SHFMU Heronjtë e Lumës - Vërmicë

Home
Kosovo
Prizren
SHFMU Heronjtë e Lumës - Vërmicë

Shkolla fillore dhe e mesme e ulët

14/09/2026

📚 U mbajt mbledhja e Këshillit të Nxënësve

Sot, në SHFMU “Heronjtë e Lumës” – Vërmicë, u mbajt mbledhja e parë e Këshillit të Nxënësve për vitin shkollor 2026/2027.

Mbledhja u drejtua nga drejtori i shkollës, z. Emir Saramati, dhe koordinatori i cilësisë, z. Mentor Morina. Nxënësit u informuan për rolin, përgjegjësitë dhe rëndësinë e Këshillit të Nxënësve në jetën shkollore, bazuar në legjislacionin në fuqi, aktet e brendshme të shkollës dhe parimet e pjesëmarrjes demokratike.

Gjatë takimit u diskutua për fillimin e vitit të ri shkollor, përfaqësimin e nxënësve, bashkëpunimin me organet e shkollës, respektimin e rregullave, sigurinë, mirëmbajtjen e mjedisit shkollor dhe organizimin e aktiviteteve edukative e jashtëkurrikulare.

Përmes një procesi të hapur dhe demokratik, nga radhët e përfaqësuesve të klasave u zgjodh edhe kryetarja e Këshillit të Nxënësve për vitin shkollor 2026/2027.

Falënderojmë të gjithë nxënësit dhe përfaqësuesit e mësimdhënësve për pjesëmarrjen, seriozitetin dhe gatishmërinë për të kontribuar në përmirësimin e vazhdueshëm të jetës shkollore.

Kryetares së zgjedhur dhe të gjithë anëtarëve të Këshillit të Nxënësve u dëshirojmë punë të mbarë dhe suksese në realizimin e përgjegjësive të tyre.

Urojmë që viti shkollor 2026/2027 të jetë një vit i bashkëpunimit, i ideve të reja, i arritjeve dhe i sukseseve të përbashkëta! 🌟

09/09/2026

📚 Një fillim i mbarë me librin dhe leximin

Nxënësit e klasës III-1 vizituan bibliotekën e shkollës, ku u njohën nga afër me fondin e saj dhe morën lektyrat shkollore për të filluar vitin e ri shkollor me dëshirë dhe përkushtim ndaj leximit.

Mësuesja e klasës, Fatima Saramati, i këshilloi dhe i inkurajoi nxënësit që librin ta bëjnë pjesë të pandashme të përditshmërisë së tyre, duke theksuar rëndësinë e leximit letrar në pasurimin e fjalorit, zhvillimin e imagjinatës dhe zgjerimin e njohurive.

Nxënësit i përzgjodhën librat me shumë kureshtje dhe entuziazëm, duke shprehur gatishmërinë që gjatë këtij viti shkollor të lexojnë, të mësojnë dhe të zbulojnë botë të reja përmes librit.

📖 Çdo libër i lexuar është një hap drejt dijes dhe një dritare e re drejt botës!

01/09/2026

🎒📚 URIME FILLIMI I VITIT TË RI SHKOLLOR 2026/2027! 📚🎒

Të dashur nxënës, të nderuar mësimdhënës dhe prindër,

Sot, oborri dhe korridoret e shkollës sonë u mbushën përsëri me buzëqeshje, gëzim dhe zërat e nxënësve. Me emocione të veçanta filluam një rrugëtim të ri drejt dijes, edukimit dhe sukseseve të përbashkëta.

Mirëseardhje të gjithë nxënësve tanë, veçanërisht vogëlushëve që sot u ulën për herë të parë në bankat shkollore! Urojmë që shkolla të bëhet për ta një shtëpi e dytë, ku do të mësojnë, do të krijojnë miqësi dhe do t’i ndërtojnë ëndrrat për të ardhmen.

Nxënësve tanë u dëshirojmë shëndet, mbarësi dhe arritje të shkëlqyera në mësime. Mësimdhënësve u urojmë punë të suksesshme, frymëzim dhe durim në misionin e tyre fisnik, ndërsa prindërit i falënderojmë për mbështetjen dhe bashkëpunimin e vazhdueshëm.

Me angazhim, përgjegjësi dhe bashkëpunim të përbashkët, le ta bëjmë këtë vit shkollor një vit të mbushur me rezultate, përparim dhe kujtime të paharrueshme.

Mirë se vini në shkollë dhe suksese në vitin e ri shkollor 2026/2027!🌟

31/08/2026

Njoftim

26/08/2026

📚 MBLEDHJA E KËSHILLIT TË MËSIMDHËNËSVE

Sot, më 26 gusht 2026, në SHFMU “Heronjtë e Lumës” – Vërmicë, u mbajt Mbledhja e Këshillit të Mësimdhënësve, në kuadër të përgatitjeve për fillimin e vitit të ri shkollor 2026/2027.

Gjatë mbledhjes u diskutuan çështje të rëndësishme që lidhen me:

🔹 organizimin dhe fillimin e rregullt të procesit mësimor;
🔹 ndarjen e klasave dhe përgjegjësive të mësimdhënësve;
🔹 planifikimin e aktiviteteve shkollore dhe jashtëkurrikulare;
🔹 përgatitjen e dokumentacionit pedagogjik dhe sigurimin e teksteve shkollore;
🔹 sigurinë, mirëqenien dhe krijimin e një mjedisi të përshtatshëm për nxënësit;
🔹 shfrytëzimin e buxhetit, donacionet dhe nevojat e shkollës;
🔹 bashkëpunimin dhe koordinimin ndërmjet mësimdhënësve për realizimin e objektivave të përbashkëta.

Në përfundim të mbledhjes u përcaktuan detyrat dhe përgjegjësitë konkrete, me synim që shkolla të jetë plotësisht e përgatitur për pritjen e nxënësve dhe fillimin e suksesshëm të vitit të ri shkollor.

Me përkushtim, përgjegjësi dhe bashkëpunim, vazhdojmë të punojmë për një proces mësimor cilësor dhe për krijimin e kushteve sa më të mira për secilin nxënës.

Mirë se vini në vitin shkollor 2026/2027!
Suksese nxënësve, mësimdhënësve dhe gjithë komunitetit të shkollës! 🏫📖

24/08/2026

📚 MBAHET MBLEDHJA E KËSHILLIT DREJTUES TË SHKOLLËS

Sot, më 24 gusht 2026, në ambientet e SHFMU-së “Heronjtë e Lumës” në Vërmicë, u mbajt mbledhja e Këshillit Drejtues të Shkollës.

Qëllimi kryesor i mbledhjes ishte shqyrtimi i gjendjes së përgjithshme dhe planifikimi i përgatitjeve për fillimin e vitit të ri shkollor 2026/2027. Gjatë takimit u diskutua për organizimin e procesit mësimor, përgatitjen e ambienteve shkollore, planifikimin e aktiviteteve, rezultatet e nxënësve, buxhetin dhe shfrytëzimin e tij, donacionet e pranuara, sigurinë dhe mirëqenien e nxënësve, si dhe çështje të tjera me rëndësi për funksionimin dhe zhvillimin e shkollës.

Diskutimet ishin të hapura, konstruktive dhe të orientuara drejt përcaktimit të prioriteteve dhe krijimit të kushteve sa më të mira për nxënësit dhe mësimdhënësit tanë.

Falënderojmë kryetarin e Këshillit Drejtues të Shkollës, z. Përparim Islamaj, si dhe të gjithë anëtarët e Këshillit për pjesëmarrjen, bashkëpunimin, kontributin dhe gatishmërinë e vazhdueshme për ta mbështetur punën dhe zhvillimin e shkollës sonë.

Me besim, përkushtim dhe bashkëpunim të përbashkët, urojmë që viti shkollor 2026/2027 të nisë mbarë dhe të jetë një vit i suksesshëm, i sigurt dhe i mbushur me arritje të reja për të gjithë nxënësit, mësimdhënësit dhe komunitetin tonë shkollor.

Na priftë e mbara në vitin e ri shkollor 2026/2027! 📖🏫

12/08/2026

AlbaType në shkollën tonë – teknologji që i shërben gjuhës dhe dijes

Sot, në shkollën tonë patëm kënaqësinë e veçantë të mirëpresim z. Urim Qovanaj, me origjinë nga Vërmica, CEO & Founder i AlbaType – tastierës së parë në gjuhën shqipe.

Me këtë rast, z. Qovanaj i dhuroi shkollës sonë 10 (dhjetë) tastiera AlbaType, një donacion me vlerë që do të jetë në shërbim të nxënësve tanë dhe do të kontribuojë në avancimin e përdorimit të teknologjisë gjatë procesit mësimor.

Ky kontribut është më shumë se një pajisje teknologjike – është një mbështetje për arsimin, gjuhën shqipe dhe zhvillimin e shkathtësive digjitale të nxënësve tanë. Përmes përdorimit të AlbaType, nxënësit do të kenë mundësi të punojnë dhe të shkruajnë në gjuhën shqipe në mënyrë më të përshtatshme, duke e ndërlidhur teknologjinë me ruajtjen dhe kultivimin e gjuhës sonë.

Në emër të "SHFMU “Heronjtë e Lumës” – Vërmicë", shprehim mirënjohjen dhe falënderimin tonë të sinqertë për z. Urim Qovanaj për këtë donacion të çmuar, për gatishmërinë për të mbështetur shkollën dhe për kontributin e tij në krijimin e mundësive të reja për nxënësit tanë.

Është gjithmonë kënaqësi dhe krenari kur njerëzit me prejardhje nga vendi ynë, përmes dijes, kreativitetit dhe inovacionit, arrijnë suksese dhe njëkohësisht kthejnë vëmendjen e tyre tek arsimi dhe brezat e rinj.

Faleminderit z. Qovanaj për mbështetjen, bujarinë dhe shembullin frymëzues!

Kur inovacioni i shërben arsimit dhe gjuhës, investimi më i vlefshëm bëhet ai në të ardhmen e fëmijëve tanë.

23/07/2026

🎁 Donacion i vlefshëm për shkollën tonë

Sot, shkolla jonë, SHFMU “Heronjtë e Lumës” në Vërmicë, pranoi një donacion shumë të rëndësishëm nga GNTC Fondi Humanitar, i cili përfshin dymbëdhjetë kondicionerë.

Ky donacion do të ndikojë drejtpërdrejt në përmirësimin e kushteve të punës dhe të mësimit, duke krijuar një ambient më të përshtatshëm, më të rehatshëm dhe më cilësor për nxënësit dhe stafin e shkollës sonë.

Në emër të drejtorisë së shkollës, mësimdhënësve, nxënësve dhe prindërve, shprehim mirënjohjen dhe falënderimin tonë të sinqertë për GNTC Fondin Humanitar, për mbështetjen, gatishmërinë dhe kontributin e çmuar në përmirësimin e infrastrukturës shkollore.

Veprime të tilla dëshmojnë rëndësinë e bashkëpunimit dhe të solidaritetit në mbështetje të arsimit dhe mirëqenies së fëmijëve tanë.

Faleminderit GNTC Fondi Humanitar për këtë donacion të çmuar dhe për përkrahjen ndaj shkollës sonë!

Address

Prizren
20000

Website

http://www.heronjteelumes.school/

Alerts

Be the first to know and let us send you an email when SHFMU Heronjtë e Lumës - Vërmicë posts news and promotions. Your email address will not be used for any other purpose, and you can unsubscribe at any time.

Contact The School

Send a message to SHFMU Heronjtë e Lumës - Vërmicë:

Want your school to be the top-listed School/college in Prizren?