kohë e koordinon këtë program në emër të Loyola - Gymnasium.

TEATRI LOYOLA - “Thuaji pyllit të dua” për Ditën Ndërkombëtare të Fëmijëve :)

Sot, në kuadër të agjendës së qytetit të Prizrenit për shënimin e 1 Qershorit – Ditës Ndërkombëtare të Fëmijëve, Teatri Loyola pati kënaqësinë të sjellë në skenën e Teatrit të Qytetit “Bekim Fehmiu” shfaqjen “Thuaji pyllit të dua”, me autor dhe regjisor Xhevdet Doda, prodhim i Loyola-Gymnasium dhe Renovabis.

Rreth 350 fëmijë, kryesisht nxënës të shkollave fillore “Emin Duraku” dhe “Motrat Qiriazi”, ishin mysafirët tanë të veçantë në këtë festë të fëmijërisë, imagjinatës dhe dashurisë për natyrën.

Përmes lojës skenike, këngës dhe humorit, fëmijët udhëtuan në një histori që i ftoi të mendojnë për mbrojtjen e mjedisit, respektin ndaj natyrës dhe mirësjelljen në marrëdhëniet me njëri-tjetrin.

Faleminderit Teatrit të Qytetit “Bekim Fehmiu”, Drejtorisë së Kulturës së Prizrenit, mësuesve dhe fëmijëve që e mbushën sallën me energji dhe buzëqeshje.

Kur fëmijët mësojnë të duan natyrën, ata mësojnë edhe të duan botën :)

Nesër, në Ditën Ndërkombëtare të Fëmijëve, Teatri Loyola ka kënaqësinë t'ua sjellë fëmijëve dhe familjeve shfaqjen "Thuaji pyllit të dua", me autor dhe regjisor Xhevdet Doda :)

Jemi të lumtur që këtë shfaqje po e realizojmë në bashkëpunim me Teatrin e Qytetit "Bekim Fehmiu" dhe Drejtorinë për Kulturë, Rini dhe Sport të Komunës së Prizrenit.

Ju presim më 1 Qershor, në ora 12:00, në Teatrin e Qytetit të Prizrenit, për të festuar së bashku botën e fëmijëve, imagjinatën dhe dashurinë për natyrën.

Mirë se vini! :)

ME RËNDËSI: Për shkak të rezervimeve paraprake vendet janë të kufizuara. Luteni që ta bëni rezervimin në telefonin kujdestar të Teatrit "Bekim Fehmiu".

Gëzuar festën e Kurban Bajramit!

Disa çaste nga dy trajnimet e brendshme zhvillimore me stafin e Gjimnazit Loyola, të udhëhequra nga prof. Bernhard Merkelbach, mbi konsultimin profesional ndërmjet kolegëve dhe të nxënit bashkëpunues – Think • Pair • Share.

Përmes diskutimeve, reflektimeve dhe shkëmbimit të përvojave, stafi ynë vazhdon të ndërtojë një kulturë bashkëpunimi, besimi dhe zhvillimi të vazhdueshëm profesional.

Veçanërisht inkurajues ishte motivimi dhe angazhimi i mësimdhënësve për të reflektuar mbi praktikat e tyre dhe për të sjellë qasje të reja në klasë — sepse shkollat më të mira janë ato që vazhdojnë të mësojnë bashkë :)